ನವದೆಹಲಿ: ಪಾಕಿಸ್ತಾನವು ಸಕ್ಕರೆ ಸಂಕಷ್ಟದಲ್ಲಿ ಸಿಲುಕಿದೆ. ಒಂದು ಕೆಜಿ ಸಕ್ಕರೆ ಬೆಲೆ ಬರೋಬ್ಬರಿ 150 ರೂಪಾಯಿ ತಲುಪಿದೆ.

ಅಫ್ಘಾನಿಸ್ತಾನಕ್ಕೆ ಅಂತಾರಾಷ್ಟ್ರೀಯ ಮಾನ್ಯತೆ ಕೊಡಿಸಲು ಪಾಕಿಸ್ತಾನ ಇನ್ನಿಲ್ಲದ ತಂತ್ರಗಳನ್ನು ಅನುಸರಿಸುತ್ತಿದೆ. ಈ ಬೆನ್ನಲ್ಲೇ ಪಾಕಿಸ್ತಾನಕ್ಕೆ ಸಂಕಷ್ಟವೊಂದು ಎದುರಾಗಿದ್ದು ಸಕ್ಕರೆ ಬೆಲೆ ತೀವ್ರ ಹೆಚ್ಚಳವಾಗಿದ್ದು ಜನರನ್ನು ಸಂಕಷ್ಟಕ್ಕೆ ತಳ್ಳಿದೆ.

ಈಗ ಅಲ್ಲಿ ಒಂದು ಕೆ.ಜಿ ಸಕ್ಕರೆಗೆ ಹೋಲ್​ಸೇಲ್ ಬೆಲೆ 140 ರೂಪಾಯಿ ಇದ್ದರೆ, ರಿಟೇಲ್ ಬೆಲೆ 150 ರೂಪಾಯಿ ಇದೆ. ಕೆಲವೊಂದು ನಗರಗಳಲ್ಲಿ ಸಕ್ಕರೆ ಬೆಲೆ ವಿಭಿನ್ನವಾಗಿದೆ. ಪೇಶಾವರ ಮಾರುಕಟ್ಟೆಯಲ್ಲಿ ನಿನ್ನೆ 8 ರೂಪಾಯಿ ಏರಿಕೆಯಾಗಿದ್ದು, ಒಂದು ಕೆಜಿ ಸಕ್ಕರೆಗೆ 140 ರೂಪಾಯಿ ಇದೆ. ಅಕ್ಬರಿ ಮಂಡಿಯಲ್ಲಿ 140 ರೂಪಾಯಿ ಇದ್ದರೆ, ಕರಾಚಿಯಲ್ಲಿ ಕೆಜಿಗೆ 142 ರೂಪಾಯಿ ಇದೆ.