ನಾವು ನೋಟಿಸ್​ಗೆ ಹೆದರಿಲ್ಲ.. ‘ಜನರ ಆರೋಗ್ಯಕ್ಕಾಗಿ’ ಪಾದಯಾತ್ರೆ ಮೊಟಕು-ಸಿದ್ದರಾಮಯ್ಯ


ರಾಮನಗರ: ರಾಜ್ಯದ ಜನರ ಆರೋಗ್ಯದ ಕುರಿತು ನಮಗೆ ಕಾಳಜಿ ಇದ್ದು ಅವರ ಹಿತದೃಷ್ಟಿಯಿಂದ ಸದ್ಯ ಮೇಕೆದಾಟು ಪಾದಯಾತ್ರೆಯನ್ನು ಇಲ್ಲಿಗೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದ್ದೇವೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದ್ದಾರೆ.
ಪಾದಯಾತ್ರೆಗೆ ಬ್ರೇಕ್​ ಕುರಿತು ನಾಯಕರ ಜೊತೆ ಸಭೆ ನಡೆಸಿದ ಬಳಿಕ ಮಾತನಾಡಿದ ಅವರು ಸದ್ಯ ಪಾದಯಾತ್ರೆಗೆ ತಾತ್ಕಾಲಿಕ ಬ್ರೇಕ್​ ಹಾಕಲಾಗಿದೆ. ಜನರ ಆರೋಗ್ಯಕ್ಕೆ ನಾವು ಆದ್ಯತೆ ನೀಡ್ತೇವೆ ಇದರ ನಡುವೆ ಕೋವಿಡ್​ 3 ಅಲೆ ಭೀತಿ ಜೋರಾಗ್ತಿದ್ದು ಜನರ ಹಿತದೃಷ್ಟಿಯಿದ ಈ ತೀರ್ಮಾನ ಕೈಗೊಂಡಿರೋದಾಗಿ ಅವ್ರು ತಿಳಿಸಿದರು.

ಇನ್ನು ರಾಜ್ಯದಲ್ಲಿ ಏರಿಕೆಯಾಗುತ್ತಿರುವ ಕೋವಿಡ್​ ಕೇಸ್​ಗಳಿಗೆ ಪಾದಯಾತ್ರೆಯೇ ಕಾರಣ ಎಂಬ ಬಿಜೆಪಿ ಆರೋಪಕ್ಕೆ ಪ್ರತಿಕ್ರಿಯಿಸಿದ ಅವರು. ಬಿಜೆಪಿ ಶಾಸಕರು, ಸಚಿವರು ಮಾಡ್ತಿರುವ ಱಲಿ ಹಾಗೂ ಜಾತ್ರೆಗಳಿಗೆ ಮಾತ್ರ ಅನುಮತಿಯಿದೆ. ಗೃಹ ಸಚಿವ ಆರಗ ಜ್ಞಾನೇಂದ್ರ ಕ್ಷೇತ್ರದಲ್ಲಿಯೇ ಜಾತ್ರೆಗೆ ಅನುಮತಿ ಕೊಟ್ಟಿದ್ದಾರೆ. ಅವರ ಮೇಲೆ ಯಾವ ಕೇಸ್​ ಕೂಡ ಬೀಳಲಿಲ್ಲ. ಆದ್ರೆ ನಮ್ಮ ಮೇಲೆ ಸುಳ್ಳು ಆರೋಪಗಳನ್ನು ಹೊರಿಸಿ ಕೇಸ್​ ದಾಖಲಿಸಿದ್ರು ಎಂದು ಸಿದ್ದರಾಮಯ್ಯ ಆರೋಪಿಸಿದ್ದಾರೆ.

ಬಿಜೆಪಿಯವ್ರ ಜನಾಶೀವಾರ್ದಕ್ಕೆ ಇರದ ಕೋವಿಡ್​ ನಿಯಮಗಳು ನಮ್ಮ ಪಾದಯಾತ್ರೆಗೆ ಯಾಕೆ.? ಈ ಸರ್ಕಾರ ನಿಷ್ಪಕ್ಷಪಾತವಾಗಿಲ್ಲ ನಮ್ಮ ಪಾದಯಾತ್ರೆಯನ್ನ ನಿಲ್ಲಿಸೋದೆ ಅವರ ಉದ್ದೇಶವಾಗಿದೆ. ಇವತ್ತು ದೇಶಾದ್ಯಂತ ಕೋವಿಡ್​ ಕೇಸ್​ಗಳು ಜಾಸ್ತಿಯಾಗುತ್ತಿವೆ ಆದ್ರೆ ಇದನ್ನು ನಮ್ಮ ತಲೆಗೆ ಕಟ್ಟುವ ಯತ್ನಗಳು ನಡೆದವು. ಇದರಿಂದ ಮುಂದೆ ಜನರಿಗೆ ನಮ್ಮಿಂದಲೇ ಕೋವಿಡ್​ ಜಾಸ್ತಿಯಾಯ್ತು ಎಂಬ ತಪ್ಪು ಸಂದೇಶ ರವಾನೆಯಾಗಬಾರದು. ಅದರ ಬೆನ್ನಲ್ಲೆ ಜನರ ಆರೋಗ್ಯದ ದೃಷ್ಟಿಯಿಂದ ನಮ್ಮ ನಡಿಗೆಗೆ ಬ್ರೇಕ್​​ ಹಾಕಿದ್ದೇವೆ ಎಂದು ಅವರು ವಿವರಿಸಿದರು. ಇನ್ನು ಕೋವಿಡ್ ಅಬ್ಬರ ಕಡಿಮೆಯಾದ ಬಳಿಕ ಮತ್ತೇ ನಮ್ಮ ಪಾದಯಾತ್ರೆ ಮುಂದುವರೆಯುತ್ತದೆ ಎಂದಿದ್ದಾರೆ.

News First Live Kannada


Leave a Reply

Your email address will not be published. Required fields are marked *