ಕಳಪೆ ಫಾರ್ಮ್​ನಲ್ಲಿದ್ದ ಅಯ್ಯರ್​ ‘ಕನ್ನಡಿಗ’ ನೀಡಿದ ಸಲಹೆಗಳಿಂದ ಸೆಟ್​ಬ್ಯಾಕ್​ ಆಗಿದ್ಹೇಗೆ?


ಕಾನ್ಪುರ ಟೆಸ್ಟ್​​​​​​​ನಲ್ಲಿ ಚೊಚ್ಚಲ ಶತಕ ಸಿಡಿಸಿದ ಶ್ರೇಯಸ್​ ಅಯ್ಯರ್​​, ಸದ್ಯ ಹೀರೋ ಆಗಿದ್ದಾರೆ. ಆದರೆ ತಂಡಕ್ಕೆ ನೆರವಾಗಿರುವ ಅಯ್ಯರ್, ಅನೇಕ ಸವಾಲುಗಳನ್ನ ಮೆಟ್ಟಿ ನಿಂತು, ಫೈಟರ್ ಎನಿಸಿಕೊಂಡಿದ್ದಾರೆ. ಇಷ್ಟಕ್ಕೂ ಅಯ್ಯರ್​ರ ತೆರೆಮರೆಯ ಯಶಸ್ಸಿನ ಕಥಾನಕ ಏನು..?

ಶ್ರೇಯಸ್​ ಅಯ್ಯರ್.​​. ಭಾರತ ತಂಡದ ಭರವಸೆಯ ಆಟಗಾರ.. ಈಗಾಗಲೇ ಏಕದಿನ ಮತ್ತು ಟಿ20 ಫಾರ್ಮೆಟ್​​ನಲ್ಲಿ, ತನ್ನ ಟ್ಯಾಲೆಂಟ್ ತೋರಿಸಿದ್ದಾರೆ. ಇದೀಗ ಟೆಸ್ಟ್​​​ ಕೂಡ ಆಡಬಲ್ಲೆ ಅನ್ನೋದನ್ನ ನಿರೂಪಿಸಿ, ಭೇಷ್​ ಎನಿಸಿಕೊಂಡಿದ್ದಾರೆ. ಪದಾರ್ಪಣೆ ಟೆಸ್ಟ್​​​ ಪಂದ್ಯದಲ್ಲೇ ಚೊಚ್ಚಲ ಶತಕ ಸಿಡಿಸಿ ದಿಗ್ಗಜರಿಂದ ಪ್ರಶಂಸೆ ಗಿಟ್ಟಿಸಿಗೊಂಡಿದ್ದಾರೆ ಅಯ್ಯರ್​​. ಆದರೆ ಮುಂಬೈಕರ್​​​ನ ಯಶಸ್ಸು ಅಷ್ಟು ಸುಲಭಕ್ಕೆ ಸಿಕ್ಕಿದ್ದಲ್ಲ. ಈ ಯಶೋಗಾಥೆಯ ಹಿಂದೆ ಅಪಾರ ಪರಿಶ್ರಮವೇ ಅಡಗಿದೆ.

ಹೌದು​​..! ಕಳೆದ 3 ವರ್ಷಗಳಿಂದ ಅಯ್ಯರ್​​ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ.. ಮೈದಾನದಲ್ಲಿ ಸಮಯೋಚಿತ ಇನ್ನಿಂಗ್ಸ್​​​ ಕಟ್ಟುವ ಅಯ್ಯರ್​, ತುಂಬಾ ಹಾರ್ಡ್​​ವರ್ಕರ್​. ಜಿಮ್​​​ನಲ್ಲಿ ಸತತ ಕಸರತ್ತು ನಡೆಸ್ತಿದ್ದ ಈ ಬಲಗೈ ಬ್ಯಾಟ್ಸ್​​ಮನ್​, ದಿನವಿಡೀ ಅಭ್ಯಾಸ ನಡೆಸ್ತಿದ್ದ. ಕ್ರಿಕೆಟ್​​ ಕಿಟ್​​​ ಹೊತ್ತು ನೆಟ್ಸ್​​ಗೆ ಹೋದರೆ ಮನೆಗೆ ಮರಳುತ್ತಿದ್ದದ್ದು ಸೂರ್ಯ ಮುಳುಗಿದ ಮೇಲೆ. ಅಯ್ಯರ್​​​ರ​​​ ಈ ಪರಿಶ್ರಮವೇ ಇಂದು ಸ್ಟಾರ್​​ ಪಟ್ಟ ತಂದುಕೊಟ್ಟಿದೆ. ಆದರೆ ಅನೇಕ ಸವಾಲುಗಳನ್ನ ಮೆಟ್ಟಿ ನಿಂತು ಒಬ್ಬ ಫೈಟರ್​​ನಂತೆ ಇದೀಗ ಎದ್ದು ನಿಂತಿದ್ದಾರೆ.

ಡಿಪ್ರೆಷನ್​​​ಗೆ ಒಳಗಾಗಿ ಕ್ರಿಕೆಟ್​​ ತ್ಯಜಿಸುವ ನಿರ್ಧಾರಕ್ಕೆ ಬಂದಿದ್ದರಂತೆ.!
ಸದ್ಯ ಟೆಸ್ಟ್​​​ನಲ್ಲೂ ನೆಲೆಯೂರುವ ಭರವಸೆ ಮೂಡಿಸಿರುವ ಈ ಮುಂಬೈಕರ್​​,​ ಕ್ರಿಕೆಟ್​​​ ಅಭ್ಯಾಸ ಆರಂಭಿಸಿದ್ದು 4ನೇ ವಯಸ್ಸಿನಿಂದ. ತಂದೆಯ ಇಚ್ಚೆಯಂತೆ ಕ್ರಿಕೆಟ್​​​ ಅಕಾಡೆಮಿಗೂ ಸೇರಿದ್ದ. ಆದ್ರೆ 16ನೇ ವಯಸ್ಸಿನಲ್ಲಿ ಡಿಫ್ರೆಷನ್​​​​ಗೆ ಒಳಗಾಗಿದ್ದರಂತೆ. ಇದರಿಂದ ಅಚ್ಚುಮೆಚ್ಚಿನ ಕ್ರಿಕೆಟ್​ ಅನ್ನೇ ತ್ಯಜಿಸುವ ನಿರ್ಧಾರಕ್ಕೇ ಬಂದಿದ್ದರಂತೆ. ಆದರೆ ಅಂದು ಈ ನಿರ್ಧಾರಕ್ಕೆ ಬರಲು ಕಾರಣ ಏನೆಂಬುದು ಅಯ್ಯರ್​​ಗೆ ತಿಳಿದಿರಲಿಲ್ಲವಂತೆ.

2016ರಲ್ಲಿ ಅಯ್ಯರ್​ಗೆ ದ್ರಾವಿಡ್​​ರಿಂದ ಸಿಕ್ಕಿತ್ತು ಮಾರ್ಗದರ್ಶನ..!
ಶ್ರೇಯಸ್​​ ಐಪಿಎಲ್​​ಗೆ ಎಂಟ್ರಿ ಕೊಟ್ಟಿದ್ದು 2015ರಲ್ಲಿ. ಮೊದಲ ಆವೃತ್ತಿಯಲ್ಲೇ ಗಮನಾರ್ಹ ಪ್ರದರ್ಶನ ನೀಡಿದ ಅಯ್ಯರ್​​, 2016ರ IPLನಲ್ಲಿ ತೀವ್ರ ಕಳಪೆ ಫಾರ್ಮ್​​​ಗೆ ಒಳಗಾದ್ರು. ಹೀಗಾಗಿ ಡೆಲ್ಲಿ ಡೇರ್​​​ಡೆವಿಲ್ಸ್​​ ತಂಡದ ಮೆಂಟರ್​ ಆಗಿದ್ದ ರಾಹುಲ್​​ ದ್ರಾವಿಡ್​ರಿಂದ ಅಯ್ಯರ್​​, ಬ್ಯಾಟಿಂಗ್​​​ ಬಗ್ಗೆ ವಿಶೇಷ ಸಲಹೆ ಪಡೆದುಕೊಂಡಿದ್ರು. ಅಂದು ದ್ರಾವಿಡ್ ನೀಡಿದ ಸಲಹೆಗಳು, ತಂಡದಲ್ಲಿ ಸೆಟ್​ಬ್ಯಾಕ್​ ಆಗುವಂತೆ ಮಾಡಿದ್ವು.!

ಇದನ್ನೂ ಓದಿ:4 ವರ್ಷಗಳಿಂದ ಡಿಪಿ ಬದಲಿಸದ ಅಯ್ಯರ್ ತಂದೆ -ಏನಿದು ಫೋಟೋ ಹಿಂದಿನ ಸ್ಟೋರಿ?

ಇಂಜುರಿ ಕಸಿಯಿತು ನಾಯಕನ ಪಟ್ಟ ಹಾಗೂ ತಂಡದಲ್ಲಿ ಸ್ಥಾನ..!
ಹೌದು..! ಈ ವರ್ಷದ ಮಾರ್ಚ್​​​​ನಲ್ಲಿ ನಡೆದ ಇಂಗ್ಲೆಂಡ್​​​ ವಿರುದ್ಧದ ಸರಣಿಯಲ್ಲಿ ಭುಜದ ಗಾಯದ ಸಮಸ್ಯೆಗೆ ಒಳಗಾದ್ರು ಅಯ್ಯರ್​.! ಆದರೆ ಈ ಒಂದು ಇಂಜುರಿ ಅಯ್ಯರ್​​ರನ್ನ ಮೊದಲ IPLಗೆ ದೂರ ಮಾಡಿತು. ಅಲ್ಲದೆ ನಾಯಕತ್ವವನ್ನೂ ಕಸಿದುಕೊಳ್ತು. ಫಿಟ್​ ಆಗದ ಕಾರಣ ಶ್ರೀಲಂಕಾ ಸರಣಿಯನ್ನೂ ತಪ್ಪಿಸಿಕೊಂಡರು. ಒಂದ್ವೇಳೆ ಫಿಟ್​ ಆಗಿದ್ರೆ ಈ ಪ್ರವಾಸಕ್ಕೆ ನಾಯಕನಾಗುವ ಸಾಧ್ಯತೆ ಇತ್ತು. ಜೊತೆಗೆ ಟಿ20 ವಿಶ್ವಕಪ್​​​ಗೂ​ ತಂಡದಲ್ಲೂ ಸ್ಥಾನ ಸಿಗಲಿಲ್ಲ.

ಮಾನಸಿಕ ಒತ್ತಡ, ಇಂಜುರಿ, IPLನಲ್ಲೂ ನೀರಸ ಪ್ರದರ್ಶನ, ಜೊತೆಗೆ ಟೀಕಾ ಪ್ರಹಾರ ಇವೆಲ್ಲವನ್ನೂ ಮೆಟ್ಟಿನಿಂತ ಅಯ್ಯರ್​, ಇದೀಗ ಕಾನ್ಪುರ ಟೆಸ್ಟ್​​ನ ಹೀರೋ.! ಚೊಚ್ಚಲ ಪಂದ್ಯದಲ್ಲೇ ಶತಕ ಸಿಡಿಸಿ ದಾಖಲೆ ಬರೆದಿದ್ದಾರೆ. ಹೀಗಾಗಿ ಸಾಕಷ್ಟು ಪರಿಶ್ರಮದೊಂದಿಗೆ ಬೆಳೆದ ಶ್ರೇಯಸ್​ಗೆ ಯಶಸ್ಸಿನ ಶ್ರೇಯಸ್ಸು ನಿರಂತರ ಸಿಗಲಿ ಅನ್ನೋದೇ ನಮ್ಮೆಲ್ಲರ ಆಶಯ.!

News First Live Kannada


Leave a Reply

Your email address will not be published. Required fields are marked *