ಇಂಡೋ-ವಿಂಡೀಸ್ ಅಂತಿಮ ಟಿ-20 ಪಂದ್ಯದಲ್ಲಿ ಟೀಮ್ ಇಂಡಿಯಾ ಅದ್ಭುತ ಪ್ರದರ್ಶನ ತೋರಿದೆ. ಆರಂಭದಲ್ಲೇ ಟೀಮ್ ಇಂಡಿಯಾ ಪ್ರಮುಖ ನಾಲ್ಕು ವಿಕೆಟ್ಗಳನ್ನು ಕಳೆದುಕೊಂಡು ಇಕ್ಕಟ್ಟಿಗೆ ಸಿಲುಕಿತ್ತು. ಆದರೆ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ ಸೂರ್ಯಕುಮಾರ್ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿ ತಂಡಕ್ಕೆ ಆಸರೆಯಾದರು.
ಕಣಕ್ಕಿಳಿದ ಆರಂಭದಿಂದಲೇ ಸಿಕ್ಸರ್ಗಳ ಸುರಿಮಳೆಗೈದ ಸೂರ್ಯಕುಮಾರ್, ಭರ್ಜರಿ 7 ಸಿಕ್ಸರ್ ಮತ್ತು ಒಂದು ಬೌಂಡರಿ ನೆರವಿನಿಂದ 31 ಎಸೆತಗಳಲ್ಲಿ 65 ರನ್ಗಳ ಅಮೋಘ ಕೊಡುಗೆ ನೀಡಿದರು. ಅಂತಿಮ ಓವರ್ನ ಎರಡನೇ ಎಸೆತದಲ್ಲಿ ಸಿಕ್ಸರ್ ಸಿಡಿಸಿ ಕೇವಲ 28 ಎಸೆತಗಳಲ್ಲಿ ವೃತ್ತಿ ಜೀವನದ 4ನೇ ಅರ್ಧಶತಕವನ್ನೂ ಪೂರೈಸಿಕೊಂಡರು.
ICYMI – 6⃣5⃣ Runs
3⃣1⃣ Balls
1⃣ Four
7⃣ Sixes@surya_14kumar was on fire with the bat & marched his way to his 4th T20I FIFTY! 💪 💪Watch his superb knock 🎥 🔽 https://t.co/rL8qrCPvAJ @Paytm #INDvWI
— BCCI (@BCCI) February 20, 2022
ಆದರೆ ಅರ್ಧಶತಕ ಸಿಡಿಸಿದ ಸಂದರ್ಭದಲ್ಲಿ ಸೂರ್ಯಕುಮಾರ್ ಸಂಭ್ರಮಾಚಣೆ ಎಲ್ಲರ ಗಮನ ಸೆಳೆದಿದೆ. ಸಿಕ್ಸರ್ ಮೂಲಕ ಹಾಪ್ ಸೆಂಚುರಿ ಸಿಡಿಸಿದ ಬಳಿಕ ಬ್ಯಾಟ್ ಅನ್ನು ಮೇಲಕ್ಕೆತ್ತಿ ಡಗೌಟ್ನಲ್ಲಿದ್ದ ಆಟಗಾರರಿಗೆ ತೋರಿಸಿದರು. ಬಳಿಕ ಕೈ ಮುಗಿದು ತಲೆಬಾಗಿ ರೋಹಿತ್ ಶರ್ಮಾಗೆ ನಮಸ್ಕರಿಸಿದ್ದು ವಿಶೇಷವಾಗಿತ್ತು. ಇದಕ್ಕೆ ಡಗೌಟ್ನಿಂದಲೇ ಪ್ರತಿಕ್ರಿಯಿಸಿದ ರೋಹಿತ್, ನಗುತ್ತಾ ಚಪ್ಪಾಳೆ ತಟ್ಟಿ ಪ್ರೋತ್ಸಾಹಿಸಿದರು. ಸದ್ಯ ಇದು ಸಾಮಾಜಿಕ ಜಾಲತಾಣಗಳಲ್ಲಿ ಸಂಚಲನ ಸೃಷ್ಟಿಸಿದೆ.