ಕನ್ನಡಿಗ ಮನೀಶ್​ ಪಾಂಡೆಗೆ RCB ನಾಯಕನ ಪಟ್ಟ


ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್​ 15ರ ಸಿದ್ದತೆಗಳು ಶುರುವಾಗಿವೆ. ಈ ಬೆನ್ನಲ್ಲೇ ಯಾವ ತಂಡ ಯಾರನ್ನು ಉಳಿಸಿಕೊಳ್ಳಲಿದೆ ಎಂಬ ಚರ್ಚೆಗಳು ಜೋರಾಗಿ ನಡೆಯುತ್ತಿವೆ. 2 ಹೊಸ ತಂಡಗಳು ಸೇರ್ಪಡೆಯಿಂದಾಗಿ ಆಟಗಾರರ ಬೇಡಿಕೆ ಕೂಡ ಹೆಚ್ಚಾಗಿದೆ. ಈಗಾಗಲೇ ಕೆಲ ಸ್ಟಾರ್​ ಆಟಗಾರರು ಹಳೇ ಫ್ರಾಂಚೈಸಿಯಿಂದ ಹೊರಬರುವುದು ಬಹುತೇಕ ಖಚಿತವಾಗಿದೆ.

ಕೆಲ ತಂಡಗಳು ಹೊಸ ನಾಯಕನ ಹುಡುಕಾಟದಲ್ಲಿದೆ. ಈ ನಡುವೆ ಕೆಲ ಫ್ರಾಂಚೈಸಿಗಳು ಮನೀಶ್​ ಪಾಂಡೆಯನ್ನ ತಂಡಕ್ಕೆ ಸೇರಿಸಿಕೊಳ್ಳಲು ಉತ್ಸುಕತೆ ತೋರಿವೆ ಎನ್ನಲಾಗ್ತಿದೆ. ಕಳೆದ ಸೀಸನ್​ನಲ್ಲಿ ಫಾರ್ಮ್​ ಕಳೆದುಕೊಂಡಿದ್ದ ಮನೀಶ್ ಪಾಂಡೆಯನ್ನ ಸನ್​ರೈಸರ್ಸ್​ ಹೈದರಾಬಾದ್ ​ಫ್ರಾಂಚೈಸಿ ಉಳಿಸಿಕೊಳ್ಳುವುದು ಅನುಮಾನವಾಗಿದೆ.

ಐಪಿಎಲ್​ನಲ್ಲಿ ಉಪನಾಯಕನಾಗಿ, ನಾಯಕನ ಅನುಪಸ್ಥಿತಿಯಲ್ಲಿ ತಂಡವನ್ನು ಮುನ್ನಡೆಸಿದ್ದರು. ಅಲ್ಲದೇ ಕರ್ನಾಟಕ ತಂಡದ ನಾಯಕನಾಗಿ ಕೆಲ ವರ್ಷಗಳಿಂದ ಯಶಸ್ಸು ಕಂಡಿದ್ದಾರೆ. ಹೀಗಾಗಿ ಮನೀಶ್​ ಪಾಂಡೆಯನ್ನ ತಂಡಕ್ಕೆ ಸೇರಿಸಿಕೊಂಡು ನಾಯಕತ್ವ ನೀಡಲು ಕೆಲ ಫ್ರಾಂಚೈಸಿಗಳು ಚಿಂತಿಸುತ್ತಿವೆ ಎನ್ನಲಾಗ್ತಿದೆ. ಈ ಪೈಕಿ ಆರ್​​ಸಿಯೂ ಒಂದು ಎಂದು ಹೇಳಲಾಗ್ತಿದೆ.

News First Live Kannada


Leave a Reply

Your email address will not be published. Required fields are marked *