ಬೆಂಗಳೂರು: ಸ್ಯಾಂಡಲ್​ವುಡ್​ನ ಪವರ್​ ಸ್ಟಾರ್​ ದಿವಂಗತ ಪುನೀತ್​ ರಾಜ್​ಕುಮಾರ್ ಅವರ ಸದಾಶಿವ ನಗರದ ನಿವಾಸಕ್ಕೆ ಕೆಂದ್ರ ಕೌಶಲ್ಯಾಭಿವೃದ್ದಿ (ರಾಜ್ಯ) ಸಚಿವ ರಾಜೀವ್​ ಚಂದ್ರಶೇಖರ್​ ಭೇಟಿ ನೀಡಿದ್ದಾರೆ.

ಇಂದು ಬೆಳಗ್ಗೆ ನಿವಾಸಕ್ಕೆ ಆಗಮಿಸಿದ ಅವರು ಶಿವರಾಜ್​ ಕುಮಾರ್​ ಮತ್ತು ರಾಘವೇಂದ್ರ ರಾಜ್​ಕುಮಾರ್​ರನ್ನ ಭೇಟಿ ಮಾಡಿ ಧೈರ್ಯ ತುಂಬಿದರು. ಬಳಿಕ ಮನೆಯಲ್ಲಿನ ಪುನೀತ್​ ಭಾವಚಿತ್ರಕ್ಕೆ ಹಾರ ಹಾಕಿ ಶ್ರದ್ಧಾಂಜಲಿ ಸಲ್ಲಿಸಿದರು.

ಇತ್ತೀಚೆಗೆ ನಮ್ಮನ್ನು ಬಿಟ್ಟು ಅಗಲಿದ ನಾಡು ಕಂಡ ಅಪ್ರತಿಮ ಹೃದಯವಂತ ಕಲಾವಿದ, ಪವರ್ ಸ್ಟಾರ್ ಶ್ರೀ ಪುನೀತ್ ರಾಜ್‌ಕುಮಾರ್ ಮನೆಗೆ ಇಂದು ತೆರಳಿ, ಶ್ರೀ @NimmaShivanna ಸೇರಿದಂತೆ ಪುನೀತ್ ಅವರ ಕುಟುಂಬದವರಿಗೆ ಸಾಂತ್ವನ ಹೇಳಲಾಯಿತು. ಪುನೀತ್ ಎಲ್ಲ ಅಭಿಮಾನಿಗಳ ಮನೆಯ ಮಗನಾಗಿದ್ದರು, ನಾವೆಲ್ಲರೂ ಅವರ ಕುಟುಂಬದ ಶೋಕದಲ್ಲಿ ಭಾಗಿಯಾಗಿದ್ದೇವೆ. pic.twitter.com/5NndVbxELc

— Rajeev Chandrasekhar 🇮🇳 (@Rajeev_GoI) November 5, 2021