ಈ IPL ತಂಡದ ಪಾಲಾದ ಹಾರ್ದಿಕ್​​​ ಪಾಂಡ್ಯ, ರಶೀದ್​​​ ಖಾನ್​​​, ಗಿಲ್​​.. ಯಾರಿಗೆಷ್ಟು ಸಂಭಾವನೆ?


IPL ಮೆಗಾ ಹರಾಜಿಗೂ ಮೊದಲೇ ಮೂವರು ಆಟಗಾರರನ್ನ ಒಪ್ಪಂದ ಮಾಡಿಕೊಳ್ಳಲು ಅವಕಾಶ ಮಾಡಿಕೊಟ್ಟಿರುವ ಪರಿಣಾಮ, ಅಹ್ಮದಾಬಾದ್​ ಫ್ರಾಂಚೈಸಿ ಸ್ಟಾರ್​ ಆಟಗಾರರ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ಅಹ್ಮದಾಬಾದ್ ತಂಡ ಆಲ್​​ರೌಂಡರ್​​ ಹಾರ್ದಿಕ್​ ಪಾಂಡ್ಯ, ಲೆಗ್​ ಸ್ಪಿನ್ನರ್ ರಶೀದ್​ ಖಾನ್​ ಮತ್ತು ಆರಂಭಿಕ ಆಟಗಾರ ಶುಭ್​​ಮನ್​ ಗಿಲ್​​ ಅವರೊಂದಿಗೆ ಒಪ್ಪಂದ ಮಾಡಿಕೊಂಡಿದೆ ಎಂದು ಮಾಹಿತಿ ಲಭ್ಯವಾಗಿದೆ. ಅಲ್ಲದೆ, ಮುಂಬೈ ತಂಡದಲ್ಲಿದ್ದ ಹಾರ್ದಿಕ್​ ಪಾಂಡ್ಯ ಈ ಫ್ರಾಂಚೈಸಿಗೆ ನೂತನ ಕ್ಯಾಪ್ಟನ್​ ಆಗಲಿದ್ದಾರೆ ಎಂದೂ ಹೇಳಲಾಗ್ತಿದೆ.

ಮೊದಲ ಆಯ್ಕೆಯಾಗಿ ಹಾರ್ದಿಕ್​ ಪಾಂಡ್ಯ ಆಯ್ಕೆಯಾಗಿದ್ರೆ, ರಶೀದ್​ ಖಾನ್​ ಎರಡನೇ ಆಯ್ಕೆಯಾಗಿದ್ದಾರೆ. ಶುಭ್​​ಮನ್​ ಗಿಲ್​ ಮೂರನೇ ಆಯ್ಕೆಯಾಗಿದ್ದಾರೆ. ಹೀಗಾಗಿ ಹಾರ್ದಿಕ್​ ಮತ್ತು ರಶೀದ್​​​ಗೆ 15 ಕೋಟಿಗೆ ಮತ್ತು 7 ಕೋಟಿಗೆ ಗಿಲ್​ ಜೊತೆಗೆ ಫ್ರಾಂಚೈಸಿ ಒಪ್ಪಂದ ಮಾಡಿಕೊಂಡಿದೆ ಎನ್ನಲಾಗಿದೆ.

ಫೆಬ್ರವರಿ 12 ಮತ್ತು 13ರಂದು ಬೆಂಗಳೂರಿನಲ್ಲಿ 15ನೇ ಆವೃತ್ತಿಯ ಐಪಿಎಲ್​​ ಮೆಗಾ ಆಕ್ಷನ್‌ ನಡೆಯಲಿದೆ. ಜನವರಿ 22ರ ಒಳಗಾಗಿ ಆಯ್ಕೆ ಮಾಡಿಕೊಂಡ ಮೂರು ಆಟಗಾರರ ಪಟ್ಟಿ ಬಿಡುಗಡೆ ಮಾಡುವಂತೆ ಬಿಸಿಸಿಐ ಹೊಸ ತಂಡಗಳಿಗೆ ಗಡುವು ನೀಡಿದ್ದು, ಶೀಘ್ರದಲ್ಲೇ ನೂತನ ಫ್ರಾಂಚೈಸಿಗಳು ಪಟ್ಟಿ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.

News First Live Kannada


Leave a Reply

Your email address will not be published. Required fields are marked *