ಪಿಂಕ್ ಡ್ರ್ಯಾಗನ್ ಫ್ರೂಟ್​ ಚಹಾ ಬೇಕೆ? ಹಾಗಿದ್ದರೆ ಬಾಂಗ್ಲಾದೇಶಕ್ಕೆ ಹೋಗೋಣ ನಡೆಯಿರಿ | Food blogger shares video of a boy selling dragon fruit chai in Bangladesh. Internet has mixed reaction


Dragon Fruit Chaay : ಈ ಹುಡುಗ ಡ್ರ್ಯಾಗನ್ ಹಣ್ಣಿನ ತಿರುಳನ್ನು ಚಹಾಕ್ಕೆ ಸೇರಿಸಿ ಕಲಕುತ್ತಾನೆ. ನಂತರ ಮಿಲ್ಕ್​ ಮೇಡ್​ ಸೇರಿಸಿ ಮತ್ತೆ ಕಲಕುತ್ತಾನೆ. ಅಲ್ಲಿಗದು ಇತ್ತ ಸಿಹಿಪೇಯವೂ ಅಲ್ಲ, ಪಾಯಸವೂ ಅಲ್ಲ, ಚಹಾನೂ ಅಲ್ಲ! ಕುಡಿದವರ ಗತಿ?

ಪಿಂಕ್ ಡ್ರ್ಯಾಗನ್ ಫ್ರೂಟ್​ ಚಹಾ ಬೇಕೆ? ಹಾಗಿದ್ದರೆ ಬಾಂಗ್ಲಾದೇಶಕ್ಕೆ ಹೋಗೋಣ ನಡೆಯಿರಿ

ಪಿಂಕ್ ಡ್ರ್ಯಾಗನ್​ ಫ್ರೂಟ್ ಚಹಾ

Pink Dragon Fruitwaali chai : ಲೆಮನ್ ಟೀ, ಲೆಮನ್​ ಗ್ರಾಸ್​ ಟೀ, ಹರ್ಬಲ್ ಟೀ, ತುಲಸೀ ಟೀ, ಶುಂಠಿ ಟೀ, ಏಲಕ್ಕಿ ಟೀ, ಧನಿಯಾ ಟೀ, ಜೀರಾ ಟೀ, ಪೆಪ್ಪರ್ ಟೀ, ಮಿಂಟ್​ ಟೀ ಹೀಗೆ ಥರಥರದ ಚಹಾಗಳು ಲಭ್ಯವಿವೆ. ಆದರೆ ಡ್ರ್ಯಾಗನ್​ ಫ್ರೂಟ್​ ಚಹಾ ನಿಮಗೆ ಗೊತ್ತಿತ್ತೇ? ಈಗ ಇದೂ ಕೂಡ ಆವಿಷ್ಕಾರವಾಗಿದೆ! ಬಾಂಗ್ಲಾದೇಶದ ರಸ್ತೆಬದಿ ಅಂಗಡಿಯೊಂದರಲ್ಲಿ ಡ್ರ್ಯಾಗನ್​ ಫ್ರೂಟ್ ಚಹಾ ಮಾಡುತ್ತಿರುವ ವಿಡಿಯೋ ವೈರಲ್ ಆಗುತ್ತಿದೆ. ಫುಡ್​ ಬ್ಲಾಗರ್​ ಒಬ್ಬರು, ದಿ ಗ್ರೇಟ್ ಇಂಡಿಯನ್​ ಫುಡಿ ಎಂಬ ಇನ್​ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ.

ಹೀಗೆ ರಸ್ತೆಬದಿ ಅಂಗಡಿಯಲ್ಲಿ ಈ ಹುಡುಗ ಡ್ರ್ಯಾಗನ್​ ಫ್ರೂಟ್ ಚಹಾ​ ತಯಾರಿಸುತ್ತಿರುವ ವಿಡಿಯೋ ಅನ್ನು  ನೆಟ್ಟಿಗರು ಕುತೂಹಲದಿಂದ ನೋಡುತ್ತಿದ್ದಾರೆ. ಈ ಹಣ್ಣಿನ ತಿರುಳನ್ನು ಚಹಾಕ್ಕೆ ಸೇರಿಸಿ ಕಲಕುತ್ತಾನೆ. ನಂತರ ಮಿಲ್ಕ್​ ಮೇಡ್​ ಸೇರಿಸಿ ಮತ್ತೆ ಕಲಕುತ್ತಾನೆ. ಅಲ್ಲಿಗದು ಇತ್ತ ಸಿಹಿಪೇಯವೂ ಅಲ್ಲ, ಪಾಯಸವೂ ಅಲ್ಲ, ಚಹಾನೂ ಅಲ್ಲ! ಯಾರಿಗೆ ಗೊತ್ತು, ಕುಡಿದು ನೋಡಿದವರೇ ಹೇಳಬೇಕು! ಹಾಗಾಗಿಯೇ ನೆಟ್ಟಿಗರು ಮಿಶ್ರ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.

‘ಪಿಂಕ್ ಡ್ರ್ಯಾಗನ್ ಫ್ರೂಟ್​ವಾಲಿ ಚಾಯ್!’ ಆಸಕ್ತಿಕರವಾದ ಈ ರೀಲ್​ ನಿಮಗಾಗಿ ಬಾಂಗ್ಲಾದೇಶದಿಂದ ಎಂಬ ಶೀರ್ಷಿಕೆಯನ್ನು ಈ ವಿಡಿಯೋ ಹೊಂದಿದೆ. ಕೆಲವರು ಅದ್ಭುತ ಎಂದಿದ್ದಾರೆ. ಇನ್ನೂ ಕೆಲವರು ಅಸಹ್ಯ ಎಂದಿದ್ದಾರೆ.

ಇದನ್ನು ನೋಡಿದ ನಿಮಗೆ ಏನೆನ್ನಿಸುತ್ತಿದೆ?

TV9 Kannada


Leave a Reply

Your email address will not be published.