ಬೆಂಗಳೂರು: ನನಗೆ ನಮ್ಮ ಪಕ್ಷದವರು, ಬೇರೆ ಪಕ್ಷದವರು ಎಂದು ಗೊತ್ತಿಲ್ಲ. ನನ್​ ವಿಚಾರ ಏನಂದ್ರೆ ನಾನು ಕೆಲಸ ಮಾಡ್ತಿದೀನಿ. ನನ್ನ ಕೆಲಸದಿಂದ ಏನೋ ತಪ್ಪಾಗುತ್ತಿದೆ, ಇಲ್ಲಂದ್ರೆ ನನ್ನಲ್ಲೇನೋ ಒಂದು ಒಳ್ಳೆ ಗುಣ ಇದೆ. ನನ್ನಲ್ಲಿರೋ ಒಳ್ಳೆ ಗುಣನಾ ಹೋಗಿಸಬೇಕು ಎಂದು ಕೆಲವರು ಪ್ರಯತ್ನ ಮಾಡ್ತಿದಾರೆ ಎಂದರು ಕಾಂಗ್ರೆಸ್​ ಶಾಸಕ ಹ್ಯಾರೀಸ್ ಪುತ್ರ ಮೊಹಮ್ಮದ್​​ ನಲಪಾಡ್​​.

ಹೀಗೆ ಮುಂದುವರಿದು ಮಾತಾಡಿದ ನಲಪಾಡ್​​​, ನಾನು ಫೆಬ್ರವರಿ 1ನೇ ತಾರಿಕು ಅಧ್ಯಕ್ಷ ಆಗ್ತಿನಾ ಇಲ್ಲವೋ ಎಂದು ಕೆಲವರಿಗೆ ಡೌಟ್​​ ಇದೆ. ಜನವರಿ 31ಕ್ಕೆ ರಕ್ಷಾ ರಾಮಯ್ಯ ಅಧ್ಯಕ್ಷರಾಗಿ ಲಾಸ್ಟ್​​ ಡೇ. ಈಗಾಗಲೇ ಆಲ್​​ ಇಂಡಿಯಾ ಯೂತ್​ ಕಾಂಗ್ರೆಸ್​ ಅಧ್ಯಕ್ಷ ಬಿ.ವಿ ಶ್ರೀನಿವಾಸ್​ ಅವರು, ನಾನು ಫೆಬ್ರವರಿ 1ನೇ ತಾರೀಕಿನಿಂದ ಸ್ಟೇಟ್​ ಯೂತ್​ ಕಾಂಗ್ರೆಸ್​​ ಅಧ್ಯಕ್ಷ ಎಂದು ಸೈನ್ ಮಾಡಿದ್ದಾರೆ. ಈ ಟೈಮ್​​ನಲ್ಲಿ ಇಂಥಾ ಆರೋಪಗಳ ಬರ್ತಿವೆ ಎಂದು ಹೇಳಿದರು.