ಐಸಿಸಿ ಟಿ20 ವಿಶ್ವಕಪ್​​​ನಲ್ಲಿ ಲೀಗ್​​ ಹಂತದಲ್ಲಿ ಆಲ್‌ರೌಂಡ್ ಆಟದ ಮೂಲಕ ಎಲ್ಲ ಪಂದ್ಯಗಳನ್ನ ಗೆದ್ದ ಪಾಕಿಸ್ತಾನ ಮತ್ತು ಆಸ್ಟ್ರೇಲಿಯಾ ಇಂದಿನ ಸೆಮಿಫೈನಲ್‌ನಲ್ಲಿ ಮುಖಾಮುಖಿಯಾಗುತ್ತಿವೆ. ಈ ಸೆಮಿಫೈನಲ್​​ನಲ್ಲಿ ಪಾಕ್​​ಗೆ ಆಸ್ಟ್ರೇಲಿಯಾ ಸವಾಲ್​​ವೊಡ್ಡಲಿದೆ. ಆಸಿಸ್ ಅಗ್ರ ಕ್ರಮಾಂಕದಲ್ಲಿ ವಾರ್ನರ್, ಫಿಚ್​​​​​​​, ಮಾರ್ಷ್​ ಇದ್ದಾರೆ. ಬೌಲಿಂಗ್‌ನಲ್ಲಿ ಜಂಪಾ, ಸ್ಟಾರ್ಕ್​​, ಕಮಿನ್ಸ್​ ಮಿಂಚುತ್ತಿದ್ದು, ಆಸಿಸ್​​ಗೆ ಪ್ಲಸ್​​ ಪಾಯಿಂಟ್​​.

ಇನ್ನು, ಆ್ಯರೋನ್ ಫಿಂಚ್‌ ಮತ್ತು ಮ್ಯಾಕ್ಸ್​ವೆಲ್​​ ಭರವಸೆ ಮೂಡಿಸಿದ್ದಾರೆ. ಸೀರಿಸ್​​ನಲ್ಲಿ ನಾಲ್ಕು ಪಂದ್ಯ ಗೆದ್ದ ಆಸ್ಟ್ರೇಲಿಯಾ ಸೆಮಿಫೈನಲ್‌ ಪ್ರವೇಶಿಸಿತ್ತು. ಹ್ಯಾಟ್ರಿಕ್ ಸೇರಿದಂತೆ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಒಟ್ಟು ಐದು ಬಾರಿ ಚಾಂಪಿಯನ್ ಆಗಿರುವ ಆಸ್ಟ್ರೇಲಿಯಾ ತಂಡ ಟಿ20 ವಿಶ್ವಕಪ್‌ನಲ್ಲಿ ಒಮ್ಮೆಯೂ ಪ್ರಶಸ್ತಿ ಗೆದ್ದುಕೊಂಡಿಲ್ಲ. ಹಾಗಾಗಿ ಈ ಪ್ರಶಸ್ತಿ ಗೆಲ್ಲಲು ಪಣತೊಟ್ಟಿದೆ.

ಇನ್ನು, ‍ಪಾಕಿಸ್ತಾನದ ಬ್ಯಾಟಿಂಗ್​ ಪ್ರದರ್ಶನ ಅದ್ಭುತವಾಗಿದೆ. ಬಾಬರ್​ ಅಜಂ, ಮೊಹಮ್ಮದ್​ ರಿಜ್ವಾನ್​ ಉತ್ತಮ ಆರಂಭ ಒದಗಿಸಲಿದ್ದಾರೆ. ಮಧ್ಯಮ ಕ್ರಮಾಂಕದಲ್ಲಿ ಹಫೀಜ್​​​​, ಫಕಾರ್​ ಜಮಾನ್, ಶೋಯೆಬ್​ ಮಲ್ಲಿಕ್​ ಬಲ ತುಂಬಲಿದ್ದಾರೆ.