Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 89

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 90


ಬರುವ ಮೇ ತಿಂಗಳಿನ 26 ನೇ ದಿನಾಂಕದಂದು ವೈಶಾಖ ಪೂರ್ಣಿಮೆಯ ದಿನದಂದು ಈ ವರ್ಷದ ಮೊದಲ ಚಂದ್ರಗ್ರಹಣ ಭಾರತದಲ್ಲಿ ಕಾಣಿಸಲಿದೆ. ಆದರೆ ಈ ಗ್ರಹಣವು ಭಾರತದ ಎಲ್ಲ ಪ್ರದೇಶಗಳಲ್ಲೂ ಕಾಣಿಸದು. ಗ್ರಹಣ ಆರಂಭವಾಗುವ ಸಮಯದಲ್ಲಿ ಭಾರತದಲ್ಲಿ ಬೆಳಗಾಗಿರುವ ಕಾರಣದಿಂದ ಈ ಗ್ರಹಣ ದೇಶದ ಎಲ್ಲ ಪ್ರದೇಶಗಳಲ್ಲೂ ಗೋಚರಿಸುವುದಿಲ್ಲ. ಆದರೂ ಕೆಲ ಭಾಗಗಳಲ್ಲಿ ಭಾಗಶಃ ಗ್ರಹಣ ಕಾಣಿಸಲಿದೆ. ದೇಶದ ಎಲ್ಲ ಪ್ರದೇಶಗಳಲ್ಲೂ ಗ್ರಹಣ ಕಾಣಿಸದಿರುವುದರಿಂದ ಇದರ ಸೂತಕ ಪರಿಣಾಮವು ಇಡೀ ದೇಶಕ್ಕೆ ಅನ್ವಯಿಸುವುದಿಲ್ಲ. ಯಾವ ಪ್ರದೇಶದಲ್ಲಿ ಗ್ರಹಣ ಕಾಣಿಸಲಿದೆಯೋ ಆ ಪ್ರದೇಶಗಳಿಗೆ ಮಾತ್ರ ಸೂತಕದ ಪರಿಣಾಮಗಳಾಗಲಿವೆ.

1. ಈ ಭಾಗಗಳಲ್ಲಿ ಕಾಣಿಸಲಿದೆ ಚಂದ್ರಗ್ರಹಣ:

ಮೇ 26ರ ಸಂಜೆ ಆರಂಭವಾಗುವ ಗ್ರಹಣವು ಭಾರತದ ಪೂರ್ವ ದಿಕ್ಕಿನ ರಾಜ್ಯಗಳಾದ ಅರುಣಾಚಲ ಪ್ರದೇಶ, ಮಿಜೋರಾಂ, ನಾಗಾಲ್ಯಾಂಡ್, ಪೂರ್ವ ಓರಿಸ್ಸಾ, ಮಣಿಪುರ, ತ್ರಿಪುರಾ, ಅಸ್ಸಾಂ ಮತ್ತು ಮೇಘಾಲಯಗಳಲ್ಲಿ ಗೋಚರಿಸಲಿದೆ. ಭಾರತ ಹೊರತುಪಡಿಸಿ ಜಪಾನ್, ಬಾಂಗ್ಲಾದೇಶ, ಸಿಂಗಾಪುರ, ಬರ್ಮಾ, ದಕ್ಷಿಣ ಕೋರಿಯಾ, ಫಿಲಿಪೀನ್ಸ್, ಉತ್ತರ ಹಾಗೂ ದಕ್ಷಿಣ ಅಮೆರಿಕ, ಹಿಂದೂ ಮಹಾಸಾಗರ ಪ್ರದೇಶಗಳಲ್ಲಿ ಗ್ರಹಣ ಕಾಣಿಸುತ್ತದೆ.

2. ಗ್ರಹಣದ ಸಮಯ ಹೀಗಿದೆ ನೋಡಿ..
ಪಂಚಾಂಗದ ಪ್ರಕಾರ, ಮೇ 26ರ ಬೆಳಗಿನ 6 ಗಂಟೆ 15 ನಿಮಿಷದಿಂದ ಗ್ರಹಣದ ಸೂತಕ ಸಮಯ ಆರಂಭವಾಗಲಿದೆ. ಈ ಸೂತಕ ಸಮಯದಲ್ಲಿ ಮನೆಗಳಲ್ಲಿನ ಪೂಜಾ ಸ್ಥಳ ಹಾಗೂ ದೇವಸ್ಥಾನಗಳಿಗೆ ಪರದೆ ಹೊದಿಸಲಾಗುವುದು. ಈ ಅವಧಿಯಲ್ಲಿ ದೇವರ ಮೂರ್ತಿಗಳನ್ನು ಸ್ಪರ್ಶಿಸುವುದು ನಿಷಿದ್ಧ. ಜೊತೆಗೆ ದೇವಸ್ಥಾನಗಳಲ್ಲಿ ಯಾವುದೇ ಪೂಜಾ ಕೈಂಕರ್ಯಗಳನ್ನು ಕೈಗೊಳ್ಳಲಾಗುವುದಿಲ್ಲ. ಗ್ರಹಣ ಮುಗಿದ ನಂತರ ಮಂದಿರಗಳಲ್ಲಿ ಶುದ್ಧಿ ಕಾರ್ಯಗಳನ್ನು ಕೈಗೊಂಡ ಬಳಿಕವಷ್ಟೇ ಪುನಃ ಪೂಜೆ ಪುನಸ್ಕಾರಗಳನ್ನು ಆರಂಭಿಸಲಾಗುತ್ತದೆ. ಗ್ರಹಣ ಆರಂಭವಾಗುವ 9 ತಾಸುಗಳ ಮುನ್ನ ಸೂತಕ ಕಾಲ ಆರಂಭಗೊಂಡು ಗ್ರಹಣ ಹಿಡಿಯುವ ಸಮಯಕ್ಕೆ ಸೂತಕ ಮುಕ್ತಾಯಗೊಳ್ಳುತ್ತದೆ.

3. 2021ರ ಚಂದ್ರಗ್ರಹಣದ ವಿಶೇಷ ಸಮಯಗಳ ಪಟ್ಟಿ

ಸೂತಕ ಆರಂಭ: ಬೆಳಗ್ಗೆ 6 ಗಂಟೆ 15 ನಿಮಿಷಕ್ಕೆ
ಗ್ರಹಣ ಆರಂಭ: ಮಧ್ಯಾಹ್ನ 3 ಗಂಟೆ 15 ನಿಮಿಷಕ್ಕೆ
ಖಗ್ರಾಸ ಆರಂಭ: 4 ಗಂಟೆ 40 ನಿಮಿಷಕ್ಕೆ
ಗ್ರಹಣದ ಮಧ್ಯಕಾಲ: 4 ಗಂಟೆ 49 ನಿಮಿಷ
ಖಗ್ರಾಸ ಮುಕ್ತಾಯ: 4 ಗಂಟೆ 58 ನಿಮಿಷ
ಗ್ರಹಣ ಸಮಾಪ್ತಿ: 6 ಗಂಟೆ 23 ನಿಮಿಷ

4. ಚಂದ್ರಗ್ರಹಣದ ಪ್ರಭಾವಗಳು ಹೀಗಿವೆ:

ವೈಶಾಖ ಪೂರ್ಣಿಮೆಯಂದು ಸಂಭವಿಸುವ ಈ ಬಾರಿಯ ಗ್ರಹಣದ ಪರಿಣಾಮ ಬಿಹಾರ, ಒರಿಸ್ಸಾ, ಬಂಗಾಳ ಮತ್ತು ಇತರ ಪೂರ್ವದ ರಾಜ್ಯಗಳಲ್ಲಿ ಹೆಚ್ಚಾಗಿರಲಿದೆ. ಓರ್ವ ಹಿರಿಯ ನೇತಾರರ ಬಗ್ಗೆ ಕೆಟ್ಟ ಸುದ್ದಿ ಬರಬಹುದು. ಬ್ರೆಜಿಲ್, ಅಲ್ಜೀರಿಯಾ, ಬರ್ಮಾ ದೇಶಗಳಿಗೂ ಈ ಗ್ರಹಣ ಕೆಟ್ಟ ಪರಿಣಾಮ ತರಲಿದೆ. ಗ್ರಹಣದ ಪರಿಣಾಮದಿಂದ ಮಳೆ ಕ್ಷೀಣಗೊಂಡು ಕೃಷಿಯ ಮೇಲೆ ಪ್ರತಿಕೂಲ ಪರಿಣಾಮಗಳಾಗಬಹುದು. ಎಳ್ಳು, ಎಣ್ಣೆ, ಹತ್ತಿ, ಹೆಸರು ಬೇಳೆಗಳು ತುಟ್ಟಿಯಾಗಬಹುದು. ಪೂರ್ವ ಏಶಿಯಾ ದೇಶಗಳಲ್ಲಿ ಆಂತರಿಕ ಕಲಹ ಉತ್ಪನ್ನದ ಸಾಧ್ಯತೆಗಳಿವೆ.

5. 2021ರಲ್ಲಿ ಕಾಣಿಸುವ ಗ್ರಹಣಗಳೆಷ್ಟು?
ಪ್ರಸಕ್ತ ವರ್ಷದಲ್ಲಿ ಒಟ್ಟು ನಾಲ್ಕು ಗ್ರಹಣಗಳು ಸಂಭವಿಸಲಿವೆ. ಇದರಲ್ಲಿ 2 ಚಂದ್ರಗ್ರಹಣ ಹಾಗೂ 2 ಸೂರ್ಯಗ್ರಹಣ ಇರಲಿವೆ. ಮೊದಲ ಸೂರ್ಯಗ್ರಹಣ ಜೂನ್ 10 ರಂದು ಹಾಗೂ ಎರಡನೆಯದು ಡಿಸೆಂಬರ್ 4 ರಂದು ಗೋಚರಿಸಲಿವೆ. ಇನ್ನು ಮೇ 26 ರಂದು ಪ್ರಥಮ ಹಾಗೂ ನವೆಂಬರ್ 19 ರಂದು ದ್ವಿತೀಯ ಚಂದ್ರಗ್ರಹಣ ಸಂಭವಿಸಲಿವೆ.

6. ಚಂದ್ರ ಹಾಗೂ ಸೂರ್ಯ ಗ್ರಹಣಗಳು ಹೇಗೆ ಸಂಭವಿಸುತ್ತವೆ..?

ಚಂದ್ರ ಗ್ರಹಣವೆಂದರೆ ಚಂದ್ರ ಮತ್ತು ಸೂರ್ಯನ ನಡುವೆ ಭೂಮಿ ಬರುವ ಸಮಯವಾಗಿದೆ. ಈ ಸಂದರ್ಭದಲ್ಲಿ ಚಂದ್ರ ದೇವನ ಅರ್ಧ ಅಥವಾ ಸಂಪೂರ್ಣ ಭಾಗವು ಮುಚ್ಚಲ್ಪಡುತ್ತದೆ. ಆದ್ದರಿಂದ ಇದನ್ನು ಚಂದ್ರಗ್ರಹಣವೆಂದು ಕರೆಯಲಾಗುತ್ತದೆ. ಹಿಂದೂ ಧರ್ಮದಲ್ಲಿ ಇದರ ಕುರಿತು ವಿಶೇಷ ನಂಬಿಕೆಯಿದೆ. ಅಷ್ಟು ಮಾತ್ರವಲ್ಲ, ಧಾರ್ಮಿಕ ದೃಷ್ಟಿಕೋನವನ್ನು ಕೂಡ ಪಡೆದಿದೆ. ಗರ್ಭಿಣಿ ಸ್ತ್ರೀಯರು ಈ ಸಮಯದಲ್ಲಿ ಹೆಚ್ಚಿನ ಕಾಳಜಿ ವಹಿಸಬೇಕಾಗುತ್ತದೆ. ಕೆಲವು ಗ್ರಹಣಗಳು ಅಷ್ಟೊಂದು ಅಡ್ಡಪರಿಣಾಮಗಳನ್ನು ಬೀರದಿದ್ದರೂ, ಇನ್ನು ಕೆಲವೊಂದು ಗ್ರಹಣಗಳು ಭೂಮಿಯ ಮೇಲೆ ಸಾಕಷ್ಟು ಅಡ್ಡಪರಿಣಾಮವನ್ನು ಬೀರುತ್ತದೆ. ಗ್ರಹಣದ ಸಮಯದಲ್ಲಿ ದೇವರನ್ನು ಭಕ್ತಿಯಿಂದ ಪ್ರಾರ್ಥಿಸಿದರೆ ಎಲ್ಲವೂ ಶುಭವಾಗುತ್ತದೆ ಎನ್ನುವ ನಂಬಿಕೆಯಿದೆ.

ಸೂರ್ಯ ಮತ್ತು ಭೂಮಿಯ ನಡುವೆ ಚಂದ್ರ ಬಂದಾಗ ಆ ಸ್ಥಿತಿಯನ್ನು ಚಂದ್ರಗ್ರಹಣವೆಂದು ಕರೆಯಲಾಗುತ್ತದೆ. ಸೂರ್ಯನಿರುವ ಪ್ರದೇಶದಲ್ಲಿ ಆ ಸಮಯದಲ್ಲಿ ಕತ್ತಲು ಕವಿಯುತ್ತದೆ. ಹಿಂದಿನ ಕಾಲದಲ್ಲಿ ಜನರು ಸೂರ್ಯಗ್ರಹಣದ ವೇಳೆ ಮನೆಯಿಂದ ಕೂಡ ಹೊರಗೆ ಬರುತ್ತಿರಲಿಲ್ಲ. ಆದರೆ ಇತ್ತೀಚಿನ ವಿದ್ಯಾಮಾನಗಳಲ್ಲಿ ಜನರು ಹೊರಗಡೆ ಸುತ್ತಾಡುತ್ತಾರೆ. ಯಾವ ವ್ಯಕ್ತಿಯ ಜನ್ಮ ಕುಂಡಲಿಯಲ್ಲಿ ಸೂರ್ಯಗ್ರಹಣದ ದೋಷವಿರುತ್ತದೆಯೋ ಅಂತವರು ಸೂರ್ಯ ಗ್ರಹಣ ದೋಷ ನಿವಾರಣಾ ಪೂಜೆಯನ್ನು ಮಾಡಬೇಕು.

7. ಗ್ರಹಣದ ನಂತರ ಪಾಲಿಸಬೇಕಾದ ವಿಧಿ ವಿಧಾನಗಳು ಹೀಗಿವೆ:

ಪುರಾಣಗಳಲ್ಲಿ ಚಂದ್ರಗ್ರಹಣ ಮತ್ತು ಸೂರ್ಯಗ್ರಹಣದ ನಂತರ ಸ್ನಾನವು ಬಹಳ ಅಗತ್ಯವೆಂದು ಪರಿಗಣಿಸಲಾಗಿದೆ. ಮಹರ್ಷಿ ವಸಿಷ್ಠರು ‘ಪುತ್ರಜನ್ಮಾನ್ಯ ಯಗ್ಯೇ ಚ ತಥಾ ಸಕ್ರಮಣೋ ರವೆಃ, ರಹೋಕ್ಷ ದರ್ಶನೇ ಕಾರ್ಯ ಪ್ರಶಸ್ತಃ ನಾನ್ಯಥಾ ನಿಶಿಃ’ ಎಂದು ಹೇಳಿದ್ದಾರೆ. ಇದರ ಅರ್ಥವೆಂದರೆ ಸಂತಾನದ ಜನ್ಮದ ನಂತರ, ಯಜ್ಞ, ಚಂದ್ರ ಹಾಗೂ ಸೂರ್ಯ ಸಂಕ್ರಾಂತಿಯ ರಾತ್ರಿಯ ನಂತರ ಸ್ನಾನ ಮಾಡಿ ಶುದ್ಧವಾಗಬೇಕು. ಗ್ರಹಣ ಸಮಯದಲ್ಲಿ ಅಪಾಯಕಾರಿ ಕಿರಣಗಳ ಪ್ರಭಾವದಿಂದ ಕಲ್ಮಶಗಳು ಉಂಟಾಗುತ್ತವೆ. ಆದ್ದರಿಂದ ಸ್ನಾನ ಮಾಡುವುದು ಅಗತ್ಯವೆಂದು ಹೇಳಲಾಗುತ್ತದೆ. ಆದರೆ ನೆನಪಿಡಿ ಸ್ನಾನವನ್ನು ಧರಿಸಿದ ಬಟ್ಟೆಯಲ್ಲೇ ಮಾಡಬೇಕು. ನಗ್ನವಾಗಿ ಸ್ನಾನ ಮಾಡುವುದನ್ನು ಶಾಸ್ತ್ರಗಳಲ್ಲಿ ನಿಷೇಧ.

ಚಂದ್ರಗ್ರಹಣದ ನಂತರ ಮನೆಯನ್ನು ಸ್ವಚ್ಛಗೊಳಿಸುವುದು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಗ್ರಹಣದ ನಂತರ ಗಂಗಾಜಲವನ್ನು ಎಲ್ಲೆಡೆ ಸಿಂಪಡಿಸಿ, ಪೂಜಾ ಸ್ಥಳವನ್ನು ಪವಿತ್ರಗೊಳಿಸಿ, ವಿಗ್ರಹಗಳ ಮೇಲೂ ಗಂಗಾಜಲವನ್ನು ಸಿಂಪಡಿಸಿ. ಇದಾದ ನಂತರ ಪೂಜೆಯನ್ನು ಮಾಡಿ. ಗಂಧವನ್ನು ದೇವರಿಗೆ ಅನ್ವಯಿಸಿ. ಪೂಜೆಯ ನೈವೈದ್ಯ ಅರ್ಪಿಸಿ.

ಚಂದ್ರಗ್ರಹಣದ ನಂತರ ಬೇಯಿಸಿದ ಉಳಿದ ಆಹಾರವನ್ನು ಸೇವಿಸಬೇಡಿ. ನೀವು ಬಯಸಿದಲ್ಲಿ ಅದನ್ನು ಬೆಳಗ್ಗೆ ಪ್ರಾಣಿಗಳಿಗೆ ನೀಡಬಹುದು. ಚಂದ್ರಗಹಣ ಸಮಯದಲ್ಲಿ ತುಪ್ಪ ಹಾಗೂ ಹಾಲು ಬೆರೆಸಿ ಮಾಡಿದ ಆಹಾರ ಪದಾರ್ಥಗಳಿಗೆ ತುಳಸಿ ಎಲೆ ಹಾಕಿಡಿ. ಹೀಗೆ ಮಾಡುವುದರಿಂದ ಮತ್ತೆ ನೀವು ಅದನ್ನು ಎಸೆಯಬೇಕಾಗಿಲ್ಲ. ತುಳಸಿಗೆ ನಕಾರಾತ್ಮಕ ಶಕ್ತಿಯನ್ನು ಹೀರಿಕೊಳ್ಳುವ ಸಾಮರ್ಥ್ಯವಿರುವುದರಿಂದ ಈ ಕಾರಣಕ್ಕಾಗಿ ತುಳಸಿ ಎಲೆಯನ್ನು ಆಹಾರ ಪದಾರ್ಥಗಳಲ್ಲಿ ಹಾಕಿಡಬೇಕು.

ಚಂದ್ರಗ್ರಹಣದ ನಂತರ ಪೂಜಾ ಕೋಣೆಯನ್ನು ಸ್ವಚ್ಛಗೊಳಿಸಿ. ಮನೆಯಲ್ಲಿ ವಿಷ್ಣು, ಕೃಷ್ಣನ ಪ್ರತಿಮೆ ಇದ್ದರೆ ಗಂಗಾ ನೀರಿನಿಂದ ಅಭಿಷೇಕ ಮಾಡಿ. ನಂತರ ಪೂಜಿಸಿ, ಪ್ರಸಾದವನ್ನು ಅರ್ಪಿಸಿ. ದೇವರಿಗೆ ನೈವೇದ್ಯ ಅರ್ಪಿಸಿದ ನಂತರವೇ ನೀವು ಆಹಾರ ಮತ್ತು ನೀರು ಸೇವಿಸಿ.

ಚಂದ್ರಗ್ರಹಣದ ನಂತರ ದಾನದ ಕುರಿತಾಗಿ ಧರ್ಮಗ್ರಂಥಗಳಲ್ಲಿ ವಿಶೇಷ ಮಹತ್ವವನ್ನು ನೀಡಲಾಗಿದೆ. ಚಂದ್ರಗ್ರಹಣದ ನಂತರ ಬಿಳಿ ವಸ್ತುಗಳನ್ನು ದಾನ ಮಾಡುವುದು ಶುಭ. ಅದರಲ್ಲೂ ಅಕ್ಷತೆ, ಬಿಳಿಬಟ್ಟೆ ಮತ್ತು ಹಾಲಿನಿಂದ ಮತ್ತು ಮೊಸರಿನಿಂದ ಮಾಡಿದ ವಸ್ತುಗಳನ್ನು ದಾನ ಮಾಡಬಹುದು. ಗ್ರಹಣದ ನಂತರ ಗುರುಗಳು, ಬ್ರಾಹ್ಮಣರು, ಪುರೋಹಿತರು ಮತ್ತು ಅಶಕ್ತರಿಗೆ ನಿಮ್ಮಿಂದಾದಷ್ಟು ಸಹಾಯ ಮಾಡಬೇಕು.

ರಾಶಿ ಭವಿಷ್ಯ: Astrology in Kannada | Kannada Rashi Bhavishya – Vijaya Karnataka
Read More

By

Leave a Reply

You missed


Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 89

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 90

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 89

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 90

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 89

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 90

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 89

Notice: Trying to access array offset on value of type bool in /home/savikannada/public_html/wp-content/plugins/featured-image-from-URL-premium/includes/attachment.php on line 90