ಟೀಮ್ ಇಂಡಿಯಾದ ಸ್ಫೋಟಕ ಬ್ಯಾಟ್ಸಮನ್ ಶ್ರೇಯಸ್ ಅಯ್ಯರ್ ಇಂದು ಟೆಸ್ಟ್ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದ್ದಾರೆ. ಇಂದು ಮೊದಲ ಪಂದ್ಯ ಪಾದಾರ್ಪಣೆ ವೇಳೆ ಭಾರತೀಯ ಕ್ರಿಕೆಟ್​ನ ದಂತಕತೆ ಸುನಿಲ್​ ಗವಾಸ್ಕರ್​ ಶ್ರೇಯಸ್​ಗೆ ಟೆಸ್ಟ್​ ಕ್ಯಾಪ್​ ನೀಡಿ ಶುಭ ಕೋರಿದರು. ಹಾಗೆಯೇ ಟೀಂ ಇಂಡಿಯಾ ಇತರ ಆಟಗಾರರು ಅಯ್ಯರ್​ಗೆ ಅಭಿನಂದಿಸಿದರು.

ಮುಂಬೈ ಬ್ಯಾಟರ್​ ಶ್ರೇಯಸ್ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ​ 81.54ರ ಸ್ಟ್ರೈಕ್ ರೇಟ್​​ನಲ್ಲಿ 52.18ರ ಸರಾಸರಿಯೊಂದಿಗೆ 4,592 ರನ್ ಗಳಿಸಿದ್ದಾರೆ. 2017ರ ಡಿ. 10ರಂದು ಶ್ರೀಲಂಕಾ ವಿರುದ್ಧ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​​ಗೆ ಅಯ್ಯರ್​ ಪಾದಾರ್ಪಣೆ ಮಾಡಿದ್ದರು. ಇದಾದ ನಾಲ್ಕು ವರ್ಷಗಳ ಬಳಿಕ ಅವರು ದೀರ್ಘ ಮಾದರಿಯ ಕ್ರಿಕೆಟ್​ ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ.