ಅಶ್ವಿನ್​ ಗುಣಗಾನ ಮಾಡಿದ ಕೋಚ್ ದ್ರಾವಿಡ್ -ವಾಂಖೆಡೆಯಲ್ಲಿ ಮ್ಯಾಚ್​ವಿನ್ನರ್ ಆಗ್ತಾರಾ ಆಫ್ ಸ್ಪಿನ್ನರ್​


ಕಾನ್ಪುರ ಟೆಸ್ಟ್​ ಡ್ರಾ ಆಗಿದ್ದು, ಭಾರತೀಯ ಅಭಿಮಾನಿಗಳಲ್ಲಿ ನಿರಾಸೆ ಮೂಡಿಸಿದೆ. ಆದ್ರೆ 5 ದಿನಗಳ ಕಾಲ ನಡೆದ ಹೋರಾಟ, ಕ್ರಿಕೆಟ್ ಫ್ಯಾನ್ಸ್​​ಗೆ ಸಖತ್​ ಟ್ರೀಟ್​ ಅಂತೂ ನೀಡಿದೆ. ಅದರಲ್ಲೂ ಆಫ್​ ಸ್ಪಿನ್ನರ್​​ ಅಶ್ವಿನ್​ ಬೌಲಿಂಗ್,​ ಪಂದ್ಯದ ಹೈಲೆಟ್​​ ಅಂಶ ಅಂದ್ರೆ ತಪ್ಪಾಗಲ್ಲ.

ಭಾರತ-ನ್ಯೂಜಿಲೆಂಡ್​​ ಮೊದಲ ಟೆಸ್ಟ್​​​ ಪಂದ್ಯ, ವಿರೋಚಿತ ಡ್ರಾನಲ್ಲಿ ಅಂತ್ಯ ಕಂಡಿದೆ. ಒಂದೆಡೆ ಪಂದ್ಯದ ಫಲಿತಾಂಶ ಬರದೇ ಇದ್ದದ್ದು ಅಭಿಮಾನಿಗಳಲ್ಲಿ ನಿರಾಸೆ ಮೂಡಿಸಿದ್ರೂ, ಉಭಯ ತಂಡಗಳ ಹಣಾಹಣಿ, ಕ್ರಿಕೆಟ್​​ನ ಹಬ್ಬದೂಟವನ್ನಂತೂ ಬಡಿಸಿದೆ. ಅದರಲ್ಲೂ ಪಂದ್ಯದ ಆರಂಭಿಕ ದಿನದಿಂದ ಕೊನೆಯ ಹಂತದವರೆಗೂ, ಆಫ್​ ಸ್ಪಿನ್ನರ್​​ ಅಶ್ವಿನ್​ ನಡೆಸಿದ ಹೋರಾಟ, ಎಲ್ಲರ ಗಮನ ಸೆಳೆದಿದೆ.

2ನೇ ದಿನದಾಟದ ಅಂತಿಮ ಸೆಷನ್​ನಲ್ಲಿ ಇನ್ನಿಂಗ್ಸ್​​​ ಆರಂಭಿಸಿದ ನ್ಯೂಜಿಲೆಂಡ್​​ ಆರಂಭಿಕ ಜೋಡಿಯನ್ನ ಬ್ರೇಕ್​ ಮಾಡುವಲ್ಲಿ, ಟೀಮ್​ ಇಂಡಿಯಾ ವಿಫಲವಾಯ್ತು. ಆದ್ರೆ 3ನೇ ದಿನದಾಟದ ಆರಂಭದಲ್ಲೇ ಬ್ರೇಕ್​ ಥ್ರೂ ನೀಡಿದ ಅಶ್ವಿನ್​, ಪಂದ್ಯದಲ್ಲಿ ಕಮ್​ಬ್ಯಾಕ್​ ಮಾಡುವಂತೆ ಮಾಡಿದ್ರು. ಇದೊಂದೆ ಅಲ್ಲ.. ಇಡೀ ಪಂದ್ಯದಲ್ಲಿ ಆ್ಯಷ್​​ ಕಬಳಿಸಿದ 6 ವಿಕೆಟ್​​ಗಳೂ, ಕ್ರೂಶಿಯಲ್ಲೇ.!! ಜೊತೆಗೆ ವೆರಿಯೇಷನ್​​​ನಿಂದ ಕೂಡಿದ ಕರಾರುವಕ್​ ದಾಳಿ ಇಡೀ ಪಂದ್ಯದಲ್ಲಿ ಭಾರತವನ್ನ ಜೀವಂತವಾಗಿರಿಸುವಂತೆ ಮಾಡಿದ್ದು ಸುಳ್ಳಲ್ಲ.

‘ಅಶ್ವಿನ್​ ಪರಿಪೂರ್ಣ ಮ್ಯಾಚ್​ ವಿನ್ನರ್​’’

‘ನನಗನ್ನಿಸಿದಂತೆ ಅಶ್ವಿನ್​ ಒಬ್ಬ ಭಾರತದ ಪರಿಪೂರ್ಣ ಮ್ಯಾಚ್​​ ವಿನ್ನರ್​. ಇವತ್ತು ಅಂತಹ ಕಷ್ಟಕರ ವಿಕೆಟ್ಸ್​​ ನಾವು ನೋಡಿದ್ದೇವೆ. ಆತ ಮೂರನೇ ದಿನದಾಟದ ಬೆಳಗ್ಗೆ ಇಡೀ ತಂಡವನ್ನ ಮತ್ತೆ ಆಟದಲ್ಲಿ ಜೀವಂತವಾಗಿರಿಸುವಂತೆ ಮಾಡಿದ. ಅದು 11ನೇ ಓವರ್​​ನಲ್ಲಿ. ಆಗ ಮಾಡಿದ ಬೌಲಿಂಗ್​ ಅದ್ಭುತವಾಗಿತ್ತು. ಅದಾದ ಬಳಿಕ ಕೊನೆಯ ದಿನದಾಟದಲ್ಲೂ ಇಂತಹ ವಿಕೆಟ್ಸ್​​ನಲ್ಲಿ ತನ್ನ ಅದ್ಭುತ ಬೌಲಿಂಗ್​ನಿಂದ ಪಂದ್ಯದಲ್ಲಿ ಜೀವಂತವಾಗಿರುವಂತೆ ಮಾಡಿದ. ಇದು ಆತನ ಕೌಶಲ್ಯ ಹಾಗೂ ಸಾಮರ್ಥ್ಯವನ್ನ ತೋರಿಸುತ್ತೆ’

ರಾಹುಲ್ ದ್ರಾವಿಡ್​​, ಕೋಚ್​

ದ್ರಾವಿಡ್​ ಹೇಳಿದಂತೆ, ಅಶ್ವಿನ್​ ಟೀಮ್​ ಇಂಡಿಯಾದ ಪರಿಪೂರ್ಣ ಮ್ಯಾಚ್​​ ವಿನ್ನರ್​​ ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ. ಇದಕ್ಕೆ ಈ ಪಂದ್ಯದಲ್ಲಿ ದಾಖಲಿಸಿದ ವಿಶ್ವ ದಾಖಲೆಯನ್ನೂ ಸಾಕ್ಷಿ. ತನ್ನ ಸಾಲಿಡ್​​ ಸ್ಪೆಲ್​ನೊಂದಿಗೆ ಕಿವೀಸ್​ ಪಾಳಯವನ್ನ ಕಾಡಿದ ಅಶ್ವಿನ್​, ಟೀಮ್​ ಇಂಡಿಯಾ ಪರ ಹೆಚ್ಚು ಟೆಸ್ಟ್​ ವಿಕೆಟ್​​ ಕಬಳಿಸಿದ ಬೌಲರ್​​ಗಳ ಪಟ್ಟಿಯಲ್ಲಿ ಹರ್ಭಜನ್​ ಸಿಂಗ್​ರನ್ನ ಹಿಂದಿಕ್ಕಿ 3ನೇ ಸ್ಥಾನಕ್ಕೇರಿದ್ರು

ಟೆಸ್ಟ್​​ನಲ್ಲಿ​​ ಭಾರತದ ಪರ ಹೆಚ್ಚು ವಿಕೆಟ್​​
ಟೆಸ್ಟ್​​ ಫಾರ್ಮೆಟ್​​ನಲ್ಲಿ ಭಾರತದ ಪರ 150 ಇನ್ನಿಂಗ್ಸ್​​ಗಳಲ್ಲಿ 419 ವಿಕೆಟ್​ ಕಬಳಿಸಿರೋ ಅಶ್ವಿನ್​, ಕುಂಬ್ಳೆ, ಕಪಿಲ್ ನಂತರ 3ನೇ ಸ್ಥಾನದಲ್ಲಿದ್ದಾರೆ. 190 ಇನ್ನಿಂಗ್ಸ್​​ನಲ್ಲಿ 417 ವಿಕೆಟ್​​ ಕಬಳಿಸಿರೋ ಹರ್ಭಜನ್​ ಸಿಂಗ್​ 4ನೇ ಸ್ಥಾನದಲ್ಲಿದ್ದಾರೆ.

ಆಶ್ವಿನ್​ ಈ ಸಾಧನೆಗೆ ಭಜ್ಜಿಯೇ ಪ್ರೇರಣೆ..!
ಹೌದು..! ಕಾನ್ಪುರ ಟೆಸ್ಟ್​ ಪಂದ್ಯದ ಅಮೋಘ ಪ್ರದರ್ಶನದೊಂದಿಗೆ ಅಶ್ವಿನ್​, ಹರ್ಭಜನ್​​ ಸಿಂಗ್​ ದಾಖಲೆಯನ್ನ ಮುರಿದಿದ್ದಾರೆ. ಆದ್ರೆ, ಇಂದು ಅಶ್ವಿನ್​ ಈ ಸಾಧನೆ ಮಾಡಲು ಸ್ಪೂರ್ತಿಯಾಗಿದ್ದೇ ಭಜ್ಜಿ ಅನ್ನೋ ಸೀಕ್ರೆಟ್ ಬಿಚ್ಚಿಟ್ಟಿದ್ದಾರೆ.

‘ಸಾಧನೆಗೆ ಹರ್ಭಜನ್​ ಸ್ಪೂರ್ತಿ’

‘ಇದೊಂದು ಅದ್ಭುತವಾದ ಮೈಲಿಗಲ್ಲು. ಹರ್ಭಜನ್​ ಸಿಂಗ್​ ಅಂದು ಆಸ್ಟ್ರೇಲಿಯಾ ವಿರುದ್ಧ 2001ರಲ್ಲಿ ಅಮೋಘ ಬೌಲಿಂಗ್​ ನಡೆಸಿದ್ರು. ನಾನು ಆ ದಿನ ಒಬ್ಬ ಆಫ್​ ಸ್ಪಿನ್ನರ್​​ ಆಗುತ್ತೇನೆ ಎಂದು ಊಹಿಸಿಯೂ ಇರಲಿಲ್ಲ. ಅವರಿಂದ ಸ್ಪೂರ್ತಿ ಪಡೆದುಕೊಂಡ ನಾನು ಆಫ್​ ಸ್ಪಿನ್​ ಬೌಲಿಂಗ್​ ಆಯ್ಕೆ ಮಾಡಿಕೊಂಡೆ. ಈಗ ಇಲ್ಲಿದ್ದೇನೆ. ನನಗೆ ಸ್ಪೂರ್ತಿಯಾಗಿದ್ದಕ್ಕೆ ಧನ್ಯವಾದಗಳು ಭಜ್ಜಿ ಪಾ’

ಅಶ್ವಿನ್, ಸ್ಪಿನ್ನರ್​ 

ಕೇವಲ ಕಾನ್ಪುರದಲ್ಲಿ ನಡೆದ ಟೆಸ್ಟ್​​ ಪಂದ್ಯದಲ್ಲಿ ಮಾತ್ರವಲ್ಲ.. 2021ರ ವರ್ಷದೂದ್ದಕ್ಕೂ ಅಶ್ವಿನ್​, ಸಾಲಿಡ್​ ಫರ್ಪಾಮೆನ್ಸ್​ ನೀಡಿದ್ದಾರೆ. ಆಡಿದ 7 ಪಂದ್ಯಗಳಲ್ಲೇ 44 ವಿಕೆಟ್​​ ಕಬಳಿಸಿ ದಾಖಲೆ ಬರೆದಿದ್ದಾರೆ. ಜೊತೆಗೆ ಈ ವರ್ಷ ಟೆಸ್ಟ್​ ಮಾದರಿಯಲ್ಲಿ ಅತಿ ಹೆಚ್ಚು ವಿಕೆಟ್​ ಕಬಳಿಸಿದ ಬೌಲರ್​ಗಳ ಪಟ್ಟಿಯಲ್ಲಿ ಶಾಹೀನ್​ ಶಾ ಅಫ್ರಿದಿಯೊಂದಿಗೆ, ಜಂಟಿ ಅಗ್ರಸ್ಥಾನ ಹಂಚಿಕೊಂಡಿದ್ದಾರೆ.

ತಾನೆಂತಾ ಶ್ರೇಷ್ಠ ಬೌಲರ್​​​ ಅನ್ನೋದನ್ನ ಅಶ್ವಿನ್​ ವರ್ಷದಿಂದ ವರ್ಷಕ್ಕೆ, ಪಂದ್ಯದಿಂದ ಪಂದ್ಯಕ್ಕೆ ಪ್ರೂವ್​ ಮಾಡ್ತಾಲೆ ಇದ್ದಾರೆ. ಆದ್ರೆ, ಟೀಮ್​ ಮ್ಯಾನೇಜ್​ಮೆಂಟ್​ ಮಾತ್ರ.. ಆಗಾಗ ಅಶ್ವಿನ್​ರನ್ನ ತಂಡದಿಂದ ಕೈ ಬಿಡೋ ನಿರ್ಧಾರವನ್ನ ಮಾಡುತ್ತಲೇ ಬಂದಿದೆ. ಹೀಗಾಗಿಯೇ ಸ್ಪಿನ್​ ದಿಗ್ಗಜ ಡೇನಿಯನ್​ ವೆಟ್ಟೊರಿ, ಅಶ್ವಿನ್​ ಬದಲಾಗಿ ಜಡೇಜಾ ಆಯ್ಕೆ ಮಾಡೋದು ವಿಚಿತ್ರವಾಗಿ ಕಾಣುತ್ತೆ ಅಂತ ಹೇಳಿಕೆ ನೀಡಿದ್ದು. ಅದೇನೆ ಇದ್ರೂ, ಅಶ್ವಿನ್​ ಟೀಮ್​ ಇಂಡಿಯಾದ ಬಿಗ್​ ಮ್ಯಾಚ್​​ ವಿನ್ನರ್​ ಅನ್ನೋದನ್ನ ಮಾತ್ರ ಅಲ್ಲಗಳೆಯುವಂತಿಲ್ಲ.

News First Live Kannada


Leave a Reply

Your email address will not be published. Required fields are marked *