ನೂತನ ಕ್ಯಾಪ್ಟನ್ ಹೆಸರು ಘೋಷಣೆ ಮಾಡಿದ ಕೆಕೆಆರ್


ಕೊಲ್ಕತ್ತಾ ನೈಟ್​ ರೈಡರ್ಸ್​ ಫ್ರಾಂಚೈಸಿ ನೂತನ ನಾಯಕ ಹೆಸರನ್ನು ಘೋಷಿಸಿದೆ. ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಮಾಜಿ ನಾಯಕ ಶ್ರೇಯಸ್​ ಅಯ್ಯರ್​​​ ಅವರನ್ನು ತಂಡದ ಮುಂದಿನ ನಾಯಕನನ್ನಾಗಿ KKR ಪ್ರಕಟಿಸಿದೆ. ಕೆಕೆಆರ್ ತನ್ನ ಅಧಿಕೃತ ಟ್ವಿಟರ್​​ನಲ್ಲಿ ಈ ಬಗ್ಗೆ ಪ್ರಕಟಿಸಿದೆ.

ಈ ಬಾರಿ ಐಪಿಎಲ್​ ಮೆಗಾ ಹರಾಜಿನಲ್ಲಿ ಶ್ರೇಯಸ್​​ ಅಯ್ಯರ್​ ಅವರನ್ನು ಕೆಕೆಆರ್​ ಫ್ರಾಂಚೈಸಿ, 12.50 ಕೋಟಿ ನೀಡಿ ಖರೀದಿಸಿದೆ. ಬಹುತೇಕ ತಂಡಗಳು ಅಯ್ಯರ್​ ಖರೀದಿಗೆ ಸ್ಫರ್ಧೆ ನಡೆಸಿದರೂ, ಕೆಕೆಆರ್​​​ ಪಟ್ಟು ಬಿಡದೆ ಬಿಡ್​ ನಡೆಸಿತು. ಅಂತಿಮವಾಗಿ 12 ಕೋಟಿ 50 ಲಕ್ಷಕ್ಕೆ ಅಯ್ಯರ್​​​​​, ಶಾರೂಖ್​ ನೇತೃತ್ವದ ಪಾಲಾದರು.

ಕಳೆದ ಬಾರಿ ಅಯ್ಯರ್ ಡೆಲ್ಲಿ ಪರ ಕಣಕ್ಕಿಳಿದಿದ್ರು. 2020ರಲ್ಲಿ ಡೆಲ್ಲಿ ತಂಡವನ್ನ ನಾಯಕನಾಗಿ ಅಯ್ಯರ್​, ಫೈನಲ್​​​ವರೆಗೂ ಕೊಂಡೊಯ್ದಿದ್ದರು. ಬಳಿಕ ಇಂಜುರಿಗೆ ಒಳಗಾದ ಅಯ್ಯರ್​, 14ನೇ ಆವೃತ್ತಿಯ ಮೊದಲಾರ್ಧ ಭಾಗಕ್ಕೆ ದೂರವಾದ್ರು. ಅಯ್ಯರ್​​ ಅಲಭ್ಯತೆಯಲ್ಲಿ ರಿಷಭ್​ ಪಂತ್​ ನಾಯಕತ್ವ ನೀಡಲಾಗಿತ್ತು.
ಎರಡನೇ ಹಂತದ IPLಗೆ ಅಯ್ಯರ್​​, ಕಂಬ್ಯಾಕ್​ ಮಾಡಿದ್ರೂ, ಪಂತ್​​ಗೆ ನಾಯಕತ್ವ ನೀಡಲಾಗಿತ್ತು. ಇದ್ರಿಂದ ಅಯ್ಯರ್​​​ ಅಸಮಾಧಾನಕ್ಕೆ ಒಳಗಾಗಿದ್ರು. ಮುಂದಿನ ಆವೃತ್ತಿಯ ಐಪಿಎಲ್​​ನಲ್ಲೂ ರಿಷಭ್​ ಪಂತ್​ ಅವರೇ ತಂಡವನ್ನು ಮುನ್ನಡೆಸಲಿದ್ದಾರೆ ಎಂದು ಫ್ರಾಂಚೈಸಿ ಸ್ಪಷ್ಟಪಡಿಸಿತ್ತು. ಇದ್ರಿಂದ ಬೇಸರಗೊಂಡ ಶ್ರೇಯಸ್​, ತಂಡದಿಂದ ಹೊರ ಬರುವುದಾಗಿ ಹೇಳಿದ್ರು.

ನಾಯಕತ್ವದ ಜವಾಬ್ದಾರಿ ಮರಳಿ ನೀಡಿದರೆ ಮಾತ್ರ ತಂಡದ ಭಾಗವಾಗಿರುವೆ ಎಂದು ಫ್ರಾಂಚೈಸಿಗೆ ಅಯ್ಯರ್​​ ಹೇಳಿದ್ರು. ಆದ್ರೆ ಫ್ರಾಂಚೈಸಿ ಇದನ್ನು ನಿರಾಕರಿಸಿದ ಪರಿಣಾಮ ಈ ಬಲಗೈ ಬ್ಯಾಟ್ಸ್​​ಮನ್​ಗೆ ಹರಾಜಿನಲ್ಲಿ ಕಾಣಿಸಿಕೊಂಡಿದ್ರು. ಹರಾಜಿನಲ್ಲಿ 2 ಕೋಟಿ ಮೂಲ ಬೆಲೆ ಹೊಂದಿದ್ದ ಅಯ್ಯರ್, 12.50 ಕೋಟಿಗೆ ಕೆಕೆಆರ್​​ ತಂಡದ ಪಾಲಾದರು.

ಇನ್ನು ಕೆಕೆಆರ್​​ ಕೂಡ ಹೊಸ ನಾಯಕನ ಹುಡಕಾಟದಲ್ಲಿತ್ತು. ಕಳೆದ ಬಾರಿ ತಂಡವನ್ನು ಫೈನಲ್​ಗೇರಿಸಿದ್ದ ನಾಯಕ ಇಯಾನ್​ ಮಾರ್ಗನ್​​ರನ್ನು ಫ್ರಾಂಚೈಸಿ ಕೈಬಿಟ್ಟಿತ್ತು. ಹಾಗಾಗಿ ಹೊಸ ನಾಯಕನನ್ನು ಖರೀದಿಸಲು ನಿರ್ಧರಿಸಿತ್ತು. ಅಲ್ಲದೆ ಹರಾಜಿಗೂ ಮೊದಲೇ ಅಯ್ಯರ್​​ ಖರೀದಿಗೆ KKR ಪ್ಲಾನ್​ ಹಾಕಿಕೊಂಡಿತ್ತು.

ಹರಾಜಿನಲ್ಲಿ ಎಷ್ಟೇ ಆಗಲಿ ಅಯ್ಯರ್​ರನ್ನ ಬಿಟ್ಟುಕೊಡಬಾರದು ಎಂಬ ನಿರ್ಧಾರಕ್ಕೆ ಬಂದಿತ್ತು. ಇದೇ ಕಾರಣದಿಂದ ಪೈಪೋಟಿ ನಡೆಸಿ ಅಯ್ಯರ್​​ರನ್ನ ತನ್ನ ತೆಕ್ಕೆಗೆ ಹಾಕಿಕೊಂಡಿದೆ. ಆ ಮೂಲಕ ಕೆಕೆಆರ್ ತಂಡವನ್ನು ಮುನ್ನಡೆಸಿದ ನಾಯಕರ ಪಟ್ಟಿಗೆ ಅಯ್ಯರ್​ ಸೇರ್ಪಡೆಗೊಂಡಿದ್ದಾರೆ. ಬ್ರೆಂಡನ್​ ಮೆಕಲಮ್​, ಸೌರವ್​ ಗಂಗೂಲಿ, ಗೌತಮ್​ ಗಂಭೀರ್​, ದಿನೇಶ್​ ಕಾರ್ತಿಕ್​, ಇಯಾನ್​ ಮಾರ್ಗನ್​ ಈ ಹಿಂದೆ ತಂಡವನ್ನು ಮುನ್ನಡೆಸಿದ್ದಾರೆ.

News First Live Kannada


Leave a Reply

Your email address will not be published. Required fields are marked *