ಸ್ಯಾಂಡಲ್​ವುಡ್​ ನಟ ಅಜಯ್​ ರಾವ್​ (Krishna Ajay Rao) ಅವರು ಪಕ್ಕಾ ಫ್ಯಾಮಿಲಿ ಮ್ಯಾನ್​. ಸಿನಿಮಾ ಕೆಲಸಗಳ ಬಿಡುವಿನಲ್ಲಿ ಅವರು ಕುಟುಂಬದವರ ಜೊತೆಗೆ ಕಾಲ ಕಳೆಯುತ್ತಾರೆ. ಮುದ್ದು ಮಗಳಾದ ಚೆರ್ರಿ (ಚರೀಷ್ಮಾ) ಜೊತೆ ಅಜಯ್​ ರಾವ್​ ಖುಷಿ ಖುಷಿಯಾಗಿ ವೀಕೆಂಡ್​ ಎಂಜಾಯ್​ ಮಾಡಿದ್ದಾರೆ. ಅಪ್ಪನ ಹೆಗಲ ಮೇಲೆ ಕುಳಿತು, ತಲೆಯ ಮೇಲೆ ಪೆನ್ನು ಪೇಪರ್​ ಇಟ್ಟುಕೊಂಡು ಏನನ್ನೋ ಬರೆದಿದ್ದಾಳೆ ಪುಟಾಣಿ ಚೆರ್ರಿ (Cherishma Ajay Rao). ಈ ವಿಡಿಯೋವನ್ನು ಅಜಯ್​ ರಾವ್ ಅವರು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅದಕ್ಕೊಂದು ಚೆಂದದ ಕ್ಯಾಪ್ಷನ್​ ಕೂಡ ಅವರ ನೀಡಿದ್ದಾರೆ. ‘ನನ್ನ ತಲೆ ಮೇಲೆ ಒಂದು ಹೊಸ ಚಿತ್ರಕಥೆ ಮೂಡುತ್ತಾ ಇದೆ’ ಎಂದು ಅವರು ಬರೆದುಕೊಂಡಿದ್ದಾರೆ. ಅಪ್ಪ-ಮಗಳ ಈ ಕ್ಯೂಟ್​ ವಿಡಿಯೋ ಕಂಡು ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದಾರೆ. ಪುತ್ರಿಯ ಹಲವು ಫೋಟೋಗಳನ್ನು ಕೂಡ ಅಜಯ್​ ರಾವ್​ ಹಂಚಿಕೊಂಡಿದ್ದಾರೆ. ಅಜಯ್​ ರಾವ್​ ನಟನೆಯ ‘ಲವ್​ ಯೂ ರಚ್ಚು’ (Love You Racchu) ಚಿತ್ರ ಕಳೆದ ವರ್ಷ ಡಿ.31ರಂದು ತೆರೆಕಂಡಿತ್ತು. ಆ ಚಿತ್ರದಲ್ಲಿ ಅಜಯ್​ ರಾವ್​ಗೆ ಜೋಡಿಯಾಗಿ ರಚಿತಾ ರಾಮ್​ ನಟಿಸಿದ್ದರು.