ಜೈಪುರ: ಇತ್ತೀಚಿನ ದಿನದಲ್ಲಿ ಮಕ್ಕಳಲ್ಲಿ ಆನ್​ಲೈನ್​ ಗೇಮ್​ಗಳಿಗೆ ಹೆಚ್ಚು ದಾಸರಾಗುತ್ತಿದ್ದಾರೆ. ಎಷ್ಟರ ಮಟ್ಟಿಗೆ ಮೊಬೈಲ್​ ಪೋನ್​ಗೆ ಅಡಿಕ್ಟ್​ ಆಗುತ್ತಿದ್ದಾರೆ ಎಂದರೇ, ಪೋಷಕರು ಮಕ್ಕಳ ಬಳಿ ಮೊಬೈಲ್​ ಕೇಳಿದರೆ ಅದನ್ನು ಹಿಂದಿರುಗಿಸಲು ಮಕ್ಕಳು ಕಿರಿಕಿರಿ ಮಾಡುತ್ತಾರೆ ಹಾಗೂ ಕೋಪಗೊಳ್ಳುತ್ತಾರೆ. ಅವರ ಪೋನ್​ ಅಡಿಕ್ಷನ್​ ಎಷ್ಟರಮಟ್ಟಿಗಿರುತ್ತದೆ ಎಂದರೇ ಕೆಲವೊಮ್ಮೆ ಕೋಪದಲ್ಲಿ ತಮಗೆ ನೋವುಂಟು ಮಾಡಿಕೊಳ್ಳಲು ಕೂಡ ಯೋಚಿಸುವುದಿಲ್ಲ.

ಹೀಗೆ ಮೊಬೈಲ್​ನಲ್ಲಿ ಪಬ್​ಜೀ ಗೇಮ್​ಗೆ ಅಡಿಕ್ಟ್​ ಆಗಿದ್ದ 18ರ ಯುವಕನೋರ್ವ, ತನ್ನ ಪೋಷಕರು ಮೊಬೈಲ್​ ಕೊಡಿಸಿಲ್ಲಾ, ಎಂಬ ಕಾರಣಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಜೈಪುರದ ಸೋಡಾಲಾ ಪ್ರದೇಶದಲ್ಲಿ ದ್ವಿತಿಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದ ಯುವಕ ಆನ್​ಲೈನ್​ ಗೇಮ್​ಗಳಿಗೆ ಅದರಲ್ಲಿಯೂ ಪಬ್​ಜೀ ಗೇಮ್​ಗೆ ದಾಸನಾಗಿದ್ದ. ಅವನ ಪೋನ್​ನಲ್ಲಿ ಆತನ ತಾತಾ ಸಹ ಗೇಮ್​ ಆಡುತ್ತಿದ್ದರು, ಆ ಕಾರಣಕ್ಕೆ ಅವನಿಗೆ ಗೇಮ್​ ಆಡಲು ಪೋನ್​ ಸಿಗುತ್ತಿರಲಿಲ್ಲವಾದ ಕಾರಣ, ಆತ ತನ್ನ ಜನ್ಮದಿನಕ್ಕೆ ಮತ್ತೊಂದು ಪೋನ್​ ಕೊಡಿಸುವಂತೆ ತನ್ನ ಪೋಷಕರಲ್ಲಿ ಕೇಳಿರುತ್ತಾನೆ. ಅದಕ್ಕೆ ದ್ವಿತಿಯ ಪಿಯುಸಿ ಪರೀಕ್ಷೆ ಮುಗಿದ ನಂತರ ಹೊಸ ಪೋನ್​ ಕೊಡಿಸುವುದಾಗಿ ಆತಯ ತಂದೆ ಭರವಸೆ ನೀಡಿರುತ್ತಾರೆ. ಪೋಷಕರು ಪೋನ್​ ಕೊಡಿಸಲು ನಿರಾಕರಿಸಿದ ಕಾರಣಕ್ಕೆ ಕೋಪಗೊಂಡ ಯುವಕ ತನ್ನ ತಾಯಿಯ ಸೀರೆಯಿಂದ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಈ ರೀತಿಯಲ್ಲಿ ಪೋನ್​ ಕೊಡಿಸಲಿಲ್ಲ, ಗೇಮ್​ ಆಡಲು ಬಿಡಲಿಲ್ಲ ಎಂದು ಆತ್ಮಹತ್ಯೆಗೆ ಶರಣಾಗುತ್ತಿರುವವರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಗೇಮ್​ ಅಡಿಕ್ಷನ್​ ಮಕ್ಕಳನ್ನು ಕೇವಲ ದೈಹಿಕ ಆರೋಗ್ಯದ ಮೇಲೆ ಮಾತ್ರವಲ್ಲದೆ ಮಕ್ಕಳ ಮಾನಸಿಕ ಆರೋಗ್ಯದ ಮೇಲು ಬಹಳಾ ದುಷ್ಪರಿಣಾಮವನ್ನು ಬೀರುತ್ತಿರುವುದು ಈಗಾಗಲೇ ಹಲವು ವರದಿಗಳಿಂದ ತಿಳಿದು ಬರುತ್ತಿವೆ. ಇನ್ನಾದರೂ ಪೋಷಕರು ಮತ್ತು ಶಿಕ್ಷಣ ಸಂಸ್ಥೆಗಳು ಮಕ್ಕಳ ಬಗ್ಗೆ ಎಚ್ಚರಿಕೆ ವಹಿಸಬೇಕು.