ಚೀನಾ ಜೊತೆ ನಿರ್ಮಿಸಿದ್ದ ಸಿನಿಮಾವನ್ನ ಖ್ಯಾತ ನಟನಿಗೆ ಅರ್ಪಿಸಿದ ವರ್ಮಾ 


ಸದಾ ಒಂದಿಲ್ಲೊಂದು ವಿವಾದಗಳನ್ನು ಮೈಮೇಲೆ ಎಳೆದುಕೊಂಡು ಸುದ್ಧಿಯಲ್ಲಿರುವ ರಾಮ್​ ಗೋಪಾಲ್​ ವರ್ಮಾ, ಸದ್ಯ ಚೀನಾದೊಂದಿಗೆ ಸೇರಿಕೊಂಡು ಸಿನಿಮಾವವನ್ನು ಮಾಡಿದ್ದಾರೆ. ಭಾರತದ ಮೊಟ್ಟ​ ಮೊದಲ ಮಾರ್ಷಲ್​ ಆರ್ಟ್ಸ್​ ಸಿನಿಮಾವನ್ನು ಮಾಡಿರುವ ವರ್ಮಾ ಆ ಸಿನಿಮಾಗೆ ‘ಲಡ್ಕಿ’ ಅಂತ ನಾಮಕರಣ ಮಾಡಿದ್ದಾರೆ.

ಈ ಸಿನಿಮಾವನ್ನು ವರ್ಮಾ ನಟ ‘ಬ್ರೂಸ್​ ಲೀ’ ಗೆ ಸಮರ್ಪಣೆ ಮಾಡಿದ್ದಾರೆ. ಅಂದ ಹಾಗೆ ಮೊಟ್ಟ ಮೊದಲ ಬಾರಿಗೆ ವರ್ಮಾ ಚೀನಾ ಸಿನಿ ಇಂಡಸ್ಟ್ರಿಯೊಂದಿಗೆ ಲಡ್ಕಿ ಸಿನಿಮಾವನ್ನ ನಿರ್ಮಾಣ ಮಾಡಿದ್ದಾರೆ. ಚೀನಾದಲ್ಲಿ ಮೊದಲು ಈ ಸಿನಿಮಾವನ್ನು ಬಿಡುಗಡೆ ಮಾಡಲು ನಿರ್ಧಾರ ಮಾಡಿದ್ದು, ‘ಡ್ರ್ಯಾಗನ್​ ಗರ್ಲ್’​ ಅಂತ ಟೈಟಲ್​ ಫಿಕ್ಸ್​ ಮಾಡಲಾಗಿದೆ.

ಇತ್ತೀಚೆಗೆ ಟ್ರೈಲರ್​ ಬಿಟ್ಟು ಸಖತ್​ ಸದ್ದು ಮಾಡಿರುವ ಲಡ್ಕಿ ಯೂಟ್ಯೂಬ್​ನಲ್ಲಿ ಸಖತ್​ ಟ್ರೆಂಡ್​ನಲ್ಲಿದೆ. ಈ ಸಿನಿಮಾದಲ್ಲಿ ಪೂಜಾ ಭಾಲೆಕಾರ್​ ಡ್ರ್ಯಾಗನ್​ ಗರ್ಲ್​ ಆಗಿ ಕಾಣಿಸಿಕೊಂಡಿದ್ದು, ಪೂಜಾ ಸ್ಟಂಟ್​ಗೆ ಮತ್ತು ಮೈ ಮಾಟಕ್ಕೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ . ಅಂದ ಹಾಗೆ ಚಿತ್ರದ ರಿಲೀಸ್ ಡೇಟ್​ ಇನ್ನು ಫಿಕ್ಸ್​ ಆಗಿಲ್ಲ, ಆದಷ್ಟು ಬೇಗ ಬಿಡುಗಡೆ ದಿನಾಂಕವನ್ನು ತಿಳಿಸುತ್ತೇವೆ ಎಂದು ರಾಮ್​ ಗೋಪಾಲ್​ ವರ್ಮ ತಿಳಿಸಿದ್ದಾರೆ.

 

News First Live Kannada


Leave a Reply

Your email address will not be published. Required fields are marked *