ಸ್ಯಾಂಡಲ್​ವುಡ್​ನಲ್ಲಿ ಕೋಟಿ ನಿರ್ಮಾಪಕ ಎಂದೇ ಖ್ಯಾತಿಗಳಿಸಿರುವ ಕೋಟಿ ರಾಮು ಅವರ ನಿರ್ಮಾಣದ ಕೊನೆಯ ಚಿತ್ರವನ್ನು ಪತ್ನಿ ಮಾಲಾಶ್ರೀ ರಿಲೀಸ್​ ಮಾಡುತ್ತಿದ್ದಾರೆ. ಈ ಮೂಲಕ ಪತಿ ಕೊನೆಯ ಕನಸಿನ ಚಿತ್ರವನ್ನು ರಿಲೀಸ್​ ಮಾಡಲು ಮುಂದಾಗಿದ್ದು ಅದರ ಡೇಟ್​ನ್ನು ಘೋಷಿಸಿದ್ದಾರೆ.

ಡೈನಾಮಿಕ್​ ಪ್ರಿನ್ಸ್​ ಪ್ರಜ್ವಲ್​ ದೇವರಾಜ್ ನಟನೆಯ ಲಕ್ಕಿ ಶಂಕರ್​ ನಿರ್ದೇಶನದ ‘ಅರ್ಜುನ್​ ಗೌಡ’ ಸಿನಿಮಾ ಡಿಸೆಂಬರ್ 31 ರಂದು ರಿಲೀಸ್​ ಆಗುತ್ತಿದೆ. ನಿರ್ಮಾಪಕ ದಿವಂಗತ ಕೋಟಿ ರಾಮು ನಿರ್ಮಾಣದಲ್ಲಿ ಮೂಡಿ ಬಂದಿರುವ ಕೊನೆ ಸಿನಿಮಾ ಇದಾಗಿದೆ. ಹೀಗಾಗಿ ರಾಮು ಪತ್ನಿ ನಟಿ ಮಾಲಾಶ್ರಿ ಅರ್ಜುನ್​ ಗೌಡ ಸಿನಿಮಾವನ್ನು ಇದೇ 31 ರಂದು ಬಿಡುಗಡೆ ಮಾಡುವುದಾಗಿ ನಿರ್ಧರಿಸಿದ್ದಾರೆ.

ಮಾಸ್​ ಮಾದ ಅವರ ಸಾಹಸ ನಿರ್ದೇಶನ ಈ ಚಿತ್ರಕ್ಕಿದೆ. ಧರ್ಮ ವಿಶ್​ ಸಂಗೀತ ನಿರ್ದೇಶನ ಮಾಡಿದ್ದು ಅರ್ಜುನ್​ ಕಿಟ್ಟು ಸಂಕಲನ, ಜೈ ಆನಂದ್​ ಛಾಯಾಗ್ರಹಣವಿದೆ. ಇನ್ನು ಪ್ರಜ್ವಲ್​ ದೇವರಾಜ್​ ಅವರಿಗೆ ಜೋಡಿಯಾಗಿ ಬಿಗ್​ಬಾಸ್​ ಪ್ರಿಯಾಂಕಾ ತಿಮ್ಮೇಶ್​ ಅಭಿನಯಿಸಿದ್ದಾರೆ. ರಾಮು ಅವರ ಸಿನಿಮಾ ಬಿಡುಗಡೆ ಆಗುತ್ತಿರುವುದು ಅಭಿಮಾನಿಗಳಿಗೆ ಖುಷಿ ನೀಡಿದೆ.ಈಗಾಗ್ಲೇ ಟ್ರೈಲರ್ ನಿಂದ ಗಮನ ಸೆಳೆದಿರೋ ಅರ್ಜುನ್ ಗೌಡ, ನೈಜ ಘಟನೆಯನ್ನಾಧರಿಸಿದ ಚಿತ್ರವೆಂಬ ಸೂಚನೆ ಕೊಡ್ತಿದೆ.