ಜಮ್ಮು ಕಾಶ್ಮೀರದ ASI ಹತ್ಯೆಯಲ್ಲಿ ಭಾಗಿಯಾಗಿದ್ದ ಉಗ್ರರನ್ನು ಹೊಡೆದುರುಳಿಸಿದ ಭಾರತೀಯ ಸೇನೆ


ಶ್ರೀನಗರ: ಜಮ್ಮು ಕಾಶ್ಮೀರದ ಅನಂತ್​ನಾಗ್ ಜಿಲ್ಲೆಯ ಶ್ರೀಗುಫ್ವಾರಾ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಹಾಗೂ ಭಯೋತ್ಪದಕರ ನಡುವೆ ನಡೆದ ಎನ್​ಕೌಂಟರ್​ನಲ್ಲಿ ಭಯೋತ್ಪದಕ ಸಂಘಟನೆಗೆ ಸೇರಿದ ಇಬ್ಬರನ್ನು ಉಗ್ರರನ್ನು ಭಾರತೀಯ ಸೇನೆ ಹೊಡೆದುರುಳಿಸಿದೆ.

ಸೇನೆಯ ಎನ್​ಕೌಂಟರ್​ನಲ್ಲಿ ಸಾವನ್ನಪ್ಪಿದ ಉಗ್ರನನ್ನು ಫಾಹೀಮ್ ಭಟ್ ಎಂದು ಗುರುತಿಸಲಾಗಿದೆ. ಅನಂತ್​ನಾಗ್ ಜಿಲ್ಲೆಯ ಕಡಿಪೋರಾದ ನಿವಾಸಿಯಾಗಿದ್ದ ಈತ ಇಸ್ಲಾಮಿಕ್ ಸ್ಟೇಟ್ ಆಫ್ ಜಮ್ಮು ಮತ್ತು ಕಾಶ್ಮೀರ (ಐಎಸ್​ಜೆಕೆ) ಉಗ್ರ ಸಂಘಟನೆಯೊಂದಿಗೆ ಸಂಬಂಧ ಹೊಂದಿದ್ದ ಎಂದು ಕಾಶ್ಮೀರದ ಪೋಲಿಸ್ ಇನ್ಸ್​ಪೆಕ್ಟ​ರ್ ಜನರಲ್ ತಿಳಿಸಿದ್ದಾರೆ.

ಫಾಹೀಮ್​ ಡಿಸೆಂಬರ್ 22 ರಂದು ನಡೆದಿದ್ದ ಬಜ್​ಬೆಹರಾ ಪೋಲಿಸ್ ಠಾಣೆಯ ಎಎಸ್ಐ ಮೊಹಮ್ಮದ್ ಅಶ್ರಫ್ ಹತ್ಯೆಯಲ್ಲಿ ಭಟ್ ಭಾಗಿಯಾಗಿದ್ದ. ಸೇನೆಗೆ ಲಭಿಸಿದ ಖಚಿತ ಮಾಹಿತಿಯ ಅನ್ವಯ ಜಮ್ಮು ಕಾಶ್ಮೀರ ಪೋಲಿಸರು ಹಾಗೂ ಭದ್ರತಾ ಪಡೆಗಳು ಜಂಟಿ ಕಾರ್ಯಾಚರಣೆ ನಡೆಸಿದ್ದವು. ಈ ವೇಳೆ ಉಗ್ರರು ಹಾಗೂ ಸೇನೆಯ ನಡುವೆ ಗುಂಡಿನ ಚಕಮಕಿ ನಡೆದಿತ್ತು. ಎಎಸ್​ಐರನ್ನು ಹತ್ಯೆ ಮಾಡಿದ ಸಂದರ್ಭದಲ್ಲೇ ಉಗ್ರರು ಶ್ರೀನಗರದ ನಿವಾಸಿ ರೂಫ್ ಅಹ್ಮದ್ ಎಂಬ ನಾಗರಿಕನನ್ನು ಹತ್ಯೆ ಮಾಡಿದ್ದರು.

News First Live Kannada


Leave a Reply

Your email address will not be published. Required fields are marked *