ಐಸಿಸಿ ಟಿ20 ವಿಶ್ವಕಪ್​​​ನಲ್ಲಿ ಆರಂಭದಲ್ಲಿ ಎರಡು ಪಂದ್ಯಗಳಲ್ಲಿ ಸೋತ ಭಾರತ ಮೊದಲ ಜಯ ಸಾಧಿಸಿದೆ. ಇತ್ತೀಚೆಗೆ ಬುಧವಾರ ಅಫ್ಘಾನ್ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ 66 ರನ್ ಅಂತರದ ಭರ್ಜರಿ ಗೆಲುವು ಕಂಡಿದೆ.

ಭಾರತದ ಪರ ಯಾವಾಗಲೂ ಮೊದಲು ಬ್ಯಾಟಿಂಟ್​ಗೆ ಇಳಿದ ಆರಂಭಿಕ ಆಟಗಾರ ಕೆ.ಎಲ್.ರಾಹುಲ್ ಮತ್ತು ರೋಹಿತ್ ಶರ್ಮಾ ಭದ್ರ ಬುನಾದಿ ಹಾಕಿದರು. ಮೊದಲ ವಿಕೆಟ್​ಗೆ ಇವರಿಬ್ಬರು 140 ರನ್ ಪೇರಿಸಿದ್ರು. ರೋಹಿತ್ ಶರ್ಮಾ 74 ರನ್ ಗಳಿಸಿದರೆ, ರಾಹುಲ್ 69 ರನ್ ಗಳಿಸಿದರು.

ರೋಹಿತ್-ರಾಹುಲ್ ಈ ಜೊತೆಯಾಟದಿಂದ 14 ವರ್ಷಗಳ ದಾಖಲೆಯೊಂದು ಮುರಿಯಿತು. 2007ರ ಟಿ20 ವಿಶ್ವಕಪ್​​​ನಲ್ಲಿ ಗೌತಮ್ ಗಂಭೀರ್ ಮತ್ತು ವೀರೆಂದ್ರ ಸೆಹವಾಗ್ ಅವರು ಇಂಗ್ಲೆಂಡ್ ವಿರುದ್ಧ ಮೊದಲ ವಿಕೆಟ್​ಗೆ 136 ರನ್ ಜೊತೆಯಾಟ ನಡೆಸಿದ್ದರು. ಈ ದಾಖಲೆ ಅಫ್ಘಾನ್ ವಿರುದ್ಧದ ಪಂದ್ಯದಲ್ಲಿ ರಾಹುಲ್-ರೋಹಿತ್ ಅವರಿಂದ ಮುರಿಯಲ್ಪಟ್ಟಿತು.