ತಮಿಳುನಾಡಿಗೆ ಅನುಕೂಲ ಮಾಡುವ ಉದ್ದೇಶದಿಂದ ಕಾಂಗ್ರೆಸ್​​ ಪಾದಯಾತ್ರೆ ಹಮ್ಮಿಕೊಂಡಿದೆ ಅಂತ ಮಾಜಿ ಮುಖ್ಯಮಂತ್ರಿ ಹೆಚ್​.ಡಿ ಕುಮಾರಸ್ವಾಮಿ ಗಂಭೀರ ಆರೋಪ ಮಾಡಿದ್ದಾರೆ.

ನ್ಯೂಸ್​ ಫಸ್ಟ್​ ಜೊತೆ ಮಾತನಾಡಿದ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ, ಕಾಂಗ್ರೆಸ್ ಪಾದಯಾತ್ರೆಗೆ ಬೇಕಾದ ಎಲ್ಲಾ ಮಟಿರಿಯಲ್​ಗಳು, ಕಾರ್ಮಿಕರು ತಮಿಳುನಾಡಿನಿಂದ ಬಂದಿರೋದನ್ನ ನಮ್ಮ ಕಾರ್ಯಕರ್ತರು ರೆಕಾರ್ಡ್ ಮಾಡಿದ್ದಾರೆ. ಕಾಂಗ್ರೆಸ್ ಪಾದಯಾತ್ರೆಗೆ ಖಂಡಿತವಾಗಿಯೂ ತಮಿಳುನಾಡು ಸ್ಪಾನ್ಸರ್​ಶಿಪ್ ಇರಬಹುದು ಎಂದು ಅವರು ಹೇಳಿದ್ದಾರೆ.

ಹಾಗಿದ್ರೆ ಕುಮಾರಸ್ವಾಮಿ ಮಾಡಿದ ಆರೋಪಗಳೇನು?

1. ಕಾಂಗ್ರೆಸ್ ಪಾದಯಾತ್ರೆಗೆ ತಮಿಳು ನಾಡು ಸ್ಪಾನ್ಸರ್​ಶಿಪ್ ಮಾಡಿರಬಹುದು
2. ಮೇಕೆದಾಟು ಯೋಜನೆ ಈಗ ಸುಪ್ರೀಂ ಕೋರ್ಟ್​ನಲ್ಲಿ ಇದೆ.. ಹೀಗಾಗಿ ಪ್ರತಿಭಟನೆ ಮಾಡಿ ಕೋರ್ಟ್​​ನಲ್ಲಿ ತಮಿಳುನಾಡಿಗೆ ಅನುಕೂಲ ಮಾಡುವ ಉದ್ದೇಶ ಕಾಂಗ್ರೆಸ್​ಗೆ ಇರಬಹುದು.
3. ಸಿದ್ದರಾಮಯ್ಯ ಮಾತೆತ್ತಿದರೆ ಅಣ್ಣಾ ಮಲೈ.. ಅಣ್ಣಾ ಮಲೈ ಅಂತಾರೆ.. ಈ ಕಾರ್ಮಿಕರನ್ನು ಬಹುಶಃ ಅಣ್ಣಾಮಲೈ ಅವರಿಂದಲೇ ಸಿದ್ದರಾಮಯ್ಯ ಕರೆಸಿರಬಹುದು..
4. ತಮಿಳುನಾಡಿನಲ್ಲಿ ಡಿಎಂಕೆ ಜೊತೆ ಸೇರಿ ಕಾಂಗ್ರೆಸ್ ಅಧಿಕಾರದಲ್ಲಿದೆ.. ಹೀಗಾಗಿ, ಅವರಿಗೆ ಅನುಕೂಲ ಮಾಡಿಕೊಡುವ ನಿಟ್ಟಿನಲ್ಲಿ ಡಿಎಂಕೆ ಜೊತೆ ಒಳ ಒಪ್ಪಂದ ಮಾಡಿಕೊಂಡಿರಬಹುದು..