‘ಪುಟ್ಟಕ್ಕನ ಮಕ್ಕಳ’ ಬಗ್ಗೆ ನಟಿ ಸಂಜನಾ ಹೇಳಿದ್ದೇನು ಗೊತ್ತಾ..?


ಪುಟ್ಟಕ್ಕನ ಮಕ್ಕಳು.. ಹಿರಿಯ ನಟಿ ಉಮಾಶ್ರೀ ಅವರು ಕಿರುತೆರೆಗೆ ಕಮ್​ ಬ್ಯಾಕ್ ಮಾಡುತ್ತಿರುವ ಬಹು ನಿರಿಕ್ಷೀತ ಧಾರಾವಾಹಿ. ಪ್ರೋಮೊನಿಂದಲೇ ಸಖತ್​ ಸದ್ದು ಮಾಡ್ತಾಯಿದ್ದು, ಈಗಾಗಲೆ ಇಡೀ ಟೀಮ್​​ ಚಿತ್ರಿಕರಣದಲ್ಲಿ ಬ್ಯುಸಿಯಾಗಿದೆ ಮೂವರು ಹೆಣ್ಣುಮಕ್ಕಳ ತಾಯಿ ಪುಟ್ಟಕ್ಕಳನ್ನ ಗಂಡ ಬಿಟ್ಟ ಹೋಗಿರುತ್ತಾನೆ. ಬಡತನದ ನಡುವೆ ಮಕ್ಕಳನ್ನ ಪುಟ್ಟಕ್ಕ ಒಳ್ಳೆಯ ಸ್ಥಾನಕ್ಕೆ ತರಲು ಕಷ್ಟ ಪಡುತ್ತಿರುತ್ತಾಳೆ. ಅವಳ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗುತ್ತಾ? ಅನ್ನೋದೇ ಕತೆಯ ಎಳೆಯಾಗಿದೆ.

ಈ ಸೀರಿಯಲ್​ನ್ನ ಜೊತೆಜೊತೆಯಲಿ ಸೀರಿಯಲ್​ ನಿರ್ದೇಶಕ ಆರೂರು ಜಗದೀಶ್​ ಅವರು ನಿರ್ದೇಶಿಸುತ್ತಿದ್ದು, ಈ ಹಿಂದೆ ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ಪ್ರಮುಖ ಲೀಡ್​ ನಟಿ ಅಮಿತಾ ಸದಾಶಿವ ಅವರು ಧಾರಾವಾಹಿಯಿಂದ ಹೊರನಡೆದಿದ್ದ ಬಗ್ಗೆ ನಿಮಗೆ ಮಾಹಿತಿ ನೀಡಿದ್ವಿ. ಈಗ ಆ ಪಾತ್ರವನ್ನ ಸಂಜನಾ ಬುರ್ಲಿ ಅವರು ನಿರ್ವಹಿಸುತ್ತಿರು ಬಗ್ಗೆ ಕೂಡಾ ನಿಮಗೆ ತಿಳಿದಿದೆ.. ಅಂದ್ಹಾಗೆ ಸಂಜನಾ ಅವರು ಈ ಹಿಂದೆ ಲಗ್ನಪತ್ರಿಕೆ ಎಂಬ ಧಾರಾವಾಹಿಯ ಲೀಡ್​ ಆಗಿ ಅಭಿನಯಿಸಿದ್ದರು. ಈಗ ಪುಟ್ಟಕ್ಕನ ಮಕ್ಕಳು ಸೀರಿಯಲ್​ನ ಸ್ನೇಹಾ ಪಾತ್ರದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ.

ಇನ್ನೂ ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಸಂಜನಾ.. ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ನಾನೂ ಲೀಡ್​ ರೋಲ್​ನಲ್ಲಿ ಕಾಣಿಸಿಕೊಳ್ಳಲಿದ್ದಿನಿ.. ಈ ಪಾತ್ರ ಹಾಗೂ ಟೀಮ್​ ಬಗ್ಗೆ ತುಂಬಾನೆ ಎಕ್ಸೈಟ್​ಮೆಂಟ್​ ಇದೆ.

ಈ ಮುಂಚೆ ನಾನೂ ಲಗ್ನ ಪತ್ರಕೆ ಧಾರಾವಾಹಿಯಲ್ಲಿ ಲೀಡ್​ ರೋಲ್​ನಲ್ಲಿ ಕಾಣಿಸಿಕೊಂಡಿದೆ. ಲಗ್ನಪತ್ರಿಕೆ ಧಾರಾವಾಹಿಯಲ್ಲಿ ಒಂದು ಪುಟ್ಟ ಜರ್ನಿ ಸಿಕ್ತು ಕಾರಣ ಸೀರಯಲ್​ ಬೇಗನೆ ಆಫ್​ ಏರ್​ ಆಯ್ತು.. ಹೀಗೇ ಒಂದು ದಿನ ಇದ್ದಕ್ಕಿದ್ದ ಹಾಗೇ ಸೀರಿಯಲ್​ ವೈಂಡ್​ಪ್​ ಆಗತ್ತೆ ಅನ್ನುವ ಸುದ್ದಿ ಬಂತು ನಾನೂ ಹಾಗೂ ಇಡಿ ತಂಡ ಫುಲ್​ ಶಾಕ್​ ಆದ್ವಿ.. ಆಗಿನ್ನು ನನ್ನ ಪಾತ್ರಕ್ಕೆ ​ ಚಿಕ್ಕದಾಗಿ ಫೇಮ್​ ಸಿಕ್ತಾಯಿತ್ತು.. ಹಾಗೂ ನನ್ನ ಪಾತ್ರದ ಬಗ್ಗೆ ಪೊಸಿಟಿವ್​ ರೆಸ್ಪಾಂನ್ಸ್​ ಸಿಕ್ತಾಯಿತ್ತು.. ಆದ್ರೆ ಒಂದೆಸಲಕ್ಕೆ ಎಲ್ಲಾ ಸ್ಟಾಪ್​ ಆಯ್ತು.

ಲಗ್ನ ಪತ್ರಿಕೆ ಸೀರಿಯಲ್​ ಬಳಿಕ ನನಗೆ ಸಾಕಷ್ಟು ಆಫರ್​ಗಳು ಬಂದ್ವು ಆದ್ರೆ ನಾನಿನ್ನೂ ಓದ್ತಾಯಿದ್ದೆ.. ಹಾಗಾಗಿ ಓದಿಗೋಸ್ಕರ ಆ್ಯಕ್ಟಿಂಗ್​ಗೆ ಬ್ರೇಕ್​ ಕೊಡೊಣ ಅಂತಾ ಡಿಸೈಡ್​ ಮಾಡಿದ್ದೆ.. ಆದ್ರೆ ಒಂದು ದಿನ ಆರೂರ್​ ಜಗದೀಶ್​ ಸರ್​ ಕಾಲ್​ ಮಾಡಿ ಈ ರೀತಿ ಒಂದು ಪಾತ್ರ ಇದೆ ಟ್ರೈ ಮಾಡು ಅಂತಾ ಹೇಳಿದ್ರು.

ಆರೂರ್​ ಜಗದೀಶ್​ ಸರ್ ಜೊತೆ ಮಾತನಾಡಿದ್ದೆ ಆದ್ರೆ ನಾನೂ ಯಾವುದೆ ಡಿಸಿಶನ್​ ತಗೊಂಡಿರಲಿಲ್ಲಾ.. ಅವ್ರು ಕೇಳಿದ ಒಂದಿಷ್ಟು ದಿನಗಳಲ್ಲಿ ಕೋವಿಡ್​ ಹಾವಳಿಯಿಂದ ಲಾಕ್​ಡೌನ್​ ಮಾಡಲಾಯ್ತು.. ಬಳಿಕ ಆನ್​ಲೈನ್​ ಕ್ಲಾಸ್​ ಶುರುವಾಯ್ತು.. ಆಗಾ.. ನಾನೂ ಮತ್ತೆ ಆ್ಯಕ್ಟಿಂಗ್​ ಶುರುಮಾಡ್ಬೇಕು ಅಂತಾ ನಿರ್ಧರಿಸಿ ಆರೂರ್​ ಜಗದೀಶ್​ ಸರ್​ಗೆ ಕಾಲ್​ ಮಾಡಿ ಆ್ಯಕ್ಟ್​ ಮಾಡ್ತೀನಿ. ನಾನೂ ಆ್ಯಕ್ಟಿಂಗ್​ ಹಾಗೂ ಎಜ್ಯೂಕೆಶನ್​ ಎರಡನ್ನೂ ಬ್ಯಾಲೆನ್ಸ್​ ಮಾಡ್ತೀನಿ ಅಂತಾ ತೀರ್ಮಾನಿಸಿದೆ.

ನಂತರ ನಾನೂ ಲುಕ್​ ಟೆಸ್ಟ್​ ನೀಡಿದೆ.. ಒಂದು ವಾರದಲ್ಲಿ ನಾವೂ ಮೊಕ್​ ಶೂಟ್​ ಶುರುಮಾಡಿದ್ವಿ.. ನನಗೆ ಖುಷಿ ನೀಡಿದ ವಿಚಾರ ಅಂದ್ರೆ ನಾನೂ ಉಮಶ್ರೀ ಅಮ್ಮ ಜೊತೆ ಸ್ಕ್ರೀನ್​ ಶೇರ್​ ಮಾಡ್ತಾಯಿರೊದು..ಮೊಕ್​ ಶೂಟ್​ ನಂತ್ರ ಸೆಪ್ಟಂಬರ್​ ತಿಂಗಳಿಂದ ಶೂಟಿಂಗ್ ಶುರುವಾಯ್ತು.. ನಾನೂ ಕಲಿಯೋಕೆ ಒಳ್ಳೆಯ ಎಕ್ಸ್​ಪಿರಿಯನ್ಸ್​ ಅಂತಾ ನಟಿ ಸಂಜನಾ ಮಾಹಿತಿ ಹಂಚಿಕೊಂಡಿದ್ದಾರೆ.

ಇನ್ನೂ ತಮ್ಮ ಪಾತ್ರದ ಬಗ್ಗೆ ಮತನಾಡಿರುವ ಸಂಜನಾ.. ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ನಾನೂ ಸ್ನೇಹಾ ರೋಲ್​ನಲ್ಲಿ ಕಾಣಿಸಿಕೊಳ್ಳಲಿದ್ದೀನಿ..ಸ್ನೇಹಾ ದೊಡ್ಡದೊಂದು ಗುರಿ ಇಟ್ಟುಕೊಂಡಿರುತ್ತಾಳೆ.. ಅವ್ಳಿಗೆ IAS ಆಫಿಸರ್​ ಆಗಬೇಕೆಂಬ ದೊಡ್ಡ ಕನಸು ಇರತ್ತೆ.. ಈ ಕನಸು ಚಿಕ್ಕ ವಯಸ್ಸಿನಿಂದಲು ಇರತ್ತೆ. ಈ ಪಾತ್ರದಲ್ಲಿ ನಾನೂ ಹಳ್ಳಿಯ ಹುಡುಗಿಯಾಗಿ ಕಾಣಿಸಿಕೊಳ್ತೀನಿ.. ಯಾವುದೇ ಗ್ಲಾಮರ್​ ಲುಕ್​ ಇರಲ್ಲಾ ಎಂದಿದ್ದಾರೆ.

ಒಟ್ನಲ್ಲಿ ಹೊಸ ಪ್ರಾಜೆಕ್ಟ್​ ಬಗ್ಗೆ ಸಖತ್​ ಖುಷಿಯಾಗಿರುವ ಸಂಜನಾ.. ಪಾತ್ರಕ್ಕಾಗಿ ಸಾಕಷ್ಟು ತಯಾರಿಗಳನ್ನು ನಡೆಸ್ತಾಯಿದ್ದಾರಂತೆ.. ಸ್ನೇಹಾ ಆ್ಯಂಡ್​ ಇಡಿ ಟೀಮ್​ಗೆ ನಮ್ ಕಡೆಯಿಂದ ಬೆಸ್ಟ್​ ವಿಶ್ಶಸ್​.

The post ‘ಪುಟ್ಟಕ್ಕನ ಮಕ್ಕಳ’ ಬಗ್ಗೆ ನಟಿ ಸಂಜನಾ ಹೇಳಿದ್ದೇನು ಗೊತ್ತಾ..? appeared first on News First Kannada.

News First Live Kannada


Leave a Reply

Your email address will not be published. Required fields are marked *