ಪ್ರಮುಖ ನಾಲ್ಕು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿ ಭಾರತ


ಕಾನ್ಪುರದಲ್ಲಿ ನಡೆಯುತ್ತಿರುವ ಮೊದಲ ದಿನದಾಟದ 2ನೇ ಸೆಷನ್​ಲ್ಲಿ ಟೀಮ್ ಇಂಡಿಯಾ ವಿರುದ್ಧದ ಪ್ರವಾಸಿ ನ್ಯೂಜಿಲೆಂಡ್ ಮೇಲುಗೈ ಸಾಧಿಸಿದೆ. ಮೊದಲ ಸೆಷಲ್​​ನಲ್ಲಿ 61 ರನ್​​ಗೆ 1 ವಿಕೆಟ್​ ಕಳೆದುಕೊಂಡು ಸುಸ್ಥಿತಿಯಲ್ಲಿದ್ದ ಟೀಮ್ ಇಂಡಿಯಾ, 2ನೇ ಸೆಷನ್​ನಲ್ಲಿ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ.

ಭೋಜನ ವಿರಾಮದ ಬಳಿಕ ಬಿಗ್ ಇನ್ನಿಂಗ್ಸ್​ ಕಟ್ಟೋ ಮುನ್ಸೂಚನೆ ನಿಡಿದ್ದ ಶುಭ್​ಮನ್ ಗಿಲ್ 52 ರನ್​ ಗಳಿಸಿದ್ದಾಗ ವೇಗಿ ಕೈಲ್​​ ಜೆಮಿಸನ್ ಓವರ್​ನಲ್ಲಿ ಕ್ಲೀನ್​​​ ಬೋಲ್ಡ್​ ಆಗಿ ನಿರ್ಗಮಿಸಿದರೆ. ಈ ಬೆನ್ನಲ್ಲೇ ಟೆಸ್ಟ್ ಸ್ಪೆಷಲಿಸ್ಟ್​ ಚೇತೇಶ್ವರ ಪೂಜಾರ, ಟಿಮ್ ಸೌಥಿ ಓವರ್​ನಲ್ಲಿ ವಿಕೆಟ್ ಕೀಪರ್ ಟಾಮ್ ಬ್ಲಂಡಲ್​​ಗೆ ಕ್ಯಾಚ್​​ ನೀಡಿ ಪೆವಿಲಿಯನ್ ಸೇರಿದರು.

ಈ ಬಳಿಕ ಬಿಗ್ ಇನ್ನಿಂಗ್ಸ್​ ಕಟ್ಟುವ ನಿರೀಕ್ಷೆ ಹುಟ್ಟುಹಾಕಿದ್ದ ಹಂಗಾಮಿ ನಾಯಕ ರಹಾನೆ, 35 ರನ್​ಗಳಿಗೆ ತಮ್ಮ ಆಟವನ್ನ ಅಂತ್ಯವಾಡಿದರು. ಸದ್ಯ ಚೊಚ್ಚಲ ಟೆಸ್ಟ್​ ಪಂದ್ಯವನ್ನಾಡುತ್ತಿರುವ ಶ್ರೇಯಸ್​ ಅಯ್ಯರ್ 17 ರನ್​, ಆಲ್​ರೌಂಡರ್ ಜಡೇಜಾ 6 ರನ್​ ಗಳಿಸಿ ಕ್ರೀಸ್​ ಕಾಯ್ದುಕೊಂಡಿದ್ದಾರೆ. ಸದ್ಯ 2ನೇ ಸೆಷನ್ ಅಂತ್ಯಕ್ಕೆ ಟೀಮ್ ಇಂಡಿಯಾ 56 ಓವರ್​ಗಳಲ್ಲಿ 154 ರನ್ ಕಲೆಹಾಕಿ 4 ವಿಕೆಟ್ ಕಳೆದುಕೊಂಡಿದೆ.

News First Live Kannada


Leave a Reply

Your email address will not be published. Required fields are marked *