ಟೆಕ್ನಾಲಜಿ, ಸೈನ್ಸ್​, ಹಿಸ್ಟರಿ ಎಲ್ಲವೂ ಇರೋ ‘ಭಾವಚಿತ್ರ’ದ ಬಗ್ಗೆ ಆಡಿಯನ್ಸ್​ ಹೇಳಿದ್ದೇನು..?


ಇವತ್ತು ಆರು ಕನ್ನಡ ಸಿನಿಮಾಗಳು ರಿಲೀಸ್​​ಆಗಿವೆ.. ಆ ಆರು ಸಿನಿಮಾಗಳಗಲ್ಲಿ ವಿಶೇಷವಾಗಿ ಕಾಣಸಿಗೋದು ಭಾವಚಿತ್ರ.. ಈ ಭಾವಚಿತ್ರ ಸಿನಿಮಾದಲ್ಲಿ ಕ್ಯಾಮೆರಾವೇ ಮುಖ್ಯ ಪಾತ್ರದಾರಿ ಅಂತ ಚಿತ್ರತಂಡ ಹೇಳಿಕೊಂಡಿತ್ತು.. ನಮ್ಮ ಸಿನಿಮಾ ಡಿಫರೆಂಟ್ ಆದ ಸಿನಿಮಾ.. ಟೆಕ್ನೋ ಥ್ರಿಲ್ಲರ್ ಸಿನಿಮಾ ಅಂತೆಲ್ಲ ಹೇಳಿಕೊಂಡಿತ್ತು.. ಸಿನಿಮಾ ತಂಡ ಹೇಳಿಕೊಂಡಂತೆ ಇದಿಯಾ? ಹೇಗಿದೆ ಭಾವಚಿತ್ರ ಅನ್ನೋದನ್ನ ಈ ಸುದ್ದಿಯಲ್ಲಿ ತಿಳಿಸ್ತಿವಿ ಬನ್ನಿ..

ಭಾವಚಿತ್ರ.. ಮಗಳು ಜಾನಕಿ ಖ್ಯಾತಿಯ ಗಾನವಿ ಲಕ್ಷ್ಮಣ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಸಿನಿಮಾ ಇದು.. ಇವತ್ತು ಪ್ರೇಕ್ಷಕರ ಮುಂದೆ ಬಂದಿರುವ ಭಾವಚಿತ್ರವನ್ನ ಪ್ರೇಕ್ಷಕರು ತಮ್ಮ ದೃಷ್ಟಿಕೋನದಿಂದ ಅಳೆದು ತೂಗಿ ಮಾರ್ಕ್ಸ್ ಕೊಟ್ಟಿದ್ದಾರೆ. ಗಿರೀಶ್ ಕುಮಾರ್.ಬಿ ನಿರ್ದೇಶನದ ಈ ಚಿತ್ರ ಗೌತಮ್ ಶ್ರೀವತ್ಸ ಮ್ಯೂಸಿಕ್ ಒಳಗೊಂಡಿದೆ. ಗಾನವಿ ಆರ್ಕಿಯಾಲಾಜಿಸ್ಟ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ನಾಯಕನಾಗಿ ಚಕ್ರವರ್ತಿ ನಟಿಸಿದ್ದಾರೆ..

ಟೆಕ್ನೋ ಥ್ರಿಲ್ಲರ್ ಕಥೆ ಹೊಂದಿರುವ ‘ಭಾವಚಿತ್ರ’

ಸ್ಯಾಂಡಲ್​​ವುಡ್​​ನಲ್ಲಿ ಥ್ರಿಲ್ಲರ್ ಕಥೆಗಳನ್ನು ಹೊಂದಿರುವ ಹಲವು ಸಿನಿಮಾಗಳು ಬಂದಿವೆ. ಆದರೆ, ಭಾವಚಿತ್ರದ ಕಾನ್ಸೆಪ್ಟ್​ ಸ್ವಲ್ಪ ವಿಭಿನ್ನ ಮತ್ತು ವಿಶೇಷ. ಇಲ್ಲಿ ಟೆಕ್ನಲಾಜಿ ಇದೆ, ಸೈನ್ಸ್​ ಇದೆ, ಹಾಗೆ ಇತಿಹಾಸನೂ ಇದೆ. ಇದೆಲ್ಲವನ್ನು ಸೇರಿಸಿ ಅದಕ್ಕೆ ಭಾವನೆಗಳನ್ನು ಮಿಕ್ಸ್ ಮಾಡಿ ರೋಚಕವಾಗಿ ತೆರೆಮೇಲೆ ತಂದಿದ್ದಾರೆ.

ಇನ್ನು ಭಾವಚಿತ್ರವನ್ನ ಮೊದಲ ದಿನ ನೋಡಿದ ಪ್ರೇಕ್ಷಕ ಮಹಾಶಯರ ರೆಸ್ಪಾನ್ಸ್ ಹೀಗಿತ್ತು..

ಭಾವಚಿತ್ರ ಕಾನ್ಸೆಪ್ಟ್ ಚೆನ್ನಾಗಿದೆ, ಇನ್ನು ಉತ್ತಮವಾಗಿ ಪ್ರೆಸೆಂಟ್​ ಮಾಡಬಹುದಿತ್ತು ಎನಿಸುತ್ತದೆ. ತಾಂತ್ರಿಕವಾಗಿ ಚಿತ್ರತಂಡಕ್ಕೆ ಅನುಭವದ ಕೊರತೆ ಫ್ರೆಮ್​ಗಳಲ್ಲಿ ಕಾಣುತ್ತದೆ. ಇನ್ನುಳಿದಂತೆ ಗಾನವಿ ಲಕ್ಷ್ಮಣ್, ಚಕ್ರವರ್ತಿ, ಗಿರೀಶ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಚ್ಚುಕಟ್ಟಾಗಿ ನಟಿಸಿದ್ದಾರೆ.. ಒಟ್ಟಿನಲ್ಲಿ ಭಾವಚಿತ್ರ ಸಿನಿಮಾ ಬೇರೆ ಎಲ್ಲಾ ಸಿನಿಮಾಗಳಿಗಿಂತ ವಿಭಿನ್ನವಾಗಿ ಕಾಣಿಸುತ್ತದೆ.

The post ಟೆಕ್ನಾಲಜಿ, ಸೈನ್ಸ್​, ಹಿಸ್ಟರಿ ಎಲ್ಲವೂ ಇರೋ ‘ಭಾವಚಿತ್ರ’ದ ಬಗ್ಗೆ ಆಡಿಯನ್ಸ್​ ಹೇಳಿದ್ದೇನು..? appeared first on News First Kannada.

News First Live Kannada


Leave a Reply

Your email address will not be published. Required fields are marked *