ಇಲ್ಲಿ ರುಚಿಗೆ ದೋಷವಿಲ್ಲ; ಪುಣೆಯಲ್ಲಿ ಹೀಗೊಂದು ಸ್ಪೆಷಲ್ ಹೋಟೆಲ್ – This Pune eatery is operated by speech and hearing impaired employees


Pune : ಇಲ್ಲಿಯ ಸಿಬ್ಬಂದಿ ಎಲ್ಲರೂ ವಾಕ್​ಶ್ರವಣದೋಷವುಳ್ಳವರೇ. ಅವರೊಂದಿಗೆ ಹೇಗೆ ಸಂಭಾಷಣೆ ನಡೆಸಬೇಕು ಎನ್ನುವುದನ್ನು ಮೆನುವಿನಲ್ಲಿ ಸೂಚಿಸಲಾಗಿದೆ. ನೆಟ್ಟಿಗರು ಖಂಡಿತ ಇಲ್ಲೊಮ್ಮೆ ಭೇಟಿ ನೀಡಬೇಕು ಎಂದು ಕಾತರಿಸುತ್ತಿದ್ದಾರೆ.

ಇಲ್ಲಿ ರುಚಿಗೆ ದೋಷವಿಲ್ಲ; ಪುಣೆಯಲ್ಲಿ ಹೀಗೊಂದು ಸ್ಪೆಷಲ್ ಹೋಟೆಲ್

This Pune eatery is operated by speech and hearing impaired employees

Viral Video : ಟೇಬಲ್ ಕ್ಲೀನ್ ಮಾಡು, ಎಷ್ಟೊತ್ತದು ಒಂದು ಸಲ ಹೇಳಿದರೆ ಗೊತ್ತಾಗಲ್ವಾ? ಬೇಗ ಪಾರ್ಸೆಲ್​ ಕೊಡು, ಈ ಕಸ್ಟಮರ್ ಅಟೆಂಡ್​ ಮಾಡು ಹೀಗೆ.. ಕೆಲಸ ಮಾಡಿಸುವ ನೆಪದಲ್ಲಿ ಒಬ್ಬರಮೇಲೊಬ್ಬರು ದಬ್ಬಾಳಿಕೆಯನ್ನೂ ಮಾಡುವುದಿಲ್ಲ. ಗ್ರಾಹಕರೂ ಇಲ್ಲಿ ಸನ್ನೆಯಲ್ಲಿಯೇ ಸಿಬ್ಬಂದಿಯೊಂದಿಗೆ ವ್ಯವಹರಿಸುವುದು. ಇಲ್ಲಿ ಎಲ್ಲವೂ ವಿನಮ್ರತೆಯಲ್ಲಿ, ಶಾಂತತೆಯಲ್ಲಿ, ಶ್ರದ್ಧೆಯಲ್ಲಿ, ನಗುಮುಖದಲ್ಲಿ ಮತ್ತು ಸಂತೃಪ್ತಿಯ ನಿರೀಕ್ಷೆಯಲ್ಲಿ ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ಗಮನಿಸಿ. ಪುಣೆಯಲ್ಲಿರುವ ಈ ರೆಸ್ಟೋರೆಂಟ್​ನಲ್ಲಿ ನಿಮ್ಮನ್ನು ಸ್ವಾಗತಿಸುವವರು, ಸರ್ವ್​ ಮಾಡುವವರು, ಅಡುಗೆ ಮಾಡುವವರು ಎಲ್ಲರೂ ವಾಕ್​ ಶ್ರವಣದೋಷವುಳ್ಳ ವ್ಯಕ್ತಿಗಳೇ.

ಇನ್​ಸ್ಟಾಗ್ರಾಂನ ಪುಣೆ ಫುಡೀಸ್​ ಎಂಬ ಫುಡ್​ ಬ್ಲಾಗಿಂಗ್​ ಪುಟದಲ್ಲಿ ಈ ವಿಡಿಯೋ ಹಂಚಿಕೊಂಡ ನಂತರ ವೈರಲ್ ಆಗಿದೆ. ಇನ್​ಸ್ಟಾಗ್ರಾಂನಲ್ಲಿ ಈ ರೆಸ್ಟೋರೆಂಟ್​ನ ಪುಟವಿದೆ; @terrasinne. ಇಲ್ಲಿ ಕೆಲಸ ಮಾಡುವವರೆಲ್ಲರೂ ಮೂಕರು, ಕಿವುಡರು. ಇವರೊಂದಿಗೆ ಹೇಗೆ ಸಂಭಾಷಣೆ ನಡೆಸಬೇಕು ಎಂಬುದನ್ನು ಮೆನುವಿನ ಮೂಲಕ ತಿಳಿದುಕೊಳ್ಳಬಹುದು. ಬಂದ ಗ್ರಾಹಕರನ್ನೆಲ್ಲ ಇಲ್ಲಿಯ ಸಿಬ್ಬಂದಿ ಶಾಂತಚಿತ್ತದಿಂದ ಸಮಾಧಾನದಿಂದ ರುಚಿರುಚಿಯಾದ ಭಕ್ಷ್ಯಗಳನ್ನು ಬಡಿಸಿ ಉಪಚರಿಸುತ್ತದೆ.

ವಾಕ್​, ಶ್ರವಣ ದೋಷ ಮತ್ತು ಬಹುಅಂಗವೈಕಲ್ಯ ಉಳ್ಳವರನ್ನು ನೇಮಿಸಿಕೊಳ್ಳುವ ಭಾರತದ ಏಕೈಕ ರೆಸ್ಟೋರೆಂಟ್​ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ. ಲಂಡನ್​ನ ಇಂಟರ್ನ್ಯಾಷನಲ್​ ಹಾಸ್ಪಿಟ್ಯಾಲಿಟಿ ಕೌನ್ಸಿಲ್​ ‘ಉತ್ತಮ ಆತಿಥ್ಯ’ ಕ್ಕಾಗಿ ಪ್ರಶಸ್ತಿ ನೀಡಿ ಗೌರವಿಸಿದೆ.

ಏಳು ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ನೋಡಿ ಮೆಚ್ಚಿದ್ದಾರೆ. ‘ಈ ರೆಸ್ಟೋರೆಂಟ್​ಗೆ ಒಮ್ಮೆ ಹೋಗಬೇಕು. ಬಹಳ ವಿಶಿಷ್ಟವಾಗಿದೆ’ ಎಂದಿದ್ದಾರೆ ನೆಟ್ಟಿಗರು. ನೀವೂ ಪುಣೆಗೆ ಹೋದರೆ ಈ ರೆಸ್ಟೋರೆಂಟ್​ಗೆ ಒಮ್ಮೆ ಭೇಟಿನೀಡಿ.

TV9 Kannada


Leave a Reply

Your email address will not be published.