ದ.ಆಫ್ರಿಕಾ ವಿರುದ್ಧದ ಟೆಸ್ಟ್​ ಸರಣಿ ಸೋಲಿಗೆ ಕಾರಣ ಬಹಿರಂಗ


ಸೌತ್​​ ಆಫ್ರಿಕಾದಲ್ಲಿ ಟೀಮ್​ ಇಂಡಿಯಾದ ಹಿನ್ನಡೆಗೆ ಕಾರಣವಾಗಿದ್ದೇನು? ಈ ಪ್ರಶ್ನೆ ತೀವ್ರ ಚರ್ಚೆಯಲ್ಲಿದೆ. ಅದಕ್ಕೆ ಈ ಇಬ್ಬರ ಅಲಭ್ಯತೆ ತಂಡಕ್ಕೆ ಹಿನ್ನಡೆಯಾಯ್ತು ಎಂಬ ಉತ್ತರ ಕೇಳಿ ಬರ್ತಿದೆ. ಹಾಗಾದ್ರೆ, ಆ ಇಬ್ಬರು ಆಟಗಾರರು ಯಾರು? ಅವರಿಬ್ಬರಿದ್ದಿದ್ರೆ ತಂಡಕ್ಕೆ ಲಾಭವಾಗ್ತಿತ್ತಾ?

ಇಂಡೋ-ಸೌತ್​ ಆಫ್ರಿಕಾ ನಡುವಿನ ಟೆಸ್ಟ್​ ಸರಣಿ ಅಂತ್ಯ ಕಂಡಿದೆ. ಫಲಿತಾಂಶದ ಹೊರತಾಗಿ ಟೀಮ್​ ಇಂಡಿಯಾ ಯಾವೆಲ್ಲ ವಿಭಾಗಗಳಲ್ಲಿ ಹಿನ್ನಡೆ ಅನುಭವಿಸಿತು ಎಂಬ ವಿಚಾರ ಚರ್ಚೆಯಲ್ಲಿದೆ. ಅದರಲ್ಲೂ ಆರಂಭಿಕ ಆಟಗಾರ ರೋಹಿತ್​ ಶರ್ಮಾ ಹಾಗೂ ಸ್ಪಿನ್​ ಆಲ್​ರೌಂಡರ್​ ರವೀಂದ್ರ ಜಡೇಜಾ ಅಲಭ್ಯತೆ ತಂಡವನ್ನ ಕಾಡಿತು ಅನ್ನೋದು ಕ್ರಿಕೆಟ್​ ವಿಶ್ಲೇಷಕರ ಅಭಿಪ್ರಾಯವಾಗಿದೆ.

ಟೀಮ್​ ಇಂಡಿಯಾಗೆ ಸಿಗಲೇ ಇಲ್ಲ ಕನ್ಸಿಸ್ಟೆಂಟ್​ ಓಪನಿಂಗ್
ಸೌತ್​ ಆಫ್ರಿಕಾಗೆ ತೆರಳೋಕೆ ಒಂದು ದಿನ ಮುಂಚೆ ಒಪನರ್​ ರೋಹಿತ್​ ಶರ್ಮಾ ಇಂಜುರಿಗೆ ತುತ್ತಾದ್ರು. ಪರಿಣಾಮ ಆಫ್ರಿಕನ್ ನಾಡಲ್ಲಿ ರಾಹುಲ್​ ಜೊತೆಗೆ ಮಯಾಂಕ್​ ಅಗರ್​ವಾಲ್​ ಇನ್ನಿಂಗ್ಸ್​ ಆರಂಭಿಸಬೇಕಾದ ಅನಿವಾರ್ಯತೆ ಎದುರಾಯ್ತು. ಮೊದಲ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ ಈ ಜೋಡಿ ಭರವಸೆಯ ಆಟವನ್ನೇ ಆಡಿತ್ತು. ಆದರೆ ನಂತರದ ಪಂದ್ಯಗಳಲ್ಲಿ ಕನ್ಸಿಸ್ಟೆಂಟ್​ ಓಪನಿಂಗ್​ ಸಿಗಲೇ ಇಲ್ಲ. ಉತ್ತಮ ಆರಂಭವೇ ಸಿಗದೇ ಇದ್ದದ್ದು, ತಂಡಕ್ಕೆ ಹಿನ್ನಡೆಯಾಯ್ತು.

ಸ್ಪಿನ್​ ಆಲ್​ರೌಂಡರ್​ ಆಗಿ ಬೇಕಿತ್ತು ರವೀಂದ್ರ ಜಡೇಜಾ
ಸ್ಪಿನ್​ ಆಲ್​ರೌಂಡರ್​ ಕೋಟಾದಲ್ಲಿ ಕಣಕ್ಕಿಳಿದ ರವಿಚಂದ್ರನ್​ ಅಶ್ವಿನ್​, ಇಂಪ್ಯಾಕ್ಟ್​ಫುಲ್​ ಪ್ರದರ್ಶನ ನೀಡಲೇ ಇಲ್ಲ. ಬ್ಯಾಟಿಂಗ್​-ಬೌಲಿಂಗ್​ ಎರಡರಲ್ಲೂ ಅಶ್ವಿನ್​ ಸಾಮರ್ಥ್ಯಕ್ಕೆ ತಕ್ಕ ಕೊಡುಗೆ ನೀಡುವಲ್ಲಿ ವಿಫಲರಾದ್ರು. ವಿದೇಶಿ ಪಿಚ್​ಗಳಲ್ಲಿ ಅಶ್ವಿನ್​ಗಿಂತ ಎಫೆಕ್ಟೀವ್​ ಆಗಿದ್ದ ರವೀಂದ್ರ ಜಡೇಜಾ ತಂಡದಲ್ಲಿದ್ರೆ, ಭಾರತದ ಬಲ ಹೆಚ್ಚುತ್ತಿತ್ತು ಅನ್ನೋದು ಎಕ್ಸ್​​ಫರ್ಟ್​​ಗಳ ಮಾತಾಗಿದೆ. ವಿದೇಶಿ ಪಿಚ್​ಗಳಲ್ಲಿ 30.26 ಬ್ಯಾಟಿಂಗ್​ ಸರಾಸರಿಯನ್ನ ಜಡೇಜಾ ಹೊಂದಿದ್ದಾರೆ. ಜೊತೆಗೆ ಸೌತ್​ ಆಫ್ರಿಕಾ ಬ್ಯಾಟಿಂಗ್​ ಲೈನ್​ ಅಪ್​ನಲ್ಲಿ ಹೆಚ್ಚು ರೈಟ್​ ಹ್ಯಾಂಡೆಡ್​ ಬ್ಯಾಟ್ಸ್​​ಮನ್​ಗಳಿರೋದ್ರಿಂದ ಲೆಫ್ಟ್​ ಆರ್ಮ್​ ಸ್ಪಿನ್ನರ್​ ಜಡ್ಡು ಜಾದೂ ಮಾಡ್ತಿದ್ರು ಅನ್ನೋದು ಹಲವರ ಅಭಿಪ್ರಾಯವಾಗಿದೆ.

ಒಂದು ವೇಳೆ ರವೀಂದ್ರ ಜಡೇಜಾ, ರೋಹಿತ್​ ಶರ್ಮಾ ಇಂಜುರಿಗೆ ತುತ್ತಾಗದೇ ಇದ್ದಿದ್ರೆ, ತಂಡದಲ್ಲಿರುತ್ತಿದ್ರು ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ. ವಿದೇಶಿ ನೆಲದಲ್ಲಿ ಈ ಇಬ್ಬರು ನೀಡಿರುವ ಪ್ರದರ್ಶನವೇ ಇದಕ್ಕೆ ಸಾಕ್ಷಿಯಾಗಿದೆ. ಒಂದು ಇಂಜುರಿ ಆಟಗಾರನ ಭವಿಷ್ಯಕ್ಕೆ ಎಷ್ಟು ಕುತ್ತು ತರುತ್ತೋ. ಅಷ್ಟೇ ಹಿನ್ನಡೆಯನ್ನ ತಂಡಕ್ಕೂ ಉಂಟು ಮಾಡುತ್ತೆ ಅನ್ನೋದಕ್ಕೆ ಇದೇ ಬೆಸ್ಟ್​ ಎಕ್ಸಾಪಲ್​.

News First Live Kannada


Leave a Reply

Your email address will not be published. Required fields are marked *