ವಿರಾಟ್ ಕೊಹ್ಲಿ​ ಟೆಸ್ಟ್​ ನಾಯಕತ್ವ ತ್ಯಜಿಸಿದ ಬೆನ್ನಲ್ಲೇ ಮುಂದಿನ ನಾಯಕ ಯಾರು ಎಂಬ ಚರ್ಚೆ ಹುಟ್ಟಿಕೊಂಡಿದೆ. ಜೊತೆಗೆ ಬಿಸಿಸಿಐ ಮಾಸ್ಟರ್ ಪ್ಲಾನ್​ ಏನು ಎಂಬ ನಡೆ ಕೂಡ ನಿಗೂಢವಾಗಿದೆ. ಯಾವ ಮಾನದಂಡದಲ್ಲಿ ಟೆಸ್ಟ್​ ತಂಡದ ನಾಯಕನನ್ನು ಆರಿಸಲಾಗುತ್ತೆ ಅನ್ನೋದು ಕೂಡ ಕುತೂಹಲ ಮೂಡಿಸಿದೆ.

ಸದ್ಯ ಎಲ್ಲರಿಗೂ ಕಾಡ್ತಿರುವ ದೊಡ್ಡ ಪ್ರಶ್ನೆ ಟೆಸ್ಟ್​ ತಂಡಕ್ಕೆ ಮುಂದಿನ ನಾಯಕ ಯಾರು ಅನ್ನೋದು. ವಿರಾಟ್​ ಕೊಹ್ಲಿ ದಿಢೀರ್​​ ನಿವೃತ್ತಿ ಎಲ್ಲರನ್ನೂ ಆಘಾತಕ್ಕೆ ತಳ್ಳಿದೆ. ಬಿಸಿಸಿಐ ಕೂಡ ಹಠಾತ್​ ನಿರ್ಧಾರಕ್ಕೆ ಅಚ್ಚರಿಗೊಳಗಾಗಿದೆ. ಹೀಗಾಗಿ ಮುಂದಿನ ನಾಯಕನನ್ನ ಆರಿಸಲು ಸಾಕಷ್ಟು ಸಮಾಲೋಚನೆ ನಡೆಸಲು ನಿರ್ಧರಿಸಿದೆ.

ಟೆಸ್ಟ್​​ ತಂಡಕ್ಕೂ ರೋಹಿತ್​ ಶರ್ಮಾನೇ ಕ್ಯಾಪ್ಟನ್​..?

ಕೊಹ್ಲಿ ಕೆಳಗಿಳಿದ ಬಳಿಕ ಏಕದಿನ ಮತ್ತು ಟಿ20 ತಂಡಕ್ಕೆ ನಾಯಕನಾಗಿರುವ ರೋಹಿತ್​​ ಶರ್ಮಾನೇ ಟೆಸ್ಟ್​​​​ ತಂಡದ ಸಾರಥ್ಯ ವಹಿಸಿಕೊಳ್ಳಿದ್ದಾರೆ ಎನ್ನಲಾಗ್ತಿದೆ. ಈಗಾಗಲೇ ರೋಹಿತ್​ ಶರ್ಮಾ ಟೆಸ್ಟ್​ ತಂಡದ ಉಪನಾಯಕನಾಗಿದ್ದು, ಅವರೇ ಇದಕ್ಕೆ ಸೂಕ್ತ ಅನ್ನೋ ನಿರ್ಧಾರಕ್ಕೂ ಬಿಸಿಸಿಐ ಬಂದಿದೆ ಎಂಬ ಮಾಹಿತಿ ಇದೆ.

ಪೈಪೋಟಿಯಲ್ಲಿದ್ದಾರೆ ರಾಹುಲ್​, ಪಂತ್​..?

ಒಂದೆಡೆ ಅನುಭವಿ ರೋಹಿತ್​ ಶರ್ಮಾಗೆ ಮಣೆ ಹಾಕುವ ನಿರ್ಧಾರವಾದ್ರೆ, ಮತ್ತೊಂದೆಡೆ ಭವಿಷ್ಯದ ದೃಷ್ಟಿಯಿಂದ ಕೆ.ಎಲ್​.ರಾಹುಲ್​​​, ರಿಷಭ್​​ ಪಂತ್​ ಅಥವಾ ವೇಗಿ ಜಸ್​​ಪ್ರಿತ್​ ಬೂಮ್ರಾರಲ್ಲಿ ಒಬ್ಬರಿಗೆ ಜವಾಬ್ದಾರಿ ವಹಿಸುವ ಸಾಧ್ಯತೆ ಇದೆ. ರಾಹುಲ್​​​ಗೆ ಸಿಮೀತ ಓವರ್​​ಗಳ ಉಪನಾಯಕನಾಗಿರೋ ಕಾರಣ, ಟೆಸ್ಟ್​​ಗೆ ನಾಯಕನನ್ನಾಗಿ ಮಾಡಿದರೂ ಅಚ್ಚರಿ ಇಲ್ಲ.