ಪ್ರಧಾನಿ ಮೋದಿಗಾಗಿ ಶಾಸಕ ಹರೀಶ್ ಪೂಂಜಾರಿಂದ ‘ಮಹಾ ಯಾಗ’; ಏನೆಲ್ಲಾ ಪೂಜೆ ನಡೆಯುತ್ತೆ..?


ಮಂಗಳೂರು: ಪ್ರಧಾನಿ ನರೇಂದ್ರ ಮೋದಿ ಆರೋಗ್ಯ, ಆಯುಷ್ಯ ವೃದ್ಧಿಗಾಗಿ ಧರ್ಮಸ್ಥಳದಲ್ಲಿ ಮಹಾಮೃತ್ಯುಂಜಯ ಯಾಗ ಮಾಡಲಾಗುತ್ತಿದೆ. ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜಾ ನೇತ್ರತ್ವದಲ್ಲಿ ಈ ಪೂಜಾ ಕಾರ್ಯಕ್ರಮ ನಡೆಯುತ್ತಿದೆ.

ಬೆಳಗ್ಗೆ 8 ಗಂಟೆಗೆ ಸರಿಯಾಗಿ ಪ್ರಧಾನ ಯಾಗ ಕುಂಡದಿಂದ ಅಗ್ನಿ ವಿಹರಣೆ ನಡೆಯಲಿದೆ. ಆ ಬಳಿಕ ಪ್ರಧಾನ ಕುಂಡದಲ್ಲಿ ಗಣಯಾಗ ಪ್ರಾರಂಭವಾಗಲಿದೆ. ಬಳಿಕ ಚತುರ್ವೇದ, ಗೋ ಪೂಜೆ, ಅಶ್ವಪೂಜೆ, ಗಣಪೂಜೆ ನಡೆಯಲಿದೆ.

ಬೆಳಗ್ಗೆ 9 ಗಂಟೆ ಹೊತ್ತಿಗೆ ಏಳು ಹೋಮ ಕುಂಡಗಳಲ್ಲಿ ಪ್ರಧಾನ ಹೋಮಗಳು ಪ್ರಾರಂಭ ಆಗಲಿದೆ. ಬೆಳಗ್ಗೆ 10.30ಕ್ಕೆ ಆರು ಹೋಮಕುಂಡಗಳಲ್ಲಿ ಪೂರ್ಣಾಹುತಿ, ಮಂಗಳಾರತಿ ಪೂಜೆ ನಡೆಯಲಿದೆ. 10.45 ರ ಸುಮಾರಿಗೆ ಆರು ಕುಂಡಗಳ ಅಗ್ನಿ ಪ್ರಧಾನ ಕುಂಡಕ್ಕೆ ಸಮರ್ಪಣೆ ಆಗಲಿದೆ. 11 ಗಂಟೆಗೆ ಪ್ರಧಾನ ಕುಂಡದಲ್ಲಿ ಕಲ್ಪೋಕ್ತ ಪೂಜೆ ಆರಂಭ ಆಗಲಿದೆ. 11.30ಕ್ಕೆ ಪೂರ್ಣಫಲ ಹೋಮ ಪೂರ್ಣಾಹುತಿ ಮತ್ತು 12 ಗಂಟೆಗೆ ಮಹಾಪೂಜೆ‌ ಪ್ರಾರ್ಥನೆ ನಡೆಯಲಿದೆ.

News First Live Kannada


Leave a Reply

Your email address will not be published. Required fields are marked *