‘ಒಮಿಕ್ರಾನ್​​​ಗೆ ಭಯಪಡುವ ಅಗತ್ಯವಿಲ್ಲ’- ಸಚಿವ ಡಾ. ಸುಧಾಕರ್​​​


ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್​ ರೂಪಾಂತರಿ ತಳಿ ಪತ್ತೆಯಾಗಿದ್ದು ಜನರು ಯಾವುದೇ ಆತಂಕ ಪಡುವ ಅವಶ್ಯಕತೆ ಇಲ್ಲ ಎಂದು ಆರೋಗ್ಯ ಸಚಿವ ಕೆ.ಸುಧಾಕರ್​ ತಿಳಿಸಿದ್ದಾರೆ.

ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು ಬೆಂಗಳೂರಿನ ಇಬ್ಬರಿಗೆ ಒಮಿಕ್ರಾನ್​ ದೃಢಪಟ್ಟಿದ್ದು ಒಬ್ಬರು ಸದ್ಯ ದುಬೈಗೆ ತೆರಳಿದ್ದಾರೆ ಆದ್ರೆ ಅವರ ಸಂಪರ್ಕದಕಲ್ಲಿದ್ದ ಪ್ರಾಥಮಿಕ ಮತ್ತು ದ್ವಿತೀಯ ಸಂಪರ್ಕಿತರಿಗೆ ನೆಗೆಟಿವ್​ ಇದೆ. ಇನ್ನು ಬೆಂಗಳೂರಿನ ವೈದ್ಯರೊಬ್ಬರಿಗೆ ಪಾಸಿಟಿವ್​ ಬಂದಿದ್ದು ಅವರ ಸಂಪರ್ಕದಲ್ಲಿದ್ದ ಒಟ್ಟು 5 ಜನರಿಗೆ ಪಾಸಿಟಿವ್​ ಇರೋದು ಕಂಡು ಬಂದಿದೆ. ಸದ್ಯ ಅವರ ಸ್ಯಾಂಪಲ್​ಗಳನ್ನು ಜಿನೋಮ್​ ಸಿಕ್ವೆನ್ಸಿಂಗ್​ಗೆ ಕಳಿಸಲಾಗಿದ್ದು ಇಬ್ಬರಿಗೂ ಎರಡು ಡೋಸ್​ ಲಸಿಕೆಯಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಒಬ್ಬ ವ್ಯಕ್ತಿಗೆ ಟ್ರಾವೆಲ್​ ಹಿಸ್ಟರಿ ಇರಲಿಲ್ಲ..

ಆಫ್ರಿಕಾದಿಂದ ಬಂದವರಿಗೆ ಪ್ರಯಾಣದ ಹಿಸ್ಟರಿ ಇತ್ತು ಆದ್ರೆ ವೈದ್ಯರಿಗೆ ಯಾವುದೇ ಟ್ರಾವೆಲ್​ ಹಿಸ್ಟರಿ ಇಲ್ಲ.  ಆದರು ದೇಹದಲ್ಲಿ ಸುಸ್ತು ಕಾಣಿಸಿಕೊಂಡಿದೆ ಆಗ ಟೆಸ್ಟ್ ಮಾಡಿಸಿದಾಗ ಸೋಂಕು ತಗುಲಿರುವುದು ಖಾತ್ರಿಯಾಗಿದೆ. ಸದ್ಯ ಈ ಸಂಪರ್ಕಿತರನ್ನು ನಗರದ ಸರ್ಕಾರಿ ಆಸ್ಪತ್ರೆಯಲ್ಲಿ ವಿಶೇಷ  ಆರೈಕೆಯೊಂದಿಗೆ ಐಸೋಲೇಟ್​ ಮಾಡಲಾಗಿದೆ. ಸದ್ಯದ ಮಾಹಿತಿ ಪ್ರಕಾರ ಇವರಿಗೆ ಯಾವುದೇ ತೀವ್ರತರವಾದ ಲಕ್ಷಣಗಳಿಲ್ಲ ಆರಾಮಾಗಿದ್ದಾರೆ ಎಂದಿದ್ದಾರೆ.

ಇನ್ನು ಜನರು ಈ ಕುರಿತು ಯಾವುದೇ ಭಯ ಪಡುವ ಅಗತ್ಯವಿಲ್ಲ ಯಾಕಂದ್ರೆ ಈ ಹಿಂದಿನ ತಳಿ ಡೆಲ್ಟಾದಲ್ಲಿ ರೋಗಲಕ್ಷಣಗಳು ತೀವ್ರವಾಗಿದ್ದು ಈ ತಳಿಯಲ್ಲಿ ಸದ್ಯ ಅಂತಹ ಯಾವುದೇ ಲಕ್ಷಣಗಳು ಕಂಡು ಬಂದಿಲ್ಲ. ಮುಂಜಾಗೃತ ಕ್ರಮವಾಗಿ ದೊಡ್ಡ ದೊಡ್ಡ ಸಮಾರಂಭಗಳಲ್ಲಿ ಭಾಗವಹಿಸುವುದನ್ನ ನಿಯಂತ್ರಿಬೇಕು. ಸಾಮಾಜಿಕ ಅಂತರ ಕಾಪಾಡಿಕೊಂಡು ಕೋವಿಡ್​ ಮಾರ್ಗಸೂಚಿಗಳನ್ನು ಪಾಲಿಸಬೇಕು ಎಂದು ಮನವಿ ಮಾಡಿದ್ದಾರೆ.

News First Live Kannada


Leave a Reply

Your email address will not be published. Required fields are marked *