‘ನೀನು ದೇಶದ್ರೋಹಿ, ನಿಮ್ಮಪ್ಪ ದೇಶದ್ರೋಹಿ’ ಕೆಳಮಟ್ಟಕ್ಕಿಳಿದು ಬೈದಾಡಿಕೊಂಡ ಈಶ್ವರಪ್ಪ-ಡಿಕೆಎಸ್


ಬೆಂಗಳೂರು: ಸದನದಲ್ಲಿ ಸಚಿವ ಕೆ.ಎಸ್, ಈಶ್ವರಪ್ಪ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್​ ನಡುವೆ ತೀವ್ರತರವಾದ ಮಾತಿನ ಚಕಮಕಿ ನಡೆದಿದ್ದು, ಉಭಯ ನಾಯಕರು ಕೈಕೈ ಮಿಲಾಯಿಸೋ ಹಂತಕ್ಕೆ ಮುಂದಾದ ಪ್ರಸಂಗ ನಡೆಯಿತು. 

ಜೈಲಿಗೆ ಹೋಗಿ ಬಂದವನು ನೀನು ದೇಶದ್ರೋಹಿ ಎಂದು ಈಶ್ವರಪ್ಪ ಹೇಳುತ್ತಿದ್ದಂತೆ ಕೆಂಡಾಮಂಡಲರಾದ ಶಿವಕುಮಾರ್​, ನಿಮ್ಮಪ್ಪ ದೇಶದ್ರೋಹಿ ಎಂದು ಆಕ್ರೋಶ ಹೊರಹಾಕಿದ್ದಾರೆ. ಬೇಲ್​ ​ಮೇಲೆ ಹೊರಗಡೆ ಬಂದಿರುವನು ನೀನು ದೇಶದ್ರೋಹಿ. ಮತ್ತೆ ಯಾವಾಗ ಜೈಲಿಗೆ ಹೋಗ್ತಿಯೋ ನೋಡಿಕೋ ಎಂದು ಈಶ್ವರಪ್ಪ ಮತ್ತೇ ತೀರಾ ಕೆಳಮಟ್ಟದ ಹೇಳಿಕೆ ಬಳಸಿದರು. ಬಳಿಕ ಇಬ್ಬರು ನಾಯಕರು ಜಟಪಾಪಟಿಗೆ ಬಿದ್ದಿದ್ದಾರೆ.  ಈ ವೇಳೆ ಉಭಯ ನಾಯಕರು ಪರಸ್ಪರ ಕೈಕೈ ಮಿಲಾಯಿಸೋ ಹಂತಕ್ಕೆ ಮುಂದಾಗಿದ್ದರು.

ಈ ನಡುವೆ ಮಧ್ಯೆ ಪ್ರವೇಶಿಸಿದ ಸ್ಪೀಕರ್​ ಕಾಗೇರಿ ಇಬ್ಬರು ನಾಯಕರಿಗೆ ಶಾಂತಿ ಕಾಪಾಡುವಂತೆ ಮನವಿ ಮಾಡಿದ್ದು, ವಾತಾವರಣವನ್ನು ತಿಳಿಗೊಳಿಸುವ ಪ್ರಯತ್ನ ನಡೆಸಿದ್ದಾರೆ.

https://www.youtube.com/watch?v=jjLt7alPkrY

News First Live Kannada


Leave a Reply

Your email address will not be published. Required fields are marked *