ಒನ್‌ ಪ್ಲಸ್ 9 ಸೀರೀಸ್ ಮಾರ್ಚ್‌ ನಲ್ಲಿ  ಬಿಡುಗಡೆಯಾಗಲಿದೆ ಎಂಬ ವದಂತಿಗಳಿವೆ ಮತ್ತು ಪ್ರೀಮಿಯಂ ಒನ್‌ ಪ್ಲಸ್ 9 ಪ್ರೊ ಮತ್ತು ಶ್ರೇಣಿಯಲ್ಲಿನ ಮತ್ತೊಂದು ಕೈಗೆಟುಕುವ ಮಾದರಿಯ ಪ್ರಮುಖ ವಿವರಗಳು ಆನ್‌ ಲೈನ್‌ನಲ್ಲಿ ಲಭ್ಯವಾಗಿದೆ. ಈ ರೂಪಾಂತರ(ವೇರಿಯಂಟ್)ವನ್ನು ಒನ್‌ ಪ್ಲಸ್ 9 ಲೈಟ್ ಅಥವಾ ಒನ್‌ ಪ್ಲಸ್ 9 ಇ ಎನ್ನಲಾಗಿದೆ.

ಸೋರಿಕೆಯ ಆಧಾರದ ಮೇಲೆ, ಒನ್‌ ಪ್ಲಸ್ 9 ಪ್ರೊ ಅನ್ನು ಕ್ವಾಲ್ಕಾಮ್ ಸ್ನಾಪ್‌ ಡ್ರಾಗನ್ 888 SoC ನಿಂದ ಹೊಂದಿದೆ, ಒನ್‌ ಪ್ಲಸ್ 9e ಅಥವಾ ಒನ್‌ ಪ್ಲಸ್ 9 ಲೈಟ್ ಅನ್ನು ಕ್ವಾಲ್ಕಾಮ್ ಸ್ನಾಪ್‌ ಡ್ರಾಗನ್ 690 SoC ನಿಂದ ನಿಯಂತ್ರಿಸಬಹುದು. ಕೈಗೆಟುಕುವ ಮಾದರಿಯು 5,000mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿಯನ್ನು ಪ್ಯಾಕ್ ಮಾಡುವ ನಿರೀಕ್ಷೆಯಿದೆ.

ಒನ್‌ ಪ್ಲಸ್ 9 ಪ್ರೊ ನಲ್ಲಿ ನಿರೀಕ್ಷಿಸಬಹುದಾದ ವಿಶೇಷತೆಗಳೇನು..?

ಟೆಕ್ ಮೇನಿಯಾ ಒನ್‌ ಪ್ಲಸ್ 9 ಪ್ರೊ ಮತ್ತು ಒನ್‌ ಪ್ಲಸ್ 9 ಇ ಅಥವಾ ಒನ್‌ ಪ್ಲಸ್ 9 ಲೈಟ್ ಎರಡರ ಪ್ರಮುಖ ವಿಶೇಷತೆಗಳನ್ನೂ ನೀಡುತ್ತದೆ. ಪ್ರೊ ಮಾದರಿಯು 1,440×3,216 ಪಿಕ್ಸೆಲ್‌ ಗಳ ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ದರದೊಂದಿಗೆ AMOLED ಪ್ರದರ್ಶನವನ್ನು ಹೊಂದಿರುತ್ತದೆ. ಫೋನ್ ಸ್ನಾಪ್ಡ್ರಾಗನ್ 888 SoC ನಿಂದ ನಿಯಂತ್ರಿಸಲ್ಪಡುತ್ತದೆ, ಇದು 8GB RAM ಮತ್ತು 128GB ಸ್ಟೋರೇಜ್ ನ್ನು ಹೊಂದಿದೆ.

ಒನ್‌ ಪ್ಲಸ್ 9 ಪ್ರೊ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ನ್ನು 48 ಮೆಗಾಪಿಕ್ಸೆಲ್ ಮೈನ್ ಕ್ಯಾಮೆರಾ ಎಫ್/1.8 ಅಪರ್ಚರ್, 64 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಕ್ಯಾಮೆರಾ ಎಫ್ / 2.2 ಅಪರ್ಚರ್ ಮತ್ತು 3.3 ಎಕ್ಸ್ ಜ್ಹೂಮ್ ಟೆಲಿಫೋಟೋ ಲೆನ್ಸ್ ವಿಶೇಷತೆಯ ಬಗ್ಗೆ ನಿರೀಕ್ಷೆಯಿದೆ. ಕಂಪನಿಯು ಹ್ಯಾಸೆಲ್‌ ಬ್ಲಾಡ್‌ ನಿಂದ ಕ್ಯಾಮೆರಾಗಳನ್ನು ಪಡೆದುಕೊಂಡಿದೆ ಎಂದು ವರದಿಯಾಗಿದೆ. ಇದು 120 ಕೆಪಿಎಸ್ ನಲ್ಲಿ 4 ಕೆ ವಿಡಿಯೋ ಚಿತ್ರೀಕರಣ ಮಾಡುವ ವಿಶೇಷ ಸಾಮರ್ಥ್ಯ ಹೊಂದಿರಲಿದೆ ಎಂದು ಹೇಳಲಾಗುತ್ತಿದೆ.

ಒನ್‌ ಪ್ಲಸ್ 9 ಇ ನಲ್ಲಿ ನಿರೀಕ್ಷಿಸಬಹುದಾದ ವಿಶೇಷತೆಗಳೇನು..?

ಒನ್‌ ಪ್ಲಸ್ ಸೀರೀಸ್ ಕೈಗೆಟುಕುವ ಮಾಡೆಲ್ ಗಳಲ್ಲಿ ಲಭ್ಯವಾಗುತ್ತಿದೆ ಎಂದು ಹೇಳಲಾಗುತ್ತಿದೆ.  ಒನ್‌ ಪ್ಲಸ್ 9 ಲೈಟ್ ಅಥವಾ ಒನ್‌ ಪ್ಲಸ್ 9 ಇ ಮೂಲಕ ಅದು ಸತ್ಯವಾಗಲಿದೆ ಎಂದು ವರದಿಯಾಗಿದೆ. 8 ಜಿಬಿ ರ್ಯಾಮ್ ಮತ್ತು 128 ಜಿಬಿ ಸ್ಟೋರೇಜ್‌ ಒಳಗೊಂಡಿರುವ ಈ ಫೋನ್ ಸ್ನ್ಯಾಪ್‌ ಡ್ರಾಗನ್ 690 ಎಸ್‌ ಒ ಸಿ ಯಿಂದ ಚಾಲಿತವಾಗಿದೆ. ಇದು 6.5-ಇಂಚಿನ ಡಿಸ್ಪ್ಲೇಯನ್ನು 1,800×2,400 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಮತ್ತು 90Hz ರಿಫ್ರೆಶ್ ರೇಟ್ ಹೊಂದಿರುತ್ತದೆ. ಕ್ಯಾಮೆರಾಗಳಿಗೆ ಸಂಬಂಧಿಸಿದಂತೆ, ಒನ್‌ ಪ್ಲಸ್ 9 ಇ ಅಥವಾ ಒನ್‌ ಪ್ಲಸ್ 9 ಲೈಟ್ 64 ಮೆಗಾಪಿಕ್ಸೆಲ್ ಮೈನ್ ಸೆನ್ಸಾರ್ ಹೊಂದಿರುವ ಎಫ್/1.7 ಅಪರ್ಚರ್ ಮತ್ತು 8 ಮೆಗಾಫಿಕ್ಸೆಲ್ ಅಲ್ಟ್ರಾ-ವೈಡ್ ಕ್ಯಾಮೆರಾವನ್ನು ಹೊಂದಿರುವ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರಬಹುದು. ಬ್ಯಾಟರಿ 5,000mAh ಸಾಮರ್ಥ್ಯವುಳ್ಳದ್ದಾಗಿರಲಿದೆ ಎಂದು ನಿರೀಕ್ಷಿಸಲಾಗಿದೆ.

 

ಗ್ಯಾಜೆಟ್/ಟೆಕ್ – Udayavani – ಉದಯವಾಣಿ
Read More