ಅಪರಾಧಿಗಳ ಜತೆ SPಗಿದ್ಯಾ ನಂಟು? CM ಯೋಗಿ ಹೇಳಿದ್ದೇನು?


ಲಖನೌ: ಉತ್ತರ ಪ್ರದೇಶದ ವಿಧಾನಸಭಾ ಚುನಾವಣೆ ನಡೆಯುತ್ತಿರೋ ಹೊತ್ತಲ್ಲೇ ಸುಮಾರು 14 ವರ್ಷಗಳ ಹಿಂದೆ 2008 ಜುಲೈ ತಿಂಗಳಿನಲ್ಲಿ ಅಹಮದಾಬಾದ್‌ನಲ್ಲಿ ನಡೆದ ಸರಣಿ ಬಾಂಬ್ ಸ್ಫೋಟದ ಕೇಸ್​​ ಸಂಬಂಧ ಸ್ಪೆಷಲ್​​ ಕೋರ್ಟ್​ ತೀರ್ಪು ನೀಡಿದೆ. 49 ಅಪರಾಧಿಗಳ ಪೈಕಿ 38 ಮಂದಿಗೆ ಮರಣದಂಡನೆ ವಿಧಿಸಿ ಆದೇಸಿದೆ. ಈಗ ಬಾಂಬ್​​ ಬ್ಲಾಸ್ಟ್​ ಮಾಡಿ 56 ಮಂದಿಗೆ ಸಾವಿಗೆ ಕಾರಣರಾದ ಇಂಡಿಯನ್‌ ಮುಜಾಹಿದೀನ್‌ ಉಗ್ರ ಸಂಘಟನೆಯ 38 ಮಂದಿ ಪೈಕಿ ಒಬ್ಬ ಅಪರಾಧಿಗೂ ಮತ್ತು ಸಮಾಜವಾದಿ ಪಾರ್ಟಿಗೂ ನಂಟಿದೆ ಎಂಬ ಆರೋಪ ಕೇಳಿ ಬಂದಿದೆ.

ಹೌದು, ಇದೇ ಕೇಸ್​​ನಲ್ಲಿ ಉತ್ತರ ಪ್ರದೇಶದ ಮೊಹಮ್ಮದ್‌ ಸೈಫ್‌ ಎಂಬಾತನಿಗೆ ಕೋರ್ಟ್​ ಗಲ್ಲು ಶಿಕ್ಷೆ ವಿಧಿಸಿದೆ. ಈಗಾಗಲೇ ಇದನ್ನು ಪ್ರಶ್ನಿಸಿ ಹೈಕೋರ್ಟ್‌ಗೆ ಮೇಲ್ಮನವಿ ಸಲ್ಲಿಸಲು ಸೈಫ್​​ ಕುಟುಂಬಸ್ಥರು ತೀರ್ಮಾನಿಸಿದ್ದಾರೆ. ಹೀಗಿರುವಾಗಲೇ ಅಪರಾಧಿ ಸೈಫ್​​ ತಂದೆ ಶಾದಾಬ್‌ ಅಹ್ಮದ್‌ ಸಮಾಜವಾದಿ ಪಕ್ಷದ ಮುಖಂಡರು ಎಂದು ತಿಳಿದು ಬಂದಿದೆ. ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್​​ ಯಾದವ್​​ ಜತೆಗೆ ಶಾದಾಬ್‌ ಅಹ್ಮದ್‌ ತೆಗೆಸಿಕೊಂಡ ಹಲವು ಫೋಟೋಗಳು ವೈರಲ್​​ ಆಗಿವೆ.

ಇನ್ನೊಂದೆಡೆ ಈ ಸಂಬಂಧ ಮಾತಾಡಿರೋ ಸೈಫ್​​ ತಂದೆ ಶಾದಾಬ್‌ ಅಹ್ಮದ್‌, ಉತ್ತರ ಪ್ರದೇಶದಲ್ಲಿ ಚುನಾವಣೆ ನಡೆಯುತ್ತಿರುವ ಸಂದರ್ಭದಲ್ಲೇ ತೀರ್ಪು ಪ್ರಕಟವಾಗಿದೆ. ಇದು ಮೇಲ್ನೋಟಕ್ಕೆ ಬಿಜೆಪಿಗೆ ಅನುಕೂಲ ಎಂದು ಗೊತ್ತಾಗುತ್ತಿದೆ. ಇಡೀ ಕೇಸ್​​ ರಾಜಕೀಯ ಪ್ರೇರಿತ. ಹೀಗಾಗಿ ತೀರ್ಪು ಪುನರ್​​ ಪರಿಶೀಲಿಸಿ ಎಂದು ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸುತ್ತೇವೆ ಎಂದಿದ್ದಾರೆ.

ಯೋಗಿ ಆದಿತ್ಯನಾಥ್​​ ಆರೋಪ

ಅಹಮದಾಬಾದ್‌ ಸರಣಿ ಬಾಂಬ್ ಸ್ಫೋಟದ ಕೇಸ್​​ ಅಪರಾಧಿಗಳೊಂದಿಗೆ ಅಖಿಲೇಶ್​​ ಯಾದವ್​​ ಸಮಾಜವಾದಿ ಪಾರ್ಟಿ ಸಂಪರ್ಕದಲ್ಲಿದೆ. ಬಿಜೆಪಿ ಭಯೋತ್ಪಾದನೆಯನ್ನು ವಿರೋಧಿಸುತ್ತೇವೆ, ಎಸ್​​ಪಿ ಮಾತ್ರ ಪೋಷಿಸಲಿದೆ ಎಂದು ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್​ ಖುದ್ದು​ ಆರೋಪಿಸಿದ್ದಾರೆ.

News First Live Kannada


Leave a Reply

Your email address will not be published. Required fields are marked *