ಇಂಡಿಯನ್​​ ಪ್ರೀಮಿಯರ್​​ ಲೀಗ್​​​ ಸೀಸನ್​​ 15 ಮೆಗಾ ಹರಾಜು ಸದ್ಯದಲ್ಲೇ ಶುರುವಾಗಲಿದೆ. ನಿರೀಕ್ಷೆಯಂತೆಯೇ ಕಳೆದ ಸೀಸನ್‌ನಲ್ಲಿ ಕಳಪೆ ಪ್ರದರ್ಶನ ನೀಡಿದ್ದ ಕಾರಣ ಸನ್​​ ರೈಸರ್ಸ್​ ಹೈದರಾಬಾದ್​​ ತಂಡದಿಂದ ಡೇವಿಡ್ ವಾರ್ನರ್‌ ಹೊರಬಿದ್ದಿದ್ದಾರೆ. ಹೀಗಾಗಿ ಹೈದರಾಬಾದ್​​ ಪರ ಡೇವಿಡ್​​ ವಾರ್ನರ್​​​ ಯಾವುದೇ ಕಾರಣಕ್ಕೂ ಆಡೋದಿಲ್ಲ ಎಂಬುದು ಖಚಿತವಾಗಿದೆ.

ಡೇವಿಡ್​​ ವಾರ್ನರ್​​ ಆಡಿದ 150 ಪಂದ್ಯಗಳಲ್ಲಿ ಬರೋಬ್ಬರಿ 5500 ರನ್ ಗಳಿಸಿದ್ದಾರೆ. ಐಪಿಎಲ್​​ ಇತಿಹಾಸದಲ್ಲೇ ಅತೀ ಹೆಚ್ಚು ರನ್​​ ಗಳಿಸಿದ ಆಟಗಾರರ ಪೈಕಿ ಐದನೇ ಸ್ಥಾನ ಹೊಂದಿದ್ದಾರೆ. ಹೀಗಿರುವಾಗ ವಿಶ್ವಕಪ್​​ ಟಿ20 ಬಳಿಕ ಇವರು ಮರಳಿ ಫಾರ್ಮ್​​ಗೆ ಬಂದಿದ್ದಾರೆ.

ಇನ್ನು, ಡೇವಿಡ್​ ವಾರ್ನರ್​​ ನಾಯಕತ್ವದಲ್ಲಿ ಹೈದರಾಬಾದ್​​ 2016ರಲ್ಲಿ IPL ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಹೀಗಾಗಿ ಹಲವು ಟೀಂಗಳಿಗೆ ಉತ್ತಮ ಕ್ಯಾಪ್ಟನ್​​ ಬೇಕಿದ್ದು, ಇವರನ್ನು ಖರೀದಿಸೋಕೆ ಮುಂದೆ ಬಂದಿವೆ. ಎಷ್ಟೇ ಕೋಟಿಯಾದ್ರೂ ಈ ಬಾರಿ ಡೇವಿಡ್​ ವಾರ್ನರ್​​ ಖರಿದೀಸಿ ತೀರುತ್ತೇವೆ ಎಂದು ಹಲವು ಫ್ರಾಂಚೈಸಿಗಳು ನಿರ್ಧರಿಸಿವೆ.