ತೀವ್ರ ವಿರೋಧದ ನಡುವೆಯೂ ಪ್ರೀತಿಸಿ ಮದುವೆ.. ಪೊಲೀಸ್​​ ಮಗನ ಬರ್ಬರ ಕೊಲೆ


ವಿಜಯನಗರ: ಪೊಲೀಸ್​ ಅಧಿಕಾರಿಯ ಮಗನನ್ನ ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.

ಮುಸ್ತಕಿನ್ ಕೂಡಗಿ(28) ಹತ್ಯೆಯಾದ ದುರ್ದೈವಿ. ಜಿಲ್ಲೆಯ ಗಾಂಧಿ ಚೌಕ್ ಪೊಲೀಸ್ ಠಾಣೆಯ ಕ್ರೈಂ ಪಿಎಸ್ಐ ಆರ್.ಬಿ. ಕೂಡಗಿ ಪುತ್ರ ಹತ್ಯೆಗೊಳಗಾದ ವ್ಯಕ್ತಿ ಎಂಬ ಮಾಹಿತಿ ಲಭ್ಯವಾಗಿದೆ.

ಹತ್ಯೆ ಮಾಡಿ ಆಕ್ಸಿಡೆಂಟ್​ ಎಂಬಂತೆ ಬಿಂಬಿಸುವ ಪ್ರಯತ್ನ ನಡೆದಿದೆಯಾ..!

ಮುಸ್ತಕಿನ್ ದ್ವಿಚಕ್ರ ವಾಹನದಲ್ಲಿ ನಿರ್ಮಾಣ ಹಂತದಲ್ಲಿರುವ ಮನೆಗೆ ತೆರಳುತ್ತಿದ್ದ ಸಂದರ್ಭದಲ್ಲಿ ಮೊದಲಿಗೆ ಬುಲೆರೋ ವಾಹನದಿಂದ ಡಿಕ್ಕಿ ಹೊಡೆಸಿ, ನಂತರ ಮಾರಕಾಸ್ತ್ರಗಳನ್ನು ಬಳಸಿ ಹತ್ಯೆ ಮಾಡಿರುವುದಾಗಿ ಶಂಕೆ ವ್ಯಕ್ತವಾಗಿದೆ. ಮಹಾನಗರ ಪಾಲಿಕೆ ಮಾಜಿ ಸದಸ್ಯ ರೌಫ್​ ಶೇಖ್​ ಹಾಗೂ ಕುಟುಂಬಸ್ಥರು ಸೇರಿ ಹತ್ಯೆ ಮಾಡಿರುವುದಾಗಿ ಮೃತನ ಪತ್ನಿ ಅತೀಕ ಮತ್ತು ತಂದೆ ಕ್ರೈಂ ಪಿಎಸ್​ಐ ಆರ್ ಬಿ ಕೂಡಗಿ ರೌಫ್​ ಶೇಖ್​ರ ಮೇಲೆ ಆರೋಪ ಮಾಡಿದ್ದಾರೆ.

ಕೊಲೆಯಾದ ವ್ಯಕ್ತಿ ಮುಸ್ತಕಿನ್​ ಕೂಡಗಿ(28)

ರೌಫ್​ ಶೇಖ್ ತೀವ್ರ ವಿರೋಧದ ನಡುವೆಯೂ ತನ್ನ​ ಪುತ್ರಿ ಅತೀಕಾಳನ್ನು ಪ್ರೀತಿಸಿ ವಿವಾಹವಾಗಿದ್ದ ಕಾರಣದಿಂದಲೇ ಮುಸ್ತಕಿನ್​ ಕೊಲೆ ಮಾಡಿರುವುದು ಎಂಬ ಶಂಕೆ ವ್ಯಕ್ತವಾಗುತ್ತಿದೆ. ಮಗಳ ಮದುವೆಯಿಂದ ಅಸಮಾಧಾನಗೊಂಡಿದ್ದ ಯುವತಿಯ ತಂದೆ ರೌಫ್​ ಶೇಖ್​, ಹಲವು ಬಾರಿ ಅಳಿಯನ ಕೊಲೆಗೆ ಯತ್ನಿಸಿದ್ದರು. ಮೃತನ ಪತ್ನಿ ಅತೀಕಾ ಐದು ತಿಂಗಳ ಗರ್ಭಿಣಿಯಾಗಿದ್ದರೂ, ಅಳಿಯನ ಕೊಲೆಗೆ ಖುದ್ದು ಮಾವನೆ ಸ್ಕೆಚ್​ ಹಾಕಿದ್ರಾ ಎಂಬುದು ಸದ್ಯ ಎಲ್ಲರ ಮನದಲ್ಲಿಯೂ ಮೂಡಿರುವ ಬಹುದೊಡ್ಡ ಪ್ರಶ್ನೆ.

ಪ್ರಕರಣದ ಕುರಿತು ಹಿರಿಯ ಪೊಲೀಸ್​ ಅಧಿಕಾರಿಗಳು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಕೊಲೆ ಕೇಸ್​ ಹಾಗೂ ಆರೋಪಿಗಳ ಬಂಧನಕ್ಕೆಂದು ಮೂರು ತನಿಖಾ ತಂಡಗಳನ್ನು ರಚಿಸಿರುವುದಾಗಿ ವಿಜಯನಗರ ಎಸ್​ಪಿ ಆನಂದ್​ಕುಮಾರ್​ ಮಾಹಿತಿ ನೀಡಿದ್ದಾರೆ.

News First Live Kannada


Leave a Reply

Your email address will not be published. Required fields are marked *