ಕುತೂಹಲದತ್ತ ಕಾನ್ಪುರ ಟೆಸ್ಟ್ ಪಂದ್ಯ-ಗೆಲುವಿನ ಹೋರಾಟ ಹೇಗಿದೆ ಗೊತ್ತಾ..?


ಕಾನ್ಪುರ ಟೆಸ್ಟ್​ನ ನಿರ್ಣಾಯಕ ದಿನದಾಟದ ಮೊದಲ ಸೆಷನ್​​ನಲ್ಲಿ ಪ್ರವಾಸಿ ನ್ಯೂಜಿಲೆಂಡ್​​ ಸಂಪೂರ್ಣ ಮೇಲುಗೈ ಸಾಧಿಸಿದೆ. ನಿನ್ನೆ 4 ರನ್​ಗೆ 1 ವಿಕೆಟ್ ಉರುಳಿಸಿ ಆರಂಭಿಕ ಮೇಲುಗೈ ಸಾಧಿಸಿದ್ದ ಟೀಮ್ ಇಂಡಿಯಾ, ಇಂದಿನ ಮೊದಲ ಸೆಷನ್​ ಸಂಪೂರ್ಣ ನಿರಾಸದಾಯಕ ಪ್ರದರ್ಶನದ ಮೂಲಕ, ನಿರಾಸೆ ಮೂಡಿಸಿದೆ.

280 ರನ್​ಗಳ ಹಿನ್ನಡೆಯೊಂದಿಗೆ ಅಂತಿಮ ದಿನದಾಟ ಆರಂಭಿಸಿದ ಟಾಮ್ ಲಾಥಮ್, ಸೋಮರ್​​ವಿಲ್ಲೆ 2ನೇ ವಿಕೆಟ್​ಗೆ, ಬಿಗ್ ಇನ್ನಿಂಗ್ಸ್​ ಕಟ್ಟುವ ಮುನ್ಸೂಚನೆ ನೀಡಿದ್ದಾರೆ. ನಿನ್ನೆ 3 ರನ್​ ಗಳಿಸಿ ಇಂದಿಗೆ ಕ್ರೀಸ್​ ಕಾಯ್ದುಕೊಂಡಿದ್ದ ಟಾಮ್ ಲಾಥಮ್, 96 ಎಸೆತಗಳಲ್ಲಿ 35 ರನ್ ಹಾಗೂ ವಿಲಿಯಮ್ ಸೋಮರ್​ವಿಲ್ಲೆ 109 ಎಸೆತಗಳಲ್ಲಿ 36 ರನ್ ಗಳಿಸಿದ್ದಾರೆ.

ಭೋಜನ ವಿರಾಮಕ್ಕೂ ಮುನ್ನ ಮುರಿಯದ ಎರಡನೇ ವಿಕೆಟ್​ಗೆ 76 ರನ್​ಗಳ ಜೊತೆಯಾಟವಾಡಿದ್ದಾರೆ. ಇದರೊಂದಿಗೆ 1 ವಿಕೆಟ್ ನಷ್ಟಕ್ಕೆ ನ್ಯೂಜಿಲೆಂಡ್ 79 ರನ್ ಗಳಿಸಿದೆ.. ಸದ್ಯ 205 ರನ್​​ಗಳ ಸವಾಲಿನ ಮೊತ್ತ ನ್ಯೂಜಿಲೆಂಡ್ ಮುಂದಿದ್ದು, 9 ವಿಕೆಟ್​ಗಳ ಉರುಳಿಸುವ ಚಾಲೆಂಜ್ ಟೀಮ್ ಇಂಡಿಯಾ ಬೌಲರ್​​​ಗಳ ಮುಂದಿದೆ.

News First Live Kannada


Leave a Reply

Your email address will not be published. Required fields are marked *