ಪವರ್​ ಸ್ಟಾರ್​ ಪುನೀತ್​ ರಾಜ್​ಕುಮಾರ್​ ನಮ್ಮನ್ನಗಲಿ ಹನ್ನೆರಡು ದಿನಗಳು ಕಳೆದಿವೇ. ಆದರೂ ಸಹ ಅವರ ಕುಟುಂಬಸ್ಥರು ಮತ್ತು ಅಭಿಮಾನಿಗಳ ನೋವು ಕೊಂಚವೂ ಕಡಿಮೆಯಾಗಿಲ್ಲ. ಪ್ರತಿ ದಿನ ಸಾವಿರಾರು ಅಭಿಮಾನಿಗಳು ಅಪ್ಪು ಅವರ ಸಮಾಧಿಯ ದರ್ಶನ ಪಡೆಯುತ್ತಿದ್ದಾರೆ.

ನಿನ್ನೆಯಷ್ಟೇ ಪುನೀತ್​ ಅವರ 11ನೇ ದಿನದ ಪುಣ್ಯಸ್ಮರಣೆ ಕಾರ್ಯವನ್ನು ಡೊಡ್ಮನೆ ಕುಟುಂಬಸ್ಥರು ನೆರವೇರಿಸಿದ್ದಾರೆ. ಇನ್ನು ಇಂದು ಆರೆಮನೆ ಮೈದಾನಲ್ಲಿ ಅಪ್ಪು ಅಭಿಮಾನಿಗಳಿಗಾಗಿ ಸಾರ್ವಜನಿಕ ಅನ್ನಸಂತರ್ಪಣೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದ್ದು, 25 ರಿಂದ 30 ಸಾವಿರ ಜನರು ಇದುವರೆಗೂ ಊಟ ಮಾಡಿದ್ದಾರೆ. ಇದೇವೇಳೆ ರಾಘವೇಂದ್ರ ರಾಜ್​ಕುಮಾರ್​ ತಮ್ಮ ಸಹೋದರ ಪುನೀತ್​ರನ್ನು ನೆನೆದು ಸೋಶಿಯಲ್​ ಮೀಡಿಯಾದಲ್ಲಿ ಅಪ್ಪು ಬಗ್ಗೆ ಭಾವನಾತ್ಮಕವಾದ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದಾರೆ.

” ಅಪ್ಪು ಮಗನೇ ನಿರುದ್ಯೋಗಿ ಆಗಿದ್ದ ನನಗೆ ನೀನು ಸಮಾಜ ಸೇವೆ ಮಾಡುವ ಕೆಲಸವನ್ನು ಕೊಟ್ಟಿದ್ದೀಯಾ. ಯಾರಿಗೂ ಹೇಳದೆ ಕಿವುಡ ಮೂಗನಾಗಿ ಮತ್ತು ಕುರುಡನಾಗಿ ಸಮಾಜ ಸೇವೆ ಮಾಡುವಾಗ ಸದಾ ನಿನ್ನ ಆಲೋಚನೆಗಳೊಂದಿಗೆ ಬಾಳುವ ಆ ಪ್ರೀತಿಯ ಶಕ್ತಿಯನ್ನು ನನಗೆ ಕೊಡು” ಎಂದು ರಾಫಣ್ಣ ಬರೆದುಕೊಂಡಿದ್ದಾರೆ.