ಟೆಸ್ಟ್ ತಂಡಕ್ಕೆ ಕೊಹ್ಲಿ ಉತ್ತರಾಧಿಕಾರಿ ಯಾರು..? ಯಾರೆಲ್ಲಾ ಹೆಸರು ಕೇಳಿ ಬರ್ತಿದೆ..?


ವಿರಾಟ್​ ಕೊಹ್ಲಿ ಬಳಿಯಿದ್ದ ಟೆಸ್ಟ್​ ನಾಯಕತ್ವವನ್ನೂ ತ್ಯಜಿಸಿದ್ದಾಯ್ತು. ಈ ಪಟ್ಟಕ್ಕೆ ಹಲವರ ಹೆಸರು ತಳುಕು ಹಾಕಿಕೊಳ್ತಿದ್ರೂ, ಯಾರಿಗೆ ದೊರೆಯುತ್ತದೆ ಅನ್ನೋ ಪ್ರಶ್ನೆ ಉದಯವಾಗಿದೆ. ಭಾರತೀಯ ಕ್ರಿಕೆಟ್​ನ ಕಿಂಗ್​ ಆಗಿದ್ದ ಕೊಹ್ಲಿ, ಬಳಿಕ ಭಾರತೀಯ ಕ್ರಿಕೆಟ್​ಗೆ ನೂತನ ಕಿಂಗ್​ ಯಾರಾಗಲಿದ್ದಾರೆ ಅನ್ನೋದು ತೀವ್ರ ಕುತೂಹಲ ಕೆರಳಿಸಿದೆ.

ವಿರಾಟ್​ ಕೊಹ್ಲಿ ಟೀಮ್​ ಇಂಡಿಯಾದ ಪವರ್​ ಹೌಸ್​. ಹಾಗೆಯೇ ಬ್ರಾಂಡ್​​ ಕೂಡ ಹೌದು. ಬ್ಯಾಟ್ಸ್​​​​ಮನ್​​ ಆಗಿ ಮಾತ್ರವಲ್ಲ, ನಾಯಕರಾಗಿಯೂ ಅದೆಷ್ಟೋ ದಾಖಲೆಗಳು ಕೊಹ್ಲಿ ಹೆಸರಲ್ಲಿದೆ. ಅಗ್ರೆಸ್ಸೀವ್​​​​​ಗೆ ಅಂಬಾಸಿಡರ್​ ಆಗಿರುವ ಕೊಹ್ಲಿ, ದಿಗ್ಗಜರ ದಾಖಲೆಗಳನ್ನೇ ಹಿಂದಿಕ್ಕಿ ಮುಂದೆ ಸಾಗಿದ್ದಾರೆ. ಇದೇ ಕಾರಣಕ್ಕಾಗಿ ಕೊಹ್ಲಿಯನ್ನ MODERN DAY ಕ್ರಿಕೆಟ್​ನ ಕಿಂಗ್​​ ಎಂದು ಕರೆಯಲಾಗ್ತಿತ್ತು. ಇದನ್ನು ಭಾರತವಲ್ಲ, ಇಡೀ ಕ್ರಿಕೆಟ್​​​ ಜಗತ್ತೇ ಒಪ್ಪಿದೆ.


ಸೀಮಿತ ಓವರ್​​​​ಗಳ ಬಳಿಕ ಟೆಸ್ಟ್​​​ ನಾಯಕತ್ವವನ್ನೂ ಕೊಹ್ಲಿ ತ್ಯಜಿಸಿದ್ದಾರೆ. ಆದರೆ ನಾಯಕನಾಗಿ ರಾಜನಂತೆ ಮೆರೆದಾಡಿದ​ ಕೊಹ್ಲಿಗೆ ಉತ್ತರಾಧಿಕಾರಿ ಯಾರು ಅನ್ನೋ ದೊಡ್ಡ ಪ್ರಶ್ನೆ ಉದ್ಭವವಾಗಿದೆ. ಆದರೆ ಕೋಟ್ಯಂತರ ಕ್ರಿಕೆಟ್​ ಅಭಿಮಾನಿಗಳಿಗೆ ಈ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಮುಂಬೈನ ಬಾಂದ್ರಾಗೆ ಸಮೀಪದ ಮನೆಯಲ್ಲಿ ನೂತನ ಕಿಂಗ್​​​​​ನ ಉದಯವಾಗಿದೆ ಎನ್ನಲಾಗ್ತಿದೆ. ಆ ಕಿಂಗ್​​ ಬೇರೆ ಯಾರೂ ಅಲ್ಲ, ಸೀಮಿತ ಓವರ್​​​​ಗಳ ನಾಯಕ ರೋಹಿತ್​ ಶರ್ಮಾ.

ರೋಹಿತ್​ ಶರ್ಮಾನೇ ಭಾರತೀಯ ಕ್ರಿಕೆಟ್​​ನ ಮುಂದಿನ ಕಿಂಗ್​​..?
ರೋಹಿತ್​ ಶರ್ಮಾನೇ ಮುಂದಿನ ಕಿಂಗ್​​.. ಅದರಲ್ಲಿ ಎರಡು ಮಾತಿಲ್ಲ. ಕೊಹ್ಲಿ ಯುಗ ಅಂತ್ಯಗೊಂಡಿದ್ದು, ಮೈದಾನದಲ್ಲಿ ಆಟಗಾರನಾಗಿ ಮಾತ್ರ ಕಾಣಿಸಿಕೊಳ್ಳಲಿದ್ದಾರೆ. ಟಿ20 ಮತ್ತು ಏಕದಿನ ಕ್ರಿಕೆಟ್​ನ ನಾಯಕನಾಗಿರುವ ರೋಹಿತ್​​ಗೆ ಟೆಸ್ಟ್ ​​ಪಟ್ಟವನ್ನೂ ಕಟ್ಟಲಾಗುತ್ತೆ ಎನ್ನಲಾಗ್ತಿದೆ. ಆ ಮೂಲಕ 3 ಮಾದರಿ ಕ್ರಿಕೆಟ್​ಗೆ ನೂತನ ಕಿಂಗ್​​​​​ನ ಆಗಮನ ಆಗಲಿದೆ ಎಂದೇ ಹೇಳಲಾಗ್ತಿದೆ. ಇದು ಬಿಸಿಸಿಐ ಮಾಸ್ಟರ್​​​ ಪ್ಲಾನ್​ ಕೂಡ ಆಗಿದೆ.


ರೋಹಿತ್​​ಗೆ​ ಟೀಮ್​ ಇಂಡಿಯಾವನ್ನ ಯಶಸ್ವಿಯಾಗಿ ಮುನ್ನೆಡೆಸಿದ ಅನುಭವ ಇದೆ. ಅಲ್ಲದೇ 2013ರಿಂದ IPL ನಾಯಕತ್ವ ವಹಿಸಿಕೊಂಡ ರೋಹಿತ್​​​, MS ಧೋನಿಯನ್ನೇ ಮೀರಿಸಿ 5 IPL ಪ್ರಶಸ್ತಿಗಳನ್ನ ಗೆದ್ದಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಧೋನಿ ODI-T20 ನಾಯಕತ್ವದಿಂದ ಕೆಳಗಿಳಿದು ಕೊಹ್ಲಿ ಪಟ್ಟಕೇರಿದಾಗ ರೋಹಿತ್​​​​ ಉಪನಾಯಕನಾಗಿ ಬಡ್ತಿ ಪಡೆದ್ರು. ಈಗ ಟೆಸ್ಟ್ ಉಪನಾಯಕರಾಗಿದ್ದಾರೆ. ಹಾಗಾಗಿ ಖಾಲಿ ಇರುವ ಟೆಸ್ಟ್​​​​​​​​​ ನಾಯಕನ ಸ್ಥಾನಕ್ಕೆ ರೋಹಿತ್​ ಶರ್ಮಾರೇ ಸೂಕ್ತ ಅಂತಿವೆ ಬಿಸಿಸಿಐ ಮೂಲಗಳು.


ಕೆಲ ಮಾಜಿ ಕ್ರಿಕೆಟಿಗರು ಒಬ್ಬೊಬರ ಪರ, ನಾಯಕನ ಸ್ಥಾನಕ್ಕೆ ಧ್ವನಿ ಎತ್ತುತ್ತಿದ್ದಾರೆ. ರಿಷಭ್​​ ಪಂತ್ ಪರ ಸುನಿಲ್ ಗವಾಸ್ಕರ್ ಬ್ಯಾಟ್​​​​​​​​​​​​​​​​​​ ಬೀಸಿದ್ರೆ, ಯುವರಾಜ್​​ ಸಿಂಗ್​ ಗವಾಸ್ಕರ್​​ಗೆ ಬೆಂಬಲ ನೀಡಿದ್ದಾರೆ. ಆದ್ರೆ ತವರಿನಲ್ಲಿ ನಡೆಯಲಿರುವ ಶ್ರೀಲಂಕಾ ಟೆಸ್ಟ್​​​ ಸರಣಿಯಲ್ಲಿ ರೋಹಿತ್ ಗದ್ದುಗೆ ಏರಲಿದ್ದಾರೆ ಕನ್ಫರ್ಮ್​ ಎನ್ನಲಾಗ್ತಿದೆ. ವಿಪರ್ಯಾಸ ಅಂದರೆ ಕೊಹ್ಲಿಗೆ ಇದು 100ನೇ ಟೆಸ್ಟ್ ಪಂದ್ಯ. ಅದೇನೆ ಇರಲಿ ಭಾರತೀಯ ಕ್ರಿಕೆಟ್​​​​​​​​​​​​​​ಗೆ ರೋಹಿತ್​​​​​ ನೂತನ ಕಿಂಗ್​ ಆಗ್ತಾರಾ ಅನ್ನೋದನ್ನ ಕಾದು ನೋಡಬೇಕು.

News First Live Kannada


Leave a Reply

Your email address will not be published. Required fields are marked *