ಆರ್ಯನ್ ಖಾನ್

ಡ್ರಗ್​ ಕೇಸ್​ನಲ್ಲಿ ಸಿಕ್ಕಿ ಬಿದ್ದಿದ್ದ ಆರ್ಯನ್​ ಖಾನ್​  (Aryan Khan) ಅವರು ಜಾಮೀನಿನ ಮೇಲೆ ಹೊರ ಬಂದಿದ್ದಾರೆ. ಆದರೆ, ಕರೆದಾಗ ವಿಚಾರಣೆಗೆ ಹಾಜರಾಗಬೇಕು ಎಂದು ಸೂಚಿಸಿತ್ತು. ಆದರೆ, ಈಗ ಆರ್ಯನ್​ ಖಾನ್​ಗೆ ಕೊವಿಡ್​ ಲಕ್ಷಣ ಕಾಣಿಸಿಕೊಂಡಿದೆ. ಹೀಗಾಗಿ, ಅವರು ವಿಚಾರಣೆಗೆ ಹಾಜರಾಗಿಲ್ಲ. ಈ ಬಗ್ಗೆ ಅವರು ಮಾಹಿತಿ ಕೂಡ ನೀಡಿದ್ದಾರೆ. ಚಿಕ್ಕಂದಿನಿಂದಲೂ ಐಷಾರಾಮಿಯಾಗಿಯೇ ಬೆಳೆದು ಬಂದ ಆರ್ಯನ್​ ಖಾನ್​ಗೆ ಜೈಲು ವಾಸದಿಂದ ತುಂಬಾನೇ ಆಘಾತಕ್ಕೆ ಒಳಗಾಗಿದ್ದಾರೆ. ಅವರ ಬಳಿ ಇದೆಲ್ಲವನ್ನೂ ತಡೆದುಕೊಳ್ಳೋಕೆ ಸಾಧ್ಯವಾಗುತ್ತಿಲ್ಲ. ಡ್ರಗ್​ ಕೇಸ್​ನಲ್ಲಿ ಜೈಲು ಸೇರಿದ ಆರ್ಯನ್​ ಖಾನ್​ಗೆ ತೀವ್ರ ಅವಮಾನವಾಗಿದೆ ಎಂದು ವರದಿ ಆಗಿದೆ.

ಆರ್ಯನ್​ ಖಾನ್​ ಚಿಕ್ಕ ವಯಸ್ಸಿನಿಂದಲೂ ಸುಖದಲ್ಲೇ ಬೆಳೆದು ಬಂದವರು. ಅವರು ಹೊರಗೆ ತೆರಳುತ್ತಾರೆ ಎಂದರೆ ಬಾಡಿಗಾರ್ಡ್​ ಇರಲೇಬೇಕು. ಮನೆಯಲ್ಲೂ ಅಷ್ಟೇ ಅವರು ಕೇಳಿದ್ದನ್ನೆಲ್ಲ ಮಾಡಿ ಹಾಕಲು ಸಿಬ್ಬಂದಿ ಇದ್ದಾರೆ. ಹೀಗಿರುವಾಗ ಏಕಾಏಕಿ ಜೈಲು ವಾಸ ಅನುಭವಿಸಬೇಕು ಎಂದರೆ ಅಷ್ಟು ಕಷ್ಟದ ಕೆಲಸ. ಆರ್ಯನ್​ ಖಾನ್​ ಈ ಘಟನೆಯಿಂದ ತೀವ್ರ ಆಘಾತಕ್ಕೆ ಒಳಗಾಗಿದ್ದಾರೆ ಎನ್ನಲಾಗುತ್ತಿದೆ.

ಆರ್ಯನ್​ ಖಾನ್​ ಜೈಲಿನಿಂದ ರಿಲೀಸ್​ ಆಗಿ ಕೆಲ ದಿನ ಕಳೆದಿದೆ. ಅವರು ಮನೆಯಲ್ಲಿ ಯಾರ ಜತೆಯೂ ಸರಿಯಾಗಿ ಮಾತನಾಡುತ್ತಿಲ್ಲ. ತಮ್ಮ ಕೊಠಡಿಯಲ್ಲಿ ಒಬ್ಬರೇ ಕೂತಿರುತ್ತಾರೆ. ಅವರು ಹೆಚ್ಚು ಮೌನಕ್ಕೆ ಶರಣಾಗಿದ್ದಾರೆ. ಅವರು ಯಾವ ಗೆಳೆಯರನ್ನೂ ಭೇಟಿ ಮಾಡುತ್ತಿಲ್ಲ.

ಶಾರುಖ್​ ಮಗ ಮೊದಲಿನಿಂದಲೂ ಹೆಚ್ಚು ಮಾತನಾಡುತ್ತಿರಲಿಲ್ಲ. ಮಾಧ್ಯಮಗಳ ಜತೆ ಮಾತನಾಡುವುದಕ್ಕೂ ಹೆಚ್ಚು ನಾಚಿಕೆ ಮಾಡಿಕೊಳ್ಳುತ್ತಿದ್ದರು. ಈಗ ಅದೆಲ್ಲವೂ ಹೆಚ್ಚಾಗಿದೆ. ಅವರು ಯಾವ ಆಪ್ತರ ಕರೆಯನ್ನೂ ಸ್ವೀಕರಿಸುತ್ತಿಲ್ಲ ಎಂದು ಮೂಲಗಳು ಹೇಳಿವೆ.

ಆರ್ಯನ್‌ಗಾಗಿ ವಿಶೇಷವಾಗಿ ಅಂಗರಕ್ಷಕನನ್ನು ನೇಮಿಸಿಕೊಳ್ಳುವ ಯಾವುದೇ ಯೋಜನೆ ಶಾರಖ್​ಗೆ ಇಲ್ಲ. ಶಾರುಖ್ ಖಾನ್ ತಮ್ಮ ಮಗನಿಗಾಗಿ ಸಮಯ ಮೀಸಲಿಟ್ಟಿದ್ದಾರೆ. ಸದ್ಯಕ್ಕೆ ಶಾರುಖ್ ಅವರ ಎಲ್ಲಾ ಶೂಟಿಂಗ್ ಮುಂದೂಡಿದ್ದಾರೆ. ನವೆಂಬರ್​ 13ರಂದು ಆರ್ಯನ್ ಖಾನ್​ ಜನ್ಮದಿನ. ಈ ದಿನವನ್ನು ವಿಶೇಷವಾಗಿ ಆಚರಿಸಲು ಅವರು ನಿರ್ಧರಿಸಿದ್ದಾರೆ.

ಇದನ್ನೂ ಓದಿ: ‘ಆರ್ಯನ್​ ಖಾನ್​ ಕಿಡ್ನಾಪ್​ ಮಾಡಿ, ಹಣಕ್ಕಾಗಿ ಬೇಡಿಕೆ ಇಡಲಾಯ್ತು’: ನವಾಬ್​ ಮಲಿಕ್​ ಗಂಭೀರ ಆರೋಪ

ಎನ್​ಸಿಬಿ ವಿಚಾರಣೆಯಿಂದ ತಪ್ಪಿಸಿಕೊಂಡ ಆರ್ಯನ್​ ಖಾನ್​; ಶಾರುಖ್​ ಮಗ ಕೊಟ್ಟ ಕಾರಣ ಏನು?