ರಜಿನಿಕಾಂತ್ ಅಭಿನಯದ ಬಹು ನಿರೀಕ್ಷಿತ ಅಣ್ಣಾತ್ತೆ ಸಿನಿಮಾ ಇಂದು ಬಿಡುಗಡೆಗೊಂಡಿದ್ದು, ಜನಮೆಚ್ಚುಗೆಗೆ ಪಾತ್ರವಾಗಿದೆ. ಈ ಚಿತ್ರದಲ್ಲಿ ದಿವಂಗತ ಡಾ.ಎಸ್​ಪಿ ಬಾಲಸುಬ್ರಮಣ್ಯಂ ಹಾಡಿರುವ ‘ಅಣ್ಣಾತ್ತೆ.. ಅಣ್ಣಾತ್ತೆ..’ ಹಾಡು ಚಿತ್ರದ ಪ್ರಮುಖ ಆಕರ್ಷಣೆಯಾಗಿದೆ. ಅಲ್ಲದೇ ಸ್ವರ ಮಾಂತ್ರಿಕ ಎಸ್​ಪಿಬಿ ಅವರ ಗೌರವವನ್ನೂ ಮತ್ತಷ್ಟು ಹೆಚ್ಚಿಸುತ್ತಿದೆ.

ಇಂದು ಕನ್ನಿಂಗ್​​ ಹ್ಯಾಂ ರಸ್ತೆಯ ಫನ್ ಸಿನಿಮಾಸ್​ನಲ್ಲಿ ಡಾ.ಎಸ್.ಪಿ‌.ಬಾಲಸುಬ್ರಹ್ಮಣ್ಯಂಗೆ ಸಿನಿ ಪ್ರೇಕ್ಷಕರು ತುಂಬು ಹೃದಯದಿಂದ ಕೃತಜ್ಞತೆ ಸಲ್ಲಿಸದರು. ರಜನಿಕಾಂತ್ ಎಂಟ್ರಿ ಆದ ಬಳಿಕ ಬರುವ ಈ Introduction Songಗೆ ಎಲ್ಲರೂ ಎದ್ದು ನಿಂತು ಅಭಿನಂದನೆ ಸಲ್ಲಿಸಿದರು.

ಡಾ.ಎಸ್.ಪಿ‌.ಬಾಲಸುಬ್ರಹ್ಮಣ್ಯಂ ಹಾಡಿರುವ ಕೊನೆಯ ಹಾಡು ಇದಾಗಿದೆ. ಆ ಹಾಡು ತೆರೆಯ ಮೇಲೆ ಮೂಡಿ ಬರುವಾಗ ಥಿಯೇಟರ್​ನಲ್ಲಿದ್ದ ಪ್ರೇಕ್ಷಕರು ಎದ್ದು ನಿಂತು ಡಾ.ಎಸ್ಪಿಬಿಗೆ ಅಭಿನಂದನೆ ಸಲ್ಲಿಸಿದರು.