ಇಶಾಂತ್ ಶರ್ಮಾ ಡ್ರಾಪ್​ -ಮ್ಯಾನೇಜ್ಮೆಂಟ್ ವಿರುದ್ಧ ಹರಿಹಾಯ್ದ ದ.ಆಫ್ರಿಕಾ ಮಾಜಿ ವೇಗಿ


ಕೊನೆಯ ಟೆಸ್ಟ್​ ಪಂದ್ಯದಲ್ಲಿ ಇಶಾಂತ್​ ಶರ್ಮಾಗೆ ಅವಕಾಶ ನೀಡಲಾಗುತ್ತೆ ಅನ್ನೋ ಮಾತು ಸುಳ್ಳಾಗಿದೆ. ಅಚ್ಚರಿಯ ರೀತಿಯಲ್ಲಿ ಉಮೇಶ್​ ಯಾದವ್​ಗೆ ಮಣೆ ಹಾಕಿರುವ ಟೀಂ​ ಮ್ಯಾನೇಜ್​ಮೆಂಟ್​​, ಇಶಾಂತ್​ ಶರ್ಮಾರನ್ನ ಕೈಬಿಟ್ಟಿದೆ. ಈ ನಿರ್ಧಾರವನ್ನ ಹಲವರು ಪ್ರಶ್ನೆ ಮಾಡ್ತಿದ್ರೆ , ಟೀಮ್​ ಮ್ಯಾನೇಜ್​ಮೆಂಟ್​ ನಮ್ಮಲ್ಲಿ ಸಮರ್ಪಕ ಉತ್ತರವಿದೆ ಅಂತಿದೆ.

ಜೊಹಾನ್ಸ್​​ಬರ್ಗ್​ ಟೆಸ್ಟ್​ ಪಂದ್ಯದಲ್ಲಿ ಮೊಹಮದ್​ ಸಿರಾಜ್​ ಇಂಜುರಿಗೆ ತುತ್ತಾಗಿದ್ದೆ ತಡ, ಇಶಾಂತ್​ ಶರ್ಮಾ ಮುಂದಿನ ಟೆಸ್ಟ್​ ಆಡ್ತಾರೆ ಎನ್ನಲಾಗಿತ್ತು. ಎತ್ತರದ ಅಡ್ವಾಂಟೇಜ್​ ಬೇರೆ ಇದ್ದಿದ್ರಿಂದ ಡೆಲ್ಲಿ ವೇಗಿ ಕಣಕ್ಕಿಳಿಯೋದು ಪಕ್ಕಾ ಅನ್ನೋದು ಎಕ್ಸ್​ಪರ್ಟ್​ಗಳ ಒಪಿನಿಯನ್​ ಕೂಡ ಆಗಿತ್ತು. ಅಚ್ಚರಿಯ ನಿರ್ಧಾರ ಕೈಗೊಂಡಿರುವ ಟೀಮ್​ ಇಂಡಿಯಾ ಮ್ಯಾನೇಜ್​ಮೆಂಟ್​​, ಉಮೇಶ್​ ಯಾದವ್​ಗೆ ಮಣೆ ಹಾಕಿದೆ.

ಮ್ಯಾನೇಜ್​ಮೆಂಟ್​ ನಡೆಯನ್ನ ಪ್ರಶ್ನಿಸಿದ ಶಾನ್​ ಪೊಲಾಕ್​
100ಕ್ಕೂ ಅಧಿಕ ಟೆಸ್ಟ್​​ ಪಂದ್ಯಗಳನ್ನಾಡಿದ ಅನುಭವಿ ಇಶಾಂತ್​ ಶರ್ಮಾಗೆ ಕೊಕ್​ ಕೊಟ್ಟ ನಡೆಯನ್ನ ಸೌತ್​ ಆಫ್ರಿಕಾ ಮಾಜಿ ವೇಗಿ ಶಾನ್​ ಪೊಲಾಕ್​ ಪ್ರಶ್ನಿಸಿದ್ದಾರೆ. ಅಷ್ಟೆಲ್ಲ ಪಂದ್ಯಗಳನ್ನ ಆಡಿದ ಅನುಭವವಿದ್ರೂ, ಕೊನೆಯ ಆಯ್ಕೆಯ ಬೌಲರ್​​ ಆಗಿ ಪರಿಗಣಿಸಿರೋದೇಕೆ ಅನ್ನೋದು ಶಾನ್​ ಪೊಲಾಕ್​ ಪ್ರಶ್ನೆಯಾಗಿದೆ. ಈ ಪ್ರಶ್ನೆಗೆ ಟೀಮ್​ ಇಂಡಿಯಾ ಮ್ಯಾನೇಜ್​ಮೆಂಟ್​ ಸಮರ್ಪಕ ಉತ್ತರವನ್ನೂ ಹೊಂದಿದೆ.

ಇಶಾಂತ್​ ಡ್ರಾಪ್​ ಯಾಕೆ..?
ತವರಿನಲ್ಲಿ ಸೌತ್​ ಆಫ್ರಿಕಾ ಪ್ರವಾಸಕ್ಕೂ ಮುನ್ನ ನಡೆದ ನ್ಯೂಜಿಲೆಂಡ್​ ವಿರುದ್ಧದ ಮೊದಲ ಪಂದ್ಯದಲ್ಲಿ ಇಶಾಂತ್​ ಶರ್ಮಾ, ವಿಕೆಟ್​ ಕಬಳಿಸುವಲ್ಲಿ ಎಡವಿದ್ರು. ಅದಾದ ಬಳಿಕ ಇಂಜುರಿಗೆ ತುತ್ತಾಗಿ ನಂತರದ ಪಂದ್ಯಕ್ಕೆ ಅಲಭ್ಯರಾದ್ರು. ಇದರ ಜೊತೆಗೆ ಇಂಗ್ಲೆಂಡ್​ ವಿರುದ್ಧ ಲೀಡ್ಸ್​ನಲ್ಲಿ ಆಡಿದ ಕೊನೆಯ ವಿದೇಶಿ ಪಂದ್ಯದಲ್ಲಿ ಇಶಾಂತ್​ ವಿಕೆಟ್​ ಬೇಟೆಯಾಡಲಿಲ್ಲ. ಕಳೆದ 13 ಇನ್ನಿಂಗ್ಸ್​ಗಳಿಂದ ಕೇವಲ 14 ವಿಕೆಟ್​​ ಕಿತ್ತಿರುವ ಡೆಲ್ಲಿ ವೇಗಿ, ಮೊದಲನಂತೆ ಏಫೆಕ್ಟಿವ್​ ಸ್ಪೆಲ್​ ಮಾಡ್ತಿಲ್ಲ. ಇದು ಆಯ್ಕೆಗೆ ತೊಡಕಾಗಿದೆ.

ಇದೀಷ್ಟೇ ಅಲ್ಲ.. ಇಶಾಂತ್​ ಶರ್ಮಾ ಟೀಮ್​ ಇಂಡಿಯಾದ ಕೊನೆಯ ಆಯ್ಕೆಯ ವೇಗಿ ಆಗೋದಕ್ಕೆ ಉಳಿದ ಬೌಲರ್​ಗಳ ಪ್ರದರ್ಶನವೂ ಕಾರಣವಾಗಿದೆ. 2021ರ ಅಂಕಿಅಂಶಗಳನ್ನೇ ಗಮನಿಸಿದ್ರೆ, ಇಶಾಂತ್​ ಪ್ರದರ್ಶನ ಶಾರ್ದೂಲ್​ ಠಾಕೂರ್​ ಬೌಲಿಂಗ್​ಗಿಂತ ಕೆಳಮಟ್ಟದಲ್ಲಿದೆ. ಇದೂ ಕೂಡ ಇಶಾಂತ್​ ಆಯ್ಕೆಗಿರೋ ತೊಡಕಾಗಿದೆ.

2021ರಲ್ಲಿ ಭಾರತೀಯ ವೇಗಿಗಳು
2021 ಕ್ಯಾಲೆಂಡರ್​ ವರ್ಷದಲ್ಲಿ 12 ಪಂದ್ಯಗಳನ್ನಾಡಿರುವ ಮೊಹಮ್ಮದ್​ ಸಿರಾಜ್​ 36 ವಿಕೆಟ್​ ಕಬಳಿಸಿದ್ರೆ, ಜಸ್​ಪ್ರಿತ್​ ಬೂಮ್ರಾ 9 ಟೆಸ್ಟ್ ಪಂದ್ಯಗಳಿಂದ 30, ಮೊಹಮ್ಮದ್​ ಶಮಿ 5 ಟೆಸ್ಟ್​ ಪಂದ್ಯಗಳಿಂದ 23 ವಿಕೆಟ್​ ಕಬಳಿಸಿದ್ದಾರೆ. 04 ಪಂದ್ಯಗಳನ್ನಾಡಿರುವ ಶಾರ್ದೂಲ್​ ಠಾಕೂರ್​​ 16 ವಿಕೆಟ್​​ ಪಡೆದಿದ್ರೆ, 8 ಪಂದ್ಯಗಳನ್ನಾಡಿ ಇಶಾಂತ್​ ಕಬಳಿಸಿರೋದು ಕೇವಲ 14 ವಿಕೆಟ್​ಗಳಾಗಿವೆ.

ಕಳೆದೊಂದು ವರ್ಷದ ಪ್ರದರ್ಶನವನ್ನ ಗಮನಿಸಿದ್ರೆ, ಇಶಾಂತ್​ ಶರ್ಮಾರನ್ನ ಕೈ ಬಿಟ್ಟಿದ್ದು ಉತ್ತಮ ನಿರ್ಧಾರವೇ ಆಗಿದೆ. ಆದ್ರೆ, ಹಿರಿಯ ಆಟಗಾರನಿಗೆ ಡ್ರಾಪ್​ ಮಾಡಿದ ಬಗ್ಗೆ ಸರಿಯಾಗಿ ವಿವರಿಸಿದ್ಯಾ ಇಲ್ವಾ ಅನ್ನೋದು ಪ್ರಶ್ನೆಯಾಗಿದೆ. ಅದರ ಜೊತೆಗೆ ಇಶಾಂತ್​ ಮುಂದಿನ ಭವಿಷ್ಯವೇನು ಅನ್ನೋದು ಕುತೂಹಲ ಮೂಡಿಸಿದೆ.

News First Live Kannada


Leave a Reply

Your email address will not be published. Required fields are marked *