ಗಣರಾಜ್ಯೋತ್ಸವ ಸ್ತಬ್ಧಚಿತ್ರ.. ಕರ್ನಾಟಕದಿಂದ ಇಳಕಲ್ ಸೀರೆ, ಗುಳೇದಗುಡ್ಡ ಖಣ ಆಯ್ಕೆ


ಹೊಸದಿಲ್ಲಿ: ಎಂದಿನಂತೆ ಈ ವರ್ಷವೂ ಗಣರಾಜ್ಯೋತ್ಸವಕ್ಕೆ ಸ್ತಬ್ದಚಿತ್ರಗಳ ಪರೇಡ್​ ಆಯೋಜಿಸಲಾಗಿದೆ. ಈ ಗಣರಾಜ್ಯೋತ್ಸವ ಪರೇಡ್​ನಲ್ಲಿ ಕರ್ನಾಟಕದಿಂದ ಸುಪ್ರಸಿದ್ದ ಇಳಕಲ್​ ಸೀರೆ, ಗುಳೇದಗುಡ್ಡ ಖಣ ಕರಕುಶಲ ವಸ್ತುಗಳಾಗಿ ಆಯ್ಕೆಗೊಂಡಿದೆ.

ಜಿಯೋಲಾಜಿಕಲ್​ ಐಡೆಂಟಿಟಿ ಟ್ಯಾಗ್​ ಹೊಂದಿರುವ 16 ಕರಕುಶಲ ವಸ್ತುಗಳು ಆಯ್ಕೆಯಾಗಿವೆ. ಬಾಗಲಕೋಟೆಯ ಇಳಕಲ್​ ಸೀರೆ ಹಾಗೂ ಗುಳೇದಗುಡ್ಡ ಖಣವೂ(ಕುಪ್ಪಸ) ಜಿಐ ಟ್ಯಾಗ್ ಪಡೆದಿವೆ.

ವಿಶಿಷ್ಟ ವಿನ್ಯಾಸದ ಮೂಲಕ ಜನರ ಗಮನ ಸೆಳೆಯೋ ಈ ಸೀರೆ ಖಣಕ್ಕೆ ಇತ್ತಿಚಿನ ದಿನಗಳಲ್ಲಿ ಮಾರುಕಟ್ಟೆ ಕುಸಿದಿದೆ. ಇಳಕಲ್​ ಸೀರೆಗಳಿಗೆ ಆನ್​​ಲೈನ್​ ಮೂಲಕವು ಮಾರಾಟ ವ್ಯವಸ್ಥೆ ಪ್ರಾರಂಭವಾಗಿದೆ. ಹೀಗಾಗಿ ಗುಳೇದಗುಡ್ಡದ ನೇಕಾರರು ಖಣಕ್ಕೆ ಹೊಸ ಹೊಸ ರೂಪ ಕೊಟ್ಟು ಬೇಡಿಕೆ ಬರುವಂತೆ ಮಾಡ್ತಿದ್ದಾರೆ.

ಇಳಕಲ್​ ಖಣದಿಂದ ಮಾಸ್ಕ್​ ಮತ್ತು ಆಕಾಶಬುಟ್ಟಿ ತಯಾರಿಸಿ ಮಾರುಕಟ್ಟೆಗೆ ಬಿಟ್ಟಿದ್ದಾರೆ. ಇವು ಈಗ ಗಣರಾಜ್ಯೋತ್ಸವದ ಸ್ತಬ್ದಚಿತ್ರಗಳ ಪ್ರದರ್ಶನಕ್ಕೆ ಆಯ್ಕೆಯಾಗಿದ್ದು, ರಾಷ್ಟ್ರದಲ್ಲಿ ಹೆಚ್ಚಿನ ಗಮನ ಸೆಳೆಯಲಿದೆ. ಇದು ನೇಕಾರರಿಗೆ ಸಂಭ್ರಮದ ವಿಷಯವಾಗಿದೆ. ವಾರ್ತಾ ಇಲಾಖೆಯಿಂದ ನ್ಯೂಸ್​ ಫಸ್ಟ್​ಗೆ ಮಾಹಿತಿ ಲಭ್ಯವಾಗಿದೆ.

News First Live Kannada


Leave a Reply

Your email address will not be published. Required fields are marked *