ಅಪ್ಪು ಗಂಧದಗುಡಿ ನೋಡಿದ್ರೆ ಅಪ್ಪಾಜಿ , MP ಶಂಕರ್​ ನೆನಪಾಗುತ್ತಿದ್ದಾರೆ-ಶಿವಣ್ಣ


ದಿವಂಗತ ಕನ್ನಡ ಸೂಪರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರ ಕನಸಿನ ಯೋಜನೆಯಾದ ‘ಗಂಧದ ಗುಡಿ’ಯ ಟೀಸರ್ ಬಿಡುಗಡೆಯಾಗಿದೆ. ‘ಗಂಧದಗುಡಿ’ ಕಾಡಿನ ಡಾಕ್ಯುಮೆಂಟರಿಯನ್ನು ಅಪ್ಪು ಪತ್ನಿ ಅಶ್ವಿನಿ ಪುನೀತ್​ ರಾಜ್ ಕುಮಾರ್ ತಮ್ಮ ಪಿಆರ್​ಕೆ ಆಡಿಯೋ ಯೂಟ್ಯೂಬ್​ ಚಾನೆಲ್​ನಲ್ಲಿ ರಿಲೀಸ್​ ಮಾಡಿದ್ದಾರೆ. ಇನ್ನು ಈ ಕುರಿತು ಮಾತನಾಡಿದ ಶಿವರಾಜ್​ಜುಮಾರ ಕಾಡಿನ ಬಗ್ಗೆ ಇರುವ ಡಾಕ್ಯೂಮೆಂಟರಿಯನ್ನ ನೋಡಲು ಕಾತುರನಾಗಿದ್ದೇನೆ ಎಂದಿದ್ದಾರೆ.

ಈ ಬಗ್ಗೆ ನ್ಯೂಸ್​ಫಸ್ಟ್​ಗೆ ಪ್ರತಿಕ್ರಿಯಿಸಿದ ಅವರು ಗಂಧದ ಗುಡಿ ಅಂದ್ರೆ ತಟ್ಟನೆ ನೆನಪಾಗೋದು ಅಪ್ಪಾಜಿ, ಅವರ ಜೊತೆ ಈ ಹೆಸರನ್ನು ಕೇಳಿದಾಗ ಅಪ್ಪಾಜಿ, ಎಂ.ಪಿಶಂಕರ್, ಕಾಡಿನ ಆ ಪ್ರಕೃತಿಯ ಸೌಂದರ್ಯ ಎಲ್ಲವು​ ನೆನಪಾಗುತ್ತದೆ ಎಂದಿದ್ದಾರೆ. ಗಂಧದ ಗುಡಿ ಅನ್ನೋ ಒಂದೂ ಡಾಕ್ಯೂಮೆಂಟರಿಯಲ್ಲಿ ಪುನೀತ್ ರಾಜ್ ಕುಮಾರ್ ಕಾಣಿಸಿಕೊಂಡಿದ್ದಾರೆ.. ನಾಡಿನ ವನ್ಯಜೀವಿಗಳು ಹಾಗೂ ಅರಣ್ಯ ಸಂಪತ್ತು ಎಂಥದ್ದು ಅನ್ನೋ ಅರಿವು ಮೂಡಿಸೋ ಸಾಕ್ಷ್ಯ ಚಿತ್ರವಿದು ಎಂಬದು ಟೈಟಲ್​ ಟೀಸರ್​ ಸಾರಿ ಹೇಳ್ತಿದೆ.

ಇನ್ನು ವೈಲ್ಡ್ ಲೈಫ್ ಫೋಟೋಗ್ರಫರ್ ಅಮೋಘ ವರ್ಷ ಈ ಗಂಧದಗುಡಿ ಸಾಕ್ಷಾಚಿತ್ರದ ಸಾರಥಿ.. ಪುನೀತ್ ರಾಜ್ ಕುಮಾರ್ ಈ ಗಂಧದಗುಡಿ ಡಾಕ್ಯೂಮೆಂಟರಿಗಾಗಿ ಒಂದರಿಂದ ಎರಡು ವರ್ಷ ಕೆಲಸ ಮಾಡಿದ್ದಾರೆ.. ಒಂದರಿಂದ ಎರಡು ವರ್ಷ ಕರ್ನಾಟಕ ಅರಣ್ಯಗಳಲ್ಲಿ ಕೆಲ ಕಾಲ ಇದ್ದು ಅಲ್ಲಿನ ಪ್ರಕೃತಿಯನ್ನ ಸವಿದು ಈ ಡಾಕ್ಯೂಮೆಂಟರಿಯನ್ನ ಸಿನಿಮಾ ರೇಂಜ್​ನಲ್ಲಿ ಮಾಡಲಾಗಿದೆ.

The post ಅಪ್ಪು ಗಂಧದಗುಡಿ ನೋಡಿದ್ರೆ ಅಪ್ಪಾಜಿ , MP ಶಂಕರ್​ ನೆನಪಾಗುತ್ತಿದ್ದಾರೆ-ಶಿವಣ್ಣ appeared first on News First Kannada.

News First Live Kannada


Leave a Reply

Your email address will not be published. Required fields are marked *