ಟಿ-20 ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ವೈಫಲ್ಯ ಅನುಭವಿಸಿದ್ದಾಗಿದೆ. ಈ ವೈಫಲ್ಯದ ಬಳಿಕ ಎಚ್ಚೆತ್ತಿರುವ ಬಿಗ್​ಬಾಸ್​ಗಳು, ಟೀಮ್ ಇಂಡಿಯಾದಲ್ಲಿ ಹೊಸ ನೀತಿಯೊಂದನ್ನ ಇಂಪ್ಲಿಮೆಂಟ್​​​​ ಮಾಡ್ತಿದೆ. ಈ ನೀತಿಯೊಂದಿಗೆ ಎರಡು ವಿಶ್ವಕಪ್​ಗಳನ್ನ ಟಾರ್ಗೆಟ್ ಮಾಡ್ತಿದೆ. ನೂತನ ಕೋಚ್, ನೂತನ ನಾಯಕ ಸೇರಿದಂತೆ ಕೆಲ ದೊಡ್ಡ ಮಟ್ಟದ ಬದಲಾವಣೆಗಳಿಗೆ ನಾಂದಿ ಹಾಡಿದೆ. ಆದ್ರೆ, ಈ ಬೆನ್ನಲ್ಲೇ ಈಗ ಮತ್ತೊಂದು ಬದಲಾವಣೆಗೆ ಬಿಗ್​ಬಾಸ್​ಗಳು ಕೈ ಹಾಕಿದ್ದಾರೆ.

ಟಿ20 ವಿಶ್ವಕಪ್​ನಲ್ಲಿ ವಿರಾಟ್​ ಪಡೆ ನೀಡಿದ್ದ ಪ್ರದರ್ಶನ, ಟೀಮ್ ಇಂಡಿಯಾದ ಸಾಮರ್ಥ್ಯವನ್ನೇ ಪ್ರಶ್ನಿಸುವಂತೆ ಮಾಡಿತ್ತು. ಇದೊಂದು ಟಿ20 ಫಾರ್ಮೆಟ್​ ತಂಡವೇನಾ ಎಂಬ ಅನುಮಾನವನ್ನ ಹುಟ್ಟಿಸಿತ್ತು. ಈ ವಿಚಾರವಾಗಿ ಕ್ರಿಕೆಟರ್ ಸಬಾ ಕರಿಂ, ಟಿ20 ಮಾದರಿಯಲ್ಲಿ ಟೀಮ್ ಇಂಡಿಯಾ ಹಿಂದುಳಿದಿದೆ ಅಂತಾನೇ ಜರಿದಿದ್ದರು.

ಇದನ್ನೂ ಓದಿ: INTERESTING ನಿರೀಕ್ಷೆ ಹುಸಿ ಮಾಡಿದ ದೈತ್ಯರು; ವಿಶ್ವಕಪ್​​ನಲ್ಲಿ ಇವರ ಸಾಧನೆ ಏನು ಗೊತ್ತಾ..?

ಇತ್ತೀಚಿನ ದಿನಗಳಲ್ಲಿ ಟಿ20 ಕ್ರಿಕೆಟ್ ಹೆಚ್ಚು ಬದಲಾಗುತ್ತಿದೆ. ಟೀಮ್ ಇಂಡಿಯಾವನ್ನ ಗಮನಿಸಿದರೆ ತುಂಬಾ ಹಿಂದುಳಿದಿದೆ. ನಾವು ಸಾಧ್ಯವಾದಷ್ಟು ಬೇಗ ಶಾರ್ಟ್​ ಫಾರ್ಮೆಟ್​ಗೆ ನಮ್ಮನ್ನ ಸಿದ್ಧಪಡಿಸಿಕೊಳ್ಳಬೇಕಿದೆ. ನಮ್ಮದೇ ಆದ ಯೋಜನೆಯನ್ನ ಹೊಂದಿರಬೇಕು. ಹೀಗಾಗಿ ವಿಭಿನ್ನ ಪಾತ್ರಗಳಿಗೆ ತಕ್ಕಂತ ಆಟಗಾರರನ್ನ ಆಯ್ಕೆ ಮಾಡಬೇಕಾಗಿದೆ. ಮುಂಬರುವ ವಿಶ್ವಕಪ್ ದೃಷ್ಟಿಯಿಂದ ಈ ಪ್ರಕ್ರಿಯೆ ಥಿಂಕ್-ಟ್ಯಾಂಕ್​​ಗಳಿಗೆ ದೊಡ್ಡ ಕಲಿಕೆಯಾಗಲಿದೆ.
ಸಬಾ ಕರಿಂ, ಭಾರತ ಮಾಜಿ ಆಟಗಾರ

ಮಾಜಿ ವಿಕೆಟ್ ಕೀಪರ್ ಸಬಾ ಕರಿಂ ಹೇಳಿದಂತೆ, ಮುಂದಿನ ವಿಶ್ವಕಪ್​​ ಗೆಲ್ಲಲು ಟೀಮ್ ಇಂಡಿಯಾದಲ್ಲಿ ಕೆಲ ಅಂಶಗಳತ್ತ ಹೆಚ್ಚು ಫೋಕಸ್ ನೀಡಬೇಕಿದೆ. ಈಗಿನಿಂದಲೇ ಸಿದ್ಧತೆಯೂ ಆರಂಭಿಸಬೇಕಿದೆ. ಈ ನಿಟ್ಟಿನಲ್ಲಿ ಬಿಗ್​ಬಾಸ್​ಗಳು ಕೂಡ ಮಹತ್ವದ ಹೆಜ್ಜೆಯನ್ನಿಟ್ಟಿದ್ದಾರೆ. ಟೀಮ್ ಇಂಡಿಯಾದಲ್ಲಿ ಹೊಸ ನೀತಿಯೊಂದನ್ನ implement ಮಾಡೋಕೆ ಸಜ್ಜಾಗಿದ್ದಾರೆ.

ಇಂಗ್ಲೆಂಡ್ ಮಾದರಿ ಟೀಮ್ ಇಂಡಿಯಾದಲ್ಲಿ ರೋಟೇಷನ್..!
ಈಗಾಗಲೇ ರೋಟೇಷನ್ ನೀತಿಯಿಂದಾಗಿ ಸಕ್ಸಸ್​ ಕಂಡಿರುವ ಇಂಗ್ಲೆಂಡ್, ಏಕದಿನ, ಟಿ20, ಟೆಸ್ಟ್​ ಹೀಗೆ ಪ್ರತ್ಯೇಕ ತಂಡವನ್ನೇ ರಚಿಸಿದೆ. ಅಷ್ಟೇ ಅಲ್ಲ, ಈ ರೋಟೇಷನ್ ಪಾಲಿಸಿಯಿಂದ ಸಕ್ಸಸ್​ ಕೂಡ ಕಾಣ್ತಿದೆ. ಈ ನೀತಿಯನ್ನೇ ಈಗ ಟೀಮ್ ಇಂಡಿಯಾದಲ್ಲೂ ಇಂಪ್ಲಿಮೆಂಟ್ ಮಾಡೋಕೆ ಬಿಸಿಸಿಐ ಮುಂದಾಗಿದೆ. ಈ ರೋಟೇಷನ್​ ಪಾಲಿಸಿಯಿಂದ ಆಟಗಾರರಿಗೆ ವಿಶ್ರಾಂತಿ ಸಿಗೋ ಜೊತೆಗೆ ಕೆಲ ಯಂಗ್​ ಆಟಗಾರರಿಗೆ ಚಾನ್ಸ್​ ಸಿಗುತ್ತೆ.

ರೋಟೆಷನ್ ನೀತಿ ಜಾರಿ
‘ಆಟಗಾರರು ದಣಿದಿರುವುದನ್ನ ನಾವು ಪರಿಗಣನೆಗೆ ತೆಗೆದುಕೊಂಡಿದ್ದೇವೆ. ಸತತ ಬಯೋ ಬಬಲ್​ನಲ್ಲಿ ಉಳಿಯುವುದು ಸುಲಭವಲ್ಲ. ಹೀಗಾಗಿ ಸ್ಕ್ವಾಡ್ ರೋಟೇಷನ್ ಅವಶ್ಯಕತೆಯಿದೆ. ಇದು ನ್ಯೂಜಿಲೆಂಡ್ ಸರಣಿಯಿಂದಲೇ ಪ್ರಾರಂಭವಾಗಲಿದೆ. ದೇಶಿ ಕ್ರಿಕೆಟ್​ನಲ್ಲಿ ಸಾಕಷ್ಟು ಪ್ರತಿಭೆಗಳಿದ್ದಾರೆ. ಹೀಗಾಗಿ ಟಿ20 ಫಾರ್ಮೆಟ್​ನಲ್ಲಿ ಹೆಚ್ಚಿನ ಆಟಗಾರರಿಗೆ ಅವಕಾಶ ಸಿಗುತ್ತದೆ’
ಬಿಸಿಸಿಐ ಅಧಿಕಾರಿ

ಇದನ್ನೂ ಓದಿ: ದಿಗ್ಗಜರ ಸಮಾಗಮಕ್ಕೆ ನಡುಗಿದ ಕ್ರಿಕೆಟ್​ ಲೋಕ.. ದಾದಾ, ವಾಲ್, ಲಕ್ಷ್ಮಣ್ ಅಂದ್ರೆ ಯಾಕೆ ಭಯ..?

ರೋಟೇಷನ್ ಪಾಲಿಸಿ ಹಿಂದೆ ಬಿಸಿಸಿಐನ ಮಾಸ್ಟರ್​ ಪ್ಲಾನ್ ಅಡಗಿದೆ. ಅದೇನೆಂದರೆ 2022ರ ಟಿ20 ವಿಶ್ವಕಪ್, 2023ರ ಏಕದಿನ ವಿಶ್ವಕಪ್ ಆಗಿದೆ. ಈ ಪ್ರತಿಷ್ಠಿತ ಟೂರ್ನಿಗಳನ್ನ ಗೆಲ್ಲೋದೆ ಧ್ಯೇಯವನ್ನಾಗಿಸಿಕೊಂಡಿರುವ ಬಿಸಿಸಿಐ, ಈಗಿನಿಂದಲೇ ರೋಟೆಷನ್ ಪಾಲಿಸಿ ಇಂಪ್ಲಿಮೆಂಟ್ ಮಾಡ್ತಿದೆ.

ಇದನ್ನೂ ಓದಿ: 2024ರ ಐಸಿಸಿ ‘ಟಿ20 ವಿಶ್ವಕಪ್’​ ಟೂರ್ನಿ ಆತಿಥ್ಯ ವಹಿಸುವ ದೇಶ ಯಾವುದು ಗೊತ್ತಾ..?

ಇದನ್ನೂ ಓದಿ: ಹಂಸಲೇಖ ಟೀಕೆ; ಹೊಗಳಿಕೆಗಾಗಿ ಮಾಡ್ತಿಲ್ಲ..ತೆಗಳಿದ್ರೂ ಕಾರ್ಯ ನಿಲ್ಲಲ್ಲ-ಪೇಜಾವರ ಶ್ರೀ

ಇದನ್ನೂ ಓದಿ: ಪೇಜಾವರ ಶ್ರೀಗಳು ದಲಿತರ ಮನೆಯಲ್ಲಿ ಕೋಳಿ ತಿಂತಾರಾ? ಕುರಿ ರಕ್ತ ಕುಡಿತಾರಾ? ಹಂಸಲೇಖ ಪ್ರಶ್ನೆ

ಇದನ್ನೂ ಓದಿ: ದಲಿತರ ಮನೆಯಲ್ಲಿ ಪೇಜಾವರ ಶ್ರೀ ಕೋಳಿ ತಿಂತಾರಾ ಹೇಳಿಕೆ; ಕ್ಷಮೆ ಕೇಳಿದ ‘ಮಹಾಗುರು’ 

ಇದನ್ನೂ ಓದಿ: ನ್ಯೂಜಿಲೆಂಡ್​​ ವಿರುದ್ಧ 8 ವಿಕೆಟ್ ಭರ್ಜರಿ​​ ಜಯ; ಆಸ್ಟ್ರೇಲಿಯಾ ಮಡಿಲಿಗೆ ಚೊಚ್ಚಲ ಟಿ20 ವಿಶ್ವಕಪ್​​​ ಟ್ರೋಫಿ