ಅಯ್ಯರ್​​ಗೆ ಭಾರೀ ಡಿಮ್ಯಾಂಡ್​.. ಕೋಟಿ ಕೋಟಿ ಸುರಿಯಲು ಮುಂದಾದ ಪ್ರಾಂಚೈಸಿ ಯಾರು?


IPL​ ಮೆಗಾ ಹರಾಜಿಗೆ ದಿನ ಹತ್ತಿರವಾಗ್ತಿದ್ದಂತೆ ಆಟಗಾರರ ಖರೀದಿ ಲೆಕ್ಕಾಚಾರ ಜೋರಾಗಿದೆ. ದೇಶ-ವಿದೇಶಗಳ ಸ್ಟಾರ್​​ ಆಟಗಾರರಿಗೆ ಬೇಡಿಕೆ ಹೆಚ್ಚಾಗಿದ್ದು, ಯುವ ಆಟಗಾರರಿಗೂ ಮಣೆ ಹಾಕೋದಕ್ಕೂ ಫ್ರಾಂಚೈಸಿಗಳು ಸಿದ್ಧತೆ ಮಾಡಿಕೊಂಡಿವೆ. ಅದರಲ್ಲೂ ಈ ಒಬ್ಬ ಆಟಗಾರನ ಮೇಲಂತೂ ಕೋಟಿ ಕೋಟಿ ಬಂಡವಾಳ ಹೂಡೋಕೆ ಭಾರೀ ತಯಾರಿ ನಡೆದಿದೆ.

IPL​ ಆರಂಭಕ್ಕೆ ಹಲವು ತಿಂಗಳೇ ಇದ್ದರೂ, ಅದರ ಫೀವರ್​ ಈಗಾಗಲೇ ಶುರುವಾಗಿದೆ. ಮೆಗಾ ಆಕ್ಷನ್​ನಲ್ಲಿ ಸ್ಟಾರ್​ ಆಟಗಾರರು ಯಾವ ತಂಡಕ್ಕೆ ಸೇಲಾಗ್ತಾರೆ ಅನ್ನೋದು ತೀವ್ರ ಕುತೂಹಲ ಕೆರಳಿಸಿದೆ. ಅದರಲ್ಲೂ ಡೆಲ್ಲಿ ಕ್ಯಾಪಿಟಲ್ಸ್​ ಮಾಜಿ ಕ್ಯಾಪ್ಟನ್​​​​​​ ಶ್ರೇಯಸ್​ ಅಯ್ಯರ್​​ರನ್ನ ಈ ಬಾರಿಯ ಮೆಗಾ ಹರಾಜಿನ ಬಿಗ್​​ ಬುಲ್​ ಎಂದೇ ಹೇಳಲಾಗ್ತಿದೆ.

ನೂತನ ಫ್ರಾಂಚೈಸಿಗಳ ಆಫರ್​ ತಿರಸ್ಕರಿಸಿದ ಅಯ್ಯರ್..?
ನೂತನ ಫ್ರಾಂಚೈಸಿಗಳಾದ ಲಖನೌ ಮತ್ತು ಅಹ್ಮದಾಬಾದ್​ ನೀಡಿದ ಆಫರ್​ ಅನ್ನ ಶ್ರೇಯಸ್​ ಅಯ್ಯರ್​ ತಿರಸ್ಕರಿಸಿದ್ದಾರಂತೆ. ಇಂಜುರಿ ಕಾರಣ 14ನೇ ಆವೃತ್ತಿಯ IPLನ ಅರ್ಧ ಆವೃತ್ತಿಗೆ ಮಿಸ್​ ಆಗಿದ್ರು. ಇದು ನಾಯಕತ್ವಕ್ಕೆ ಕುತ್ತು ತಂದಿತ್ತು. ಪರಿಣಾಮ 2ನೇ ಹಂತದ IPLಗೆ ಮರಳಿದ್ರೂ, ಪಂತ್​ಗೆ ಪಟ್ಟ ಕಟ್ಟಲಾಗಿತ್ತು. ಇದೀಗ ಹೊಸ ಫ್ರಾಂಚೈಸಿಗಳು ಆಫ​ರ್​ ನೀಡಿದ್ರೂ, ನಾಯಕತ್ವ ನೀಡಲ್ಲ ಅಂತ ಹೇಳಿವೆ. ಹೀಗಾಗಿ ಅಯ್ಯರ್​, ಹರಾಜಿನ ಕಣದಲ್ಲಿಕ್ಕಿಳಿದಿದ್ದಾರೆ.

ಮೆಗಾ ಹರಾಜಿನಲ್ಲಿ ಪಾಲ್ಗೊಳ್ತಾರಂತೆ ಶ್ರೇಯಸ್​ ಅಯ್ಯರ್
ನೂತನ ಫ್ರಾಂಚೈಸಿಗಳ ಆಫರ್​ ತಿರಸ್ಕರಿಸಿರುವ ಶ್ರೇಯಸ್​, ಮೆಗಾ ಹರಾಜಿನಲ್ಲಿ ಪಾಲ್ಗೊಳ್ಳಲು ನಿರ್ಧರಿಸಿದ್ದಾರೆ. ಡೆಲ್ಲಿ ತಂಡವನ್ನು ಯಶಸ್ವಿಯಾಗಿ ಮುನ್ನಡೆಸಿದ ಅನುಭವ ಹೊಂದಿರುವ ಅಯ್ಯರ್​, ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್​ ಬಲವಾಗಲಿದ್ದಾರೆ. ಹೀಗಾಗಿ ಈ ಬಾರಿ ದುಬಾರಿ ಮೊತ್ತಕ್ಕೆ ಸೇಲಾಗೋದು ಪಕ್ಕಾ. ನಾಯಕತ್ವದ ಕಾರಣಕ್ಕಾಗಿಯೇ ನೂತನ ಫ್ರಾಂಚೈಸಿಗಳ ಆಫರ್​​ ತಿರಸ್ಕರಿಸಿದ್ದಾರೆ. ಹಾಗಾಗಿ ಕ್ಯಾಪ್ಟನ್​​​ಗಾಗಿ ಹುಡುಕಾಟ ನಡೆಸ್ತಿ​ರೋ, ಫ್ರಾಂಚೈಸಿಗಳು ಅಯ್ಯರ್​ ಮೇಲೆ ಕೋಟಿ ಕೋಟಿ ಸುರಿಯೋದ್ರಲ್ಲಿ ಅನುಮಾನವೇ ಇಲ್ಲ.

ಅಯ್ಯರ್​ಗಾಗಿ ಸ್ಪರ್ಧೆಗಿಳಿಯಲಿವೆ RCB, KKR, ಪಂಜಾಬ್​
ಹರಾಜಿನಲ್ಲಿ ಈ ಮೂರು ಫ್ರಾಂಚೈಸಿಗಳು ಅಯ್ಯರ್​ ಖರೀದಿಗೆ ಸಖತ್​ ಫೈಟ್​ ನಡೆಸಲಿವೆ. RCB ನಾಯಕತ್ವದಿಂದ ಕೊಹ್ಲಿ ಇಳಿದಿದ್ರೆ, ಇಯಾನ್​ ಮಾರ್ಗನ್​ನನ್ನ KKR ಉಳಿಸಿಕೊಂಡಿಲ್ಲ. ಇನ್ನು ಪಂಜಾಬ್​ ತಂಡದಿಂದ ರಾಹುಲ್​​ ಕೂಡ ಹೊರಬಂದಿದ್ದಾರೆ. ಹೀಗಾಗಿ ಈ ಮೂರು ತಂಡಗಳಿಗೂ ನೂತನ ಕ್ಯಾಪ್ಟನ್​ ಅಗತ್ಯ ಇದ್ದು, ಹಾಗಾಗಿ ನೇರ ಪೈಪೋಟಿ ನಡೆಯಲಿದೆ. ಅಷ್ಟೆ ಅಲ್ಲ SRH ಕೂಡ ಪೈಪೋಟಿಗಿಳಿಯೋ ಸಾಧ್ಯತೆ ಇದೆ.

ಒಟ್ನಲ್ಲಿ ಸಮರ್ಥ ನಾಯಕತ್ವದ ಗುಣ ಹಾಗೂ ಉತ್ತಮ ಬ್ಯಾಟ್ಸ್​​ಮನ್​ ಆಗಿರುವ ಶ್ರೇಯಸ್,​ ಯಾವುದೇ ತಂಡಕ್ಕೆ ಹೋದ್ರೂ ಬಲ ಹೆಚ್ಚೋದ್ರಲ್ಲಿ ಅನುಮಾನವಿಲ್ಲ. ಹೀಗಾಗಿ ಹೆಚ್ಚು ಮೊತ್ತಕ್ಕೆ ಬಿಡ್​​ ಆಗೋದಂತೂ ಪಕ್ಕಾ ಆಗಿದ್ದು, ಯಾವ ತಂಡ ಖರೀದಿಸುತ್ತೆ ಅನ್ನೋದು ಕುತೂಹಲ ಮೂಡಿಸಿದೆ.

The post ಅಯ್ಯರ್​​ಗೆ ಭಾರೀ ಡಿಮ್ಯಾಂಡ್​.. ಕೋಟಿ ಕೋಟಿ ಸುರಿಯಲು ಮುಂದಾದ ಪ್ರಾಂಚೈಸಿ ಯಾರು? appeared first on News First Kannada.

News First Live Kannada


Leave a Reply

Your email address will not be published. Required fields are marked *