ಸ್ಯಾಂಡಲ್​ವುಡ್​ ನಟ ಅಜಯ್​ ರಾವ್​ ತಮ್ಮ ಮಗಳು ಚೆರಿಷ್ಮಾ ಜೊತೆ ಕ್ಲಿಕಿಸಿಕೊಂಡ ಹೊಸ ಪೋಟೋ ಹಾಗೂ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅಜಯ್​ ರಾವ್​ ಹಾಗೂ ಅವರ ಪತ್ನಿ ಸ್ವಪ್ನಾ ಅಜಯ್​ ರಾವ್​ ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಮಗಳು ಚೆರಿಷ್ಮಾಳ ವಿಡಿಯೋವನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಆದರಂತೇ ಈ ಬಾರಿಯೂ ಕೂಡ ಅಜಯ್​ ಮಗಳ ಜೊತೆ ಸೆಲ್ಫಿ ಕ್ಲಿಕಿಸಿಕೊಂಡಿದ್ದಾರೆ. ಜೊತೆಗೆ ಚೆರಿಷ್ಮಾ ಅಜಯ್​ ತಲೆ ಮೇಲೆ ಒಂದು ಪೆಪರ್​ ಇಟ್ಟು ಆದರ ಮೇಲೆ ಪೆನ್ನಿಂದ ಬರೆಯುವ ವಿಡಿಯೋವೊಂದನ್ನು ಹಂಚಿಕೊಂಡು “ನನ್ನ ತಲೆ ಮೇಲೆ 1 ಹೊಸ ಚಿತ್ರಕಥೆ ಮೂಡ್ತಾ ಇದೆ” ಎಂದು ಫನ್ನಿಯಾಗಿ ಬರೆದಿದ್ದಾರೆ.

ಅಜಯ್​ ನಟನೆಯ ‘ಲವ್​ ಯೂ ರಚ್ಚು’ ಸಿನಿಮಾ ಇತ್ತೀಗಷ್ಟೇ ರಿಲೀಸ್​ ಆಗಿತ್ತು. ಆದ್ರೆ ಈ ಚಿತ್ರದ ನಿರ್ಮಾಪಕ ಗುರುದೇಶಪಾಂಡೆ ಹಾಗೂ ಅಜಯ್​ ನಡುವೆ ವೈಮನಸು ಮೂಡಿದ್ದು ಈ ವಿಚಾರ ಬಾರಿ ಚರ್ಚೆಗೆ ಕಾರಣವಾಗಿತ್ತು. ಸದ್ಯ ಅಜಯ್​ ರಾವ್​ ನಟನೆಯ ಶೋಕಿವಾಲ ಸಿನಿಮಾದ ಚಿತ್ರೀಕರಣ ಕಂಪ್ಲಿಟ್​ ಆಗಿದ್ದು ಚಿತ್ರಕ್ಕೆ ಮಂಡಳಿಯಿಂದ ಯು/ಎ ಪ್ರಮಾಣ ಪತ್ರ ಸಿಕ್ಕಿದ್ದು ಸದ್ಯದಲ್ಲೇ ಚಿತ್ರವನ್ನು ರಿಲೀಸ್​ ಮಾಡೋದಾಗಿ ಚಿತ್ರತಂಡ ತಿಳಿಸಿದೆ.