‘ಅದು ಮಾತ್ರ ನಿಜಕ್ಕೂ ಬೇಸರದ ಸಂಗತಿ’- ಹಿಂಗ್ಯಾಕಂದ್ರು KL​​ ರಾಹುಲ್​​?


ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಏಕದಿನ ಪಂದ್ಯಕ್ಕೂ ಮುನ್ನಾ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಹಂಗಾಮಿ ನಾಯಕ ಕೆ.ಎಲ್​ ರಾಹುಲ್​, ಆರಂಭಿಕರಾಗಿ ಕಣಕ್ಕಿಳಿಯುವುದನ್ನ ಖಚಿತಪಡಿಸಿದ್ದಾರೆ. ಈ ಬಗ್ಗೆ ಮಾತನಾಡಿದ ರಾಹುಲ್​, ರೋಹಿತ್​​ ಶರ್ಮಾ ಅಲಭ್ಯತೆಯಲ್ಲಿ ನಾನು ಟಾಪ್​ ಆರ್ಡರ್​​​​​​​​​​​​ನಲ್ಲಿ ಬ್ಯಾಟ್​ ಬೀಸಲಿದ್ದೇನೆ ಎಂದು ಹೇಳಿದ್ದಾರೆ.

ಇನ್ನು ಆಲ್​​ರೌಂಡರ್​ ಬಗ್ಗೆ ಮಾತನಾಡಿದ್ದು, ಫಾಸ್ಟ್​​ ಬೌಲಿಂಗ್​ ಆಲ್​​​ರೌಂಡರ್​ ಅಗತ್ಯ ಇದೆ. ಹಾಗಾಗಿ ಪ್ರತಿಭಾನ್ವಿತ ಆಟಗಾರ ವೆಂಕಟೇಶ್​ ಅಯ್ಯರ್​ಗೆ ತಮ್ಮ ಸಾಮರ್ಥ್ಯ ಸಾಬೀತುಪಡಿಸಲು ಇದೊಂದು ಉತ್ತಮ ಅವಕಾಶ ಎಂದು ಹೇಳಿದ್ದಾರೆ. ಆ ಮೂಲಕ ಪದಾರ್ಪಣೆ ಮಾಡುವ ಸುಳಿವು ನೀಡಿದ್ದಾರೆ.

ಪಂದ್ಯಕ್ಕಾಗಿ ಹೆಚ್ಚು ಪ್ಲಾನ್​ಗಳನ್ನ ಹಾಕಿಕೊಂಡಿಲ್ಲ. ಸಮಯಕ್ಕೆ ತಕ್ಕಂತೆ ಆಡಲು ಎದುರು ನೋಡುತ್ತಿದ್ದೇನೆ. ಈ ಹಿಂದೆ ಬ್ಯಾಟ್​ ಬೀಸಿದಂತೆಯೇ ಈಗಲೂ ಬ್ಯಾಟಿಂಗ್​ ಮಾಡುತ್ತೇನೆ ಎಂದು ಹೇಳಿದ್ದಾರೆ. ಟೆಸ್ಟ್​​ ಸರಣಿ ಸೋತಿದ್ದು, ನಿಜಕ್ಕೂ ಬೇಸರದ ಸಂಗತಿ. ಹೀಗಾಗಿ ಏಕದಿನ ಸರಣಿ ಗೆಲ್ಲುವ ಪಣ ತೊಟ್ಟಿದ್ದೇವೆ ಎಂದು ತಿಳಿಸಿದ್ದಾರೆ. ಇನ್ನು ಕೊಹ್ಲಿಯಿಂದ ಸಾಕಷ್ಟು ಕಲಿತಿದ್ದೇವೆ. ಅವರ ಮಾರ್ಗದರ್ಶನವನ್ನೇ ಅನುಕರಣೆ ಮಾಡುತ್ತೇನೆ ಎಂದು ರಾಹುಲ್​ ಹೇಳಿದ್ದಾರೆ.

News First Live Kannada


Leave a Reply

Your email address will not be published. Required fields are marked *