ನಟ ದೀಪಕ್​ ಮಹದೇವ ಈಗ ಡಾಕ್ಟರ್​ ಅಜಯ್​


ಇತ್ತಿಚೀಗಷ್ಟೆ ನಟಿ ಚಂದನಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ನಟ ದೀಪಕ್​ ಮಹದೇವ ಕಿರುತೆರೆಗೆ ಮರಳುತ್ತಿದ್ದಾರೆ. ಕೊನೆಯದಾಗಿ ಉದಯ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ನಿನ್ನಿಂದಲೇ ​ಧಾರಾವಾಹಿಯಲ್ಲಿ ಕಾಣಿಸಿಕೊಂಡಿದ್ದರು. ಆ ಸೀರಿಯಲ್​ ವೈಂಡಪ್​ ಆದ ಬಳಿಕ ಯಾವುದೇ ಪ್ರಾಜೆಕ್ಟ್​ನಲ್ಲಿ ಕಾಣಿಸಿಕೊಂಡಿರಲಿಲ್ಲ.

ಈಗಾಗಲೇ ಸಾಕಷ್ಟು ಸೀರಿಯಲ್​ಗಳಲ್ಲಿ ಅಭಿನಯಿಸಿ ಸೈ ಎನಿಸಿಕೊಂಡಿರುವ ದೀಪಕ್​, ಮರಳಿ ಮನಸ್ಸಾಗಿದೆ ಧಾರಾವಾಹಿಯ ಮೂಲಕ ಮತ್ತೆ ಬಣ್ಣಹಚ್ಚಲು ಸಜ್ಜಾಗಿದ್ದಾರೆ. ಸ್ಟಾರ್​ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಚಂದನ್​ಕುಮಾರ್ ಹಾಗೂ ದಿವ್ಯಾ ವಾಗುಕರ್​ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ಮರಳಿ ಮನಸ್ಸಾಗಿದೆ ಸೀರಿಯಲ್​ಗೆ ದೀಪಕ್​ ಎಂಟ್ರಿ ಕೊಡಲಿದ್ದಾರೆ.

ದೀಪಕ್​, ಈ ಧಾರಾವಾಹಿಯಲ್ಲಿ ಡಾಕ್ಟರ್​ ಕಮ್​ ಪ್ರೋಫೆಸರ್​ ಆಗಿರುವ ಅಜಯ್​ ಪಾತ್ರವನ್ನ ನಿರ್ವಹಿಸಲಿದ್ದಾರೆ. ನಾಯಕ್​ ಕುಟುಂಬದ ದೊಡ್ಡ ಸೊಸೆ ಚಂದ್ರಲೇಖ ಮಗಳು ಸಾಹಿತ್ಯ. ಸಾಹಿತ್ಯ ಬದುಕಿನಲ್ಲಿ ನಡೆದ ದುರಂತದಿಂದಾಗಿ ಸಾಹಿತ್ಯ ಮನೋರೋಗದಿಂದ ಬಳಲುತ್ತಿರುತ್ತಾಳೆ. ಅವಳ ಜೀವನದ ದೊಡ್ಡ ಸತ್ಯ ಒಂದು ಸ್ಪಂದನಾ ಮುಂದೆ ಬಯಲಾಗಿದೆ.

ಅಂದ್ಹಾಗೆ, ಸಾಹಿತ್ಯಳ ಪತಿ ಡಾಕ್ಟರ್​ ಕಮ್​ ಪ್ರೋಫೆಸರ್​ ಅಜಯ್​ ಆಗಿರ್ತಾನೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಈಗಾಗಲೇ ಶೂಟಿಂಗ್​ನಲ್ಲಿ ದೀಪಕ್​ ಭಾಗಿಯಾಗಿದ್ದು, ಈಗಾಗಲೇ ಎಪಿಸೋಡ್​ ಕೂಡ ಪ್ರಸಾರವಾಗುತ್ತಿವೆ.

ಇನ್ನೂ ತಂದೆ ಸ್ಥಾನದಲ್ಲಿ ಇದ್ದ ಆಫಿಸರ್​ಗೆ ಕೊಟ್ಟ ಮಾತಿಗೆ ಬೆಲೆ ಕೊಟ್ಟು ಇಷ್ಟವಿಲ್ಲದಿದ್ದರೂ ವಿಕ್ರಾಂತ್​ ಸ್ಪಂದನಾಳನ್ನ ಮದುವೆಯಾಗ್ತಾನೆ. ಸದ್ಯ ಇಬ್ಬರ ನಡುವೆ ಪ್ರೀತಿ ಅರಳಿದ್ದರು ಹೇಳಿಕೊಳ್ಳುತ್ತಿಲ್ಲ. ಜೊತೆಗೆ ಸ್ಪಂದನಾಳ ನೆರ ನಡೆ ನುಡಿ ಹಾಗೂ ಮನೆಯವರ ಸಂಪ್ರದಾಯದ ಮನೋಭಾವದ ಮಧ್ಯದಲ್ಲಿ ವಿಕ್ರಾಂತ್​ ಸಿಕ್ಕಿಹಾಕಿಕೊಂಡಿದ್ದಾನೆ. ಈ ನಡುವೆ ಸಾಹಿತ್ಯ ಬದುಕನ್ನ ಸ್ಪಂದನಾ ಸರಿಮಾಡ್ತಾಳ ಅನ್ನೋದೇ ಸದ್ಯದ ಮರಳಿ ಮನಸ್ಸಾಗಿದೆ ಟ್ರ್ಯಾಕ್​.

ಒಟ್ನಲ್ಲಿ ಒಂದು ಒಳ್ಳೆಯ ಪಾತ್ರದ ಮೂಲಕ ಜನರನ್ನು ರಂಜಿಸಲು ಸಜ್ಜಾದ ನಟ ದೀಪಕ್ ಮಹದೇವ್​ ಅವರಿಗೆ ನಮ್ಮ ಕಡೆಯಿಂದ ಬೆಸ್ಟ್​ ವಿಶ್ಶಸ್​.

News First Live Kannada


Leave a Reply

Your email address will not be published. Required fields are marked *