ದ.ಆಫ್ರಿಕಾ ವಿರುದ್ಧದ ODIನಲ್ಲಿ ಅಯ್ಯರ್, ಶಾರ್ದೂಲ್​ಗೆ ಆಡುವ ಚಾನ್ಸಸ್ ಇದ್ಯಾ..?


ಟೆಸ್ಟ್​ ಸರಣಿ ಬಳಿಕ ಟೀಮ್ ಇಂಡಿಯಾ, ದಕ್ಷಿಣ ಆಫ್ರಿಕಾ ವಿರುದ್ಧ ಏಕದಿನ ಸರಣಿ ಸವಾಲು ಸ್ವೀಕರಿಸಿಲಿದೆ. ಸರಣಿಗೆ ಆಯ್ಕೆಯಾಗಿರುವ ಯುವ ಆಟಗಾರರಂತೂ ಕಣಕ್ಕಿಳಿಯೋ ಉಮೇದಿಯಲ್ಲಿದ್ದಾರೆ. ಆದ್ರೆ, ಆಡೋ ಕನವರಿಕೆಯಲ್ಲಿರೋ ಕೆಲ ಆಟಗಾರರು ಸರಣಿಯುದ್ದಕ್ಕೂ ಬೆಂಚ್​​ ಕಾಯಬೇಕಾದ ಅನಿವಾರ್ಯತೆ ಎದುರಾಗಿದೆ.

ಕೇಪ್​​​​​​​​​​​ಟೌನ್​​​​​​​​​ ಟೆಸ್ಟ್​​​​​ ಗೆಲುವಿಗಾಗಿ ಟೀಮ್​ ಇಂಡಿಯಾ ತೀವ್ರ ಹೋರಾಟ ನಡೆಸ್ತಿದೆ. ಈ ಮೂಲಕ ಐತಿಹಾಸಿಕ ಸರಣಿ ಗೆಲುವನ್ನ ಎದುರು ನೋಡ್ತಿದೆ. ಅತ್ತ ಏಕದಿನ ಸರಣಿಗಾಗಿ ಟೆಸ್ಟ್​ ತಂಡದಲ್ಲಿ ಇಲ್ಲದ ಆಟಗಾರರು, ಆಫ್ರಿಕಾ ನಾಡಿಗೆ ಬಂದಿಳಿದಿದ್ದು, ಕ್ವಾರಂಟೀನ್​​​ನಲ್ಲಿ ಬಂಧಿಯಾಗಿದ್ದಾರೆ. ಆಯ್ಕೆಯಾಗಿರುವ ತಂಡದಲ್ಲಿ ಯುವ ಆಟಗಾರರೇ ತುಂಬಿದ್ದು, ಯಾರಿಗೆಲ್ಲಾ ಅವಕಾಶ ಸಿಗುತ್ತೆ ಅನ್ನೋದು ತೀವ್ರ ಕುತೂಹಲ ಕೆರಳಿಸಿದೆ.

ಜನವರಿ 19 ರಿಂದ ಮೂರು ಪಂದ್ಯಗಳ ಏಕದಿನ ಸರಣಿ ಶುರುವಾಗುತ್ತೆ. ಆದ್ರೆ ಈ ಸರಣಿಗೆ ಅವಕಾಶ ಪಡೆದಿರೋ ಯಂಗ್​ ಪ್ಲೇಯರ್ಸ್​ ಆಲ್​​ಮೋಸ್ಟ್​​ ಬೆಂಚ್​​ ಸೀಮಿತವಾಗೋದು ಕನ್ಫರ್ಮ್​ ಆಗಿದೆ. IPL​, ದೇಶೀಯ ಟೂರ್ನಿಗಳಲ್ಲಿ ಸೆನ್​​ಸೇಷನ್​ ಹುಟ್ಟು ಹಾಕಿದ ಋತುರಾಜ್​​ ಗಾಯಕ್ವಾಡ್, ವೆಂಕಟೇಶ್​​ ಅಯ್ಯರ್ ಕೂಡ​​​​ ಈ ಸರಣಿಯಲ್ಲಿ ಒಂದೂ ಪಂದ್ಯವನ್ನ ಆಡದೆಯೇ ತವರಿಗೆ ವಾಪಸ್​ ಆಗುವ ಸಾಧ್ಯತೆಯೇ ಹೆಚ್ಚಿದೆ.

ಋತುರಾಜ್​ ಗಾಯಕ್ವಾಡ್​​​​ಗೆ ಯಾಕೆ ಚಾನ್ಸ್​​ ಸಿಗಲ್ಲ..?
ಋತುರಾಜ್​​​ಗೆ ಆಡುವ 11ರ ಬಳಗದಲ್ಲಿ ಸ್ಥಾನವೇ ಸಿಗೋದಿಲ್ಲ. ರೋಹಿತ್ ಶರ್ಮಾ ಅನುಪಸ್ಥಿತಿಯಲ್ಲೂ ಗಾಯಕ್ವಾಡ್ ಹೊರಗುಳಿಯುವುದು ಖಚಿತ. ಯಾಕೆಂದ್ರೆ ನಾಯಕ KL ರಾಹುಲ್​​ ಜೊತೆಗೆ ಅನುಭವಿ ಶಿಖರ್​​ ಧವನ್​ ಇನ್ನಿಂಗ್ಸ್​ ಆರಂಭಿಸೋ ಸಾಧ್ಯತೆ ದಟ್ಟವಾಗಿದೆ. ಓಪನರ್​ ಸ್ಥಾನಕ್ಕೆ ಧವನ್​ ಫಸ್ಟ್​ ಆಯ್ಕೆಯಾಗಿರೋ ಕಾರಣ, ಋತುರಾಜ್​ ಬೆಂಚ್​​​​ಗೆ ಫಿಕ್ಸ್​ ಆಗಲಿದ್ದಾರೆ. ಒಂದು ವೇಳೆ ಧವನ್​ ವೈಫಲ್ಯ ಅಥವಾ ಇಂಜುರಿಗೆ ತುತ್ತಾದ್ರೆ ಮಾತ್ರ ಗಾಯಕ್ವಾಡ್​​​ಗೆ ಚಾನ್ಸ್​ ಸಿಗುತ್ತದೆ.

ಆಲ್​​ರೌಂಡರ್​​​​ ಸ್ಥಾನಕ್ಕೆ ಶಾರ್ದೂಲ್​​ ಫಿಕ್ಸ್​​, ವೆಂಕಟೇಶ್​ ಡೌಟ್​
ಆಲ್​​ರೌಂಡರ್​ ವೆಂಕಟೇಶ್​ ಅಯ್ಯರ್​ ಕೂಡ ಬೆಂಚ್​ ವಾರ್ಮ್​ ಮಾಡೋ ಸಾಧ್ಯತೆ ಹೆಚ್ಚಿದೆ. ಶಾರ್ದೂಲ್ ಠಾಕೂರ್ ತಂಡದಲ್ಲಿರುವ ಕಾರಣ, ವೆಂಕಟೇಶ್​ಗೆ ಪದಾರ್ಪಣೆ ಮಾಡುವ ಅವಕಾಶವೇ ಇಲ್ಲವಾಗಿದೆ. ಈಗಾಗಲೇ ಶಾರ್ದೂಲ್​ ಟೆಸ್ಟ್​​​​​​ ಮತ್ತು ಏಕದಿನದಲ್ಲೂ ಸಾಮರ್ಥ್ಯ ಸಾಬೀತುಪಡಿಸಿ ಭರವಸೆ ಮೂಡಿಸಿದ್ದಾರೆ. ಹೀಗಾಗಿ ಆಡೋದು ಬಹುತೇಕ ಖಚಿತವಾಗಿದೆ. ಒಂದು ವೇಳೆ ವೆಂಕಟೇಶ್​ಗೆ ಅವಕಾಶ ಸಿಕ್ಕರೂ ಅದು ​​​​​ಅಚ್ಚರಿಯ ಆಯ್ಕೆಯಾಗಬೇಕಷ್ಟೇ.

ಎಲ್ಲರಿಗೂ ಪ್ಲೇಯಿಂಗ್​-XIನಲ್ಲಿ ಚಾನ್ಸ್​ ನೀಡೋದಕ್ಕೆ ಸಾಧ್ಯವಾಗಲ್ಲ ಅನ್ನೋದಂತೂ ಸತ್ಯ. ಹೀಗಾಗಿ ಗಾಯಕ್ವಾಡ್​, ವೆಂಕಟೇಶ್​ ಜೊತೆಗೆ ಇನ್ನೂ ಹಲವು ಆಟಗಾರರು ಸರಣಿಯಲ್ಲಿ ಬೆಂಚ್​ ಕಾಯಬೇಕಿದೆ.

News First Live Kannada


Leave a Reply

Your email address will not be published. Required fields are marked *