ಎಬಿ ಡಿವಿಲಿಯರ್ಸ್ ಗ್ಲೋಬಲ್ ಟಿ20 ಟೂರ್ನಿಗಳಿಂದ ಹಿಂದೆ ಸರಿದಿದ್ದೆ ತಡ, ರಾಯಲ್ ಚಾಲೆಂಜರ್ಸ್ಗೆ ಹೊಸ ತಲೆನೋವು ಸೃಷ್ಟಿಯಾಗಿದೆ. ರಿಟೈನ್ಗೆ ಮುಂದಾಗಿದ್ದ ಆರ್ಸಿಬಿ, ಈಗ ಎಬಿಡಿಯಂತ ಸ್ಪೋಟಕ ದಾಂಡಿಗನ ಹುಡುಕಾಟಕ್ಕೆ ಮುಂದಾಗ್ತಿದೆ.
ಎಬಿ ಡಿವಿಲಿಯರ್ಸ್.. ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಮ್ಯಾಚ್ ವಿನ್ನರ್.. ಗೇಮ್ ಚೇಂಜರ್.. ತಮ್ಮ ಸ್ಪೋಟಕ ಬ್ಯಾಟಿಂಗ್ನಿಂದ ಕೈಚೆಲ್ಲಿ ಹೋಗಿದ್ದ ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟಿದ್ದ ವಾರಿಯರ್.. ಆದ್ರೀಗ ಈ ರಣಬೇಟೆಗಾರ ಗ್ಲೋಬಲ್ ಟಿ20 ಕ್ರಿಕೆಟ್ಗೆ ಗುಡ್ಬೈ ಹೇಳಿರೋದು ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ, ಹೊಸ ಸವಾಲಿನ ಜೊತೆಗೆ ತಲೆನೋವನ್ನೇ ಸೃಷ್ಟಿಸಿದೆ.
ಹೌದು, ಎಬಿಡಿ ಎಂಬ ಮ್ಯಾಚ್ ವಿನ್ನರ್ನನ್ನ ಮಿಸ್ ಮಾಡಿಕೊಳ್ಳಲಿರುವ ಆರ್ಸಿಬಿ. ಮುಂದಿನ ಆವೃತ್ತಿಯಲ್ಲಿ ಆತನ ಸ್ಥಾನಕ್ಕಾಗಿ ಸಮರ್ಥ ಆಟಗಾರನನ್ನ ಹುಡುಕುವ ಸವಾಲು ಎದುರಾಗಿದೆ. ಇದಕ್ಕಾಗಿ ಬೆಂಗಳೂರು ಫ್ರಾಂಚೈಸಿ, ಕೆಲ ಆಟಗಾರರನ್ನ ಲೀಸ್ಟ್ ಮಾಡಿಕೊಂಡಿದೆ.
ರಿಟೈನ್ನ ಅಡಿ ಮ್ಯಾಕ್ಸ್ವೆಲ್ನ ಉಳಿಸಿಕೊಳ್ಳಲು ಚಿಂತನೆ..?
ಹೌದು, ಮೊದಲು ರಿಟೈನ್ನ ಅಡಿ ಎಬಿ ಡಿವಿಲಿಯರ್ಸ್ನ ಉಳಿಸಿಕೊಳ್ಳಲು ಮುಂದಾಗಿದ್ದ ಆರ್ಸಿಬಿ, ಈಗ ಎಬಿಡಿಯ ನಿರ್ಧಾರದಿಂದಾಗಿ ಮ್ಯಾಕ್ಸ್ವೆಲ್ನ ರಿಟೈನ್ ಮಾಡಿಕೊಳ್ಳಲು ಮುಂದಾಗಿದೆ. ಅದ್ರಲ್ಲೂ ಕಳೆದ ಆವೃತ್ತಿಯಲ್ಲಿ ಆರ್ಸಿಬಿ ಕೈ ಹಿಡಿದಿದ್ದ ಮ್ಯಾಕ್ಸಿ, ಟಿ20 ಕ್ರಿಕೆಟ್ಗೆ ಹೇಳಿ ಮಾಡಿಸಿದ ಆಟಗಾರ. ಓರ್ವ ಗೇಮ್ ಚೇಂಜರ್ ಅಂತಾನೇ ಗುರುತಿಸಿಕೊಂಡಿರುವ ಮ್ಯಾಕ್ಸಿ, ರಿಟೈನ್ ಆಗೋದು ಬಹುತೇಕ ಖಚಿತ. ಅಷ್ಟೇ ಅಲ್ಲ, ಕಳೆದ ಆವೃತ್ತಿಯಲ್ಲಿ ತಂಡಕ್ಕೆ ಎಂಟ್ರಿಕೊಟ್ಟಿದ್ದ ಟಿಮ್ ಡೇವಿಡ್ರನ್ನು ಉಳಿಸಿಕೊಳ್ಳುವ ಲೆಕ್ಕಚಾರವೂ ರಾಯಲ್ ಚಾಲೆಂಜರ್ಸ್ ಮುಂದಿದೆ.
Good morning, 12th Man Army! ⛅️
Just Maxi sending all of us some good vibes this lazy Sunday. 😁#PlayBold #SundayMood #WeAreChallengers pic.twitter.com/iw5O87Vj6J
— Royal Challengers Bangalore (@RCBTweets) November 21, 2021
ಇಂಗ್ಲೆಂಡ್ನ ಬಿಗ್ ಹಿಟ್ಟರ್ನ ಮೇಲೂ ಆರ್ಸಿಬಿ ಕಣ್ಣು
ಇತ್ತೀಚಿನ ದಿನಗಳಲ್ಲಿ ದಿನಗಳಲ್ಲಿ ಹೆಚ್ಚು ಸೌಂಡ್ ಮಾಡ್ತಿರೋ ಆಟಗಾರ, ಇಂಗ್ಲೆಂಡ್ನ ಲಿಯಾಮ್ ಲಿವಿಂಗ್ಸ್ಟೋನ್.. ಪವರ್ ಹಿಟ್ಟರ್ ಆಗಿ ಗುರುತಿಸಿಕೊಂಡಿರುವ ಈತ, ಎಬಿಡಿ ಸ್ಥಾನವನ್ನ ಸಮರ್ಥವಾಗಿ ತುಂಬಬಲ್ಲ ಆಟಗಾರನೂ ಆಗಿದ್ದಾನೆ. ಹೀಗಾಗಿ ಈ ಇಂಗ್ಲೀಷ್ ಕ್ರಿಕೆಟರ್ ಮೇಲೂ ಆರ್ಸಿಬಿ, ಒಂದು ಕಣ್ಣಿಟ್ಟಿದೆ.
ಜೋಸ್ ಬಟ್ಲರ್ಗೆ ಗಾಳ ಹಾಕಲು ರೆಡಿಯಾಗಿದೆ ಆರ್ಸಿಬಿ
ಹೌದು..! ಈಗಾಗಲೇ ವಿರಾಟ್ ನಾಯಕತ್ವ ತ್ಯಜಿಸಿದ್ದಾರೆ. ಎಬಿಡಿ ನಿರ್ಗಮಿಸಿದ್ದಾರೆ. ಹೀಗಾಗಿ ವಿಕೆಟ್ ಕೀಪರ್ & ಬ್ಯಾಟರ್, ನಾಯಕತ್ವದ ಗುಣಗಳನ್ನ ಹೊಂದಿರುವ ಆಟಗಾರನನ್ನ ಕರೆತರುವ ಯತ್ನದಲ್ಲಿದೆ. ಈ ಎಲ್ಲಾ ಅರ್ಹತೆಗಳೂ ಇಂಗ್ಲೆಂಡ್ನ ಜೋಸ್ ಬಟ್ಲರ್ರಲ್ಲಿವೆ. ಹೀಗಾಗಿ ಜೋಸ್ ಬಟ್ಲರ್ರನ್ನ ಮೆಗಾ ಹರಾಜಿನಲ್ಲಿ ಖರೀದಿಸಿ, ಒಂದೇ ಕಲ್ಲಿನಲ್ಲಿ ಎರೆಡು ಹಕ್ಕಿ ಹೊಡೆಯೋ ಪ್ಲಾನ್ ಕೂಡ ಆರ್ಸಿಬಿಯದ್ದಾಗಿದೆ.
ನಮ್ಮ ಪಾಲಿನ ಆಪದ್ಬಾಂಧವ! ❤️🙌
ನಾವು ಯಾವಾಗಲೂ ನಿಮಗೆ ಚಿರಋಣಿ. ಧನ್ಯವಾದಗಳು! 🙏#PlayBold #ThankYouAB #ನಮ್ಮRCB pic.twitter.com/YusgQIPgLK
— Royal Challengers Bangalore (@RCBTweets) November 20, 2021
ಇವರಷ್ಟೇ ಅಲ್ಲ, ಕಿವೀಸ್ನ ಸ್ಪೋಟಕ ಆಟಗಾರ ಗ್ಲೆನ್ ಫಿಲಿಪ್ಸ್ ಮೇಲೂ ಆರ್ಸಿಬಿ ಕಣ್ಣಿಟ್ಟಿದೆ. ಸ್ಪೋಟಕ ಆಟಕ್ಕೆ ಹೆಸರುವಾಸಿಯಾಗಿರೋ ಈತ, ಏಕಾಂಗಿಯಾಗಿ ಪಂದ್ಯದ ದಿಕ್ಕನ್ನೇ ಬದಲಿಸಬಲ್ಲರು. ಅಷ್ಟೇ ಅಲ್ಲ, ಮಧ್ಯಮ ಕ್ರಮಾಂಕಕ್ಕೆ ಬಲ ತುಂಬಬಲ್ಲ ಈತ, ಕಿವೀಸ್ನ ಗೇಮ್ ಚೇಂಜರ್ ಪ್ಲೇಯರ್ ಕೂಡ.. ಹೀಗಾಗಿ ಈತನನ್ನೂ ಮೆಗಾ ಹರಾಜಿನಲ್ಲಿ ಖರೀದಿಸೋ ಲೆಕ್ಕಚಾರದಲ್ಲಿದೆ.
Drop a ❤️ if you will miss this bromance on the field! #PlayBold #ThankYouAB #WeAreChallengers pic.twitter.com/6V9NM69ObC
— Royal Challengers Bangalore (@RCBTweets) November 20, 2021