ಕೋರ್ಟ್​ ಕಲಾಪದ ವೇಳೆ ಕೋಕ್​ ಸೇವಿಸಿದ ಪೊಲೀಸ್ -100 ಕೋಕ್ ವಿತರಿಸುವಂತೆ ಶಿಕ್ಷೆ ವಿಧಿಸಿದ ನ್ಯಾಯಾಮೂರ್ತಿ


ಹೈಕೋರ್ಟ್​ ವಿಚಾರಣೆ ವೇಳೆ ಪೊಲೀಸ್​ ಅಧಿಕಾರಿಯೊಬ್ಬರು ತಂಪು ಪಾನೀಯ ಸೇವಿಸಿದ್ದಕ್ಕಾಗಿ ಹೈ ಕೋರ್ಟ್​​ ಮುಖ್ಯ ನ್ಯಾಯಮೂರ್ತಿಗಳು ಗರಂ ಆಗಿ ಅಧಿಕಾರಿಗೆ ವಿಶೇಷ ಶಿಕ್ಷೆ  ವಿಧಿಸಿದ ಘಟನೆ ಗುಜರಾತ್​ನಲ್ಲಿ ವರದಿಯಾಗಿದೆ.

ಮುಖ್ಯ ನ್ಯಾಯಮೂರ್ತಿ ಅರವಿಂದ್​ ಕುಮಾರ್​ ಹಾಗೂ ಅಶುತೋಷ್​ ಶಾಸ್ತ್ರಿ ಅವರಿದ್ದ ಪೀಠ, ಟ್ರಾಫಿಕ್​ನಲ್ಲಿ ಮಹಿಳೆ ಮೇಲೆ ಹಲ್ಲೆಯ ಪ್ರಕರಣವನ್ನು ವರ್ಚ್ಯೂವಲ್ ವಿಧಾನದ ಮೂಲಕ ವಿಚಾರಣೆ ನಡೆಸುತ್ತಿದ್ದರು .ಈ ವೇಳೆ ಎ.ಎಂ. ರಾಥೋರ್​ ಎಂಬ ಪೊಲೀಸ್​ ಅಧಿಕಾರಿ ಕೂಡ ವಿಚಾರಣೆಯಲ್ಲಿ ಭಾಗಿಯಾಗಿದ್ದು, ಈ ವೇಳೆ ಪೊಲೀಸ್​ ಅಧಿಕಾರಿ ಬಾಯಾರಿಕೆಯಾಗಿ ಪಕ್ಕದಲ್ಲಿದ್ದ ಕೋಕಾ ಕೋಲಾ ಸೇವೆನೆ ಮಾಡಿದ್ದಾರೆ.

ವಿಚಾರಣೆ ನಡುವೆಯೇ ಇದನ್ನ ಗಮನಿಸಿದ ನ್ಯಾಯಮೂರ್ತಿಗಳು ಪೊಲೀಸ್​ ಅಧಿಕಾರಿಗೆ ಕ್ಲಾಸ್​​ ತೆಗೆದುಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ತಮ್ಮ ಕೋರ್ಟ್​ನ ವಕೀಲರಿಗೆ ಬರೋಬ್ಬರಿ 100 ಕ್ಯಾನ್​ ಕೋಕಾ ಕೋಲಾವನ್ನು ವಿತರಿಸುವಂತೆ ಆದೇಶಿಸಿದ್ದಾರೆ. ವಿಚಾರಣೆ ವೇಳೆ ಈ ರೀತಿ ವರ್ತಿಸುವುದು ಕೋರ್ಟ್​ನ ಶಿಸ್ತನ್ನು ಉಲ್ಲಂಘಿಸಿದಂತೆ ಇದು ಪೀಠಕ್ಕೆ ಅಗೌರವ ತೋರುವ ವರ್ತನೆ ಎಂದು ನ್ಯಾಯಮೂರ್ತಿಗಳು ತಿಳಿಸಿದ್ದು, ಒಂದೊಮ್ಮೆ ನೇರ ವಿಚಾರಣೆಯಲ್ಲಿ ಪೊಲೀಸ್​ ಅಧಿಕಾರಿ ವಿಚಾರಣೆಗೆ ಕೋರ್ಟ್​​ನಲ್ಲಿ ಹಾಜರಾಗಿದ್ದಾರೆ ಈ ರೀತಿ ಮಾಡಲು ಸಾಧ್ಯವಿತ್ತೇ.. ಎಂದು ಪ್ರಶ್ನಿಸಿದ್ದಾರೆ. ಅಧಿಕಾರಿಯ ನಡೆಗೆ ಸರ್ಕಾರ ಪರ ಹಾಜರಿದ್ದ ಉನ್ನತ ಅಧಿಕಾರಿ, ನ್ಯಾಯಾಮೂರ್ತಿಗಳ ಬಳಿ ಕ್ಷಮೆ ಕೋರಿದ್ದರು ಎಂದು ವರದಿಯಾಗಿದೆ.

News First Live Kannada


Leave a Reply

Your email address will not be published. Required fields are marked *